487.29
-0.01
568.08
+2.76
8.23
+0.01
+9
Եղանակը Երևանում
Հայ
Հայաստանի նախագահը հայտարարում է բարեփոխումները շարունակելու անհրաժեշտության մասին
11:59
24 Սեպտեմբերի 2007

ԵՐԵՎԱՆ, 24 սեպտեմբերի. /Նովոստի-Արմենիա/. Անհրաժեշտ է շարունակել բարեփոխումները` խորացնելով դրանց սոցիալական ուղղվածությունը, հայտարարել է ՀՀ նախագահ Ռոբերտ Քոչարյանը՝ Հայաստանի Հանրապետության Անկախության 16-րդ տարեդարձին նվիրված հանդիսավոր ընդունելության ժամանակ։

«Ներկայիս Հայաստանը կայուն զարգացման փուլում է: Տնտեսությունը սրընթաց վերելք է ապրում. ստեղծվում են հազարավոր աշխատատեղեր, զգալիորեն աճում են ազգաբնակչության եկամուտները, նվազում է աղքատությունը, բարելավվում է կյանքի որակը, վերադառնում են մեր հազարավոր քաղաքացիները, որոնք լքել էին երկիրը` իրենց գոյատևումն ապահովելու նպատակով, ձևավորվում է միջին խավ», - ասել է Ռ. Քոչարյանը։

Նրա խոսքերով, անկախության 16 տարիների ընթացքում պատվով հաղթահարվել են բազմաթիվ փորձություններ։

«Ես լավատես եմ Հայաստանի ապագայի հանդեպ` հասկանալով, որ դեռ շատ անելիքներ կան, ներուժը մեծ է, և մեր ժողովուրդն արժանի է ավելի լավ կյանքի: Մենք պարտավոր ենք կրկնապատկել ժամանակակից և արդյունավետ պետականության կառուցմանն ուղղված մեր ջանքերը», - նշել է Ռ. Քոչարյանը։

Նա նաև ասել է, որ Հայաստանը կշարունակի աջակցությունը Լեռնային Ղարաբաղի Հանրապետության կայացմանը, քանի որ միայն լիարժեք պետականությունը կարող է ապահովել Արցախի ժողովրդի անվտանգությունը:

«Լեռնային Ղարաբաղում կայացած նախագահական ընտրությունները ցուցադրեցին ժողովրդի հավաքական մղումը դեպի անկախություն, հավատն իրենց պետականության հանդեպ և այն պաշտպանելու կամքը», - ասել է Ռ. Քոչարյանը։

Խոսելով մայիսի 12-ին Հայաստանում տեղի ունեցած խորհրդարանական ընտրությունների մասին՝ նա նշել է, որ դրանք  ցուցադրեցին իրականացվող քաղաքականության նկատմամբ ժողովրդի վստահությունը։

«Համոզված եմ, որ առաջիկա նախագահական ընտրությունները ևս կանցնեն միջազգային չափանիշներին համապատասխան և բարձր վստահության մթնոլորտում։ Ընտրված քաղաքական ուղեգծի հետևողական շարունակումը Հայաստանի կայունության և առաջընթացի կարևոր գրավականն է», - համոզված է ՀՀ նախագահը։

Իր ելույթում նա նաև շոշափել է պետության Զինված ուժերի վիճակը։ «Այսօր Հայաստանը պաշտպանված է՝ շնորհիվ մեր Զինված ուժերի։ Այս տոնական օրը մեր պարտքն է՝ արժանին մատուցել ընկած հերոսներին։ Նրանց ջանքերի և կյանքի գնով է, որ Հայաստանի Հանրապետությունն ապրում է խաղաղության մեջ: Մեր հուսալի բանակը հպարտություն է ներշնչում Հայաստանի յուրաքանչյուր քաղաքացու», - նշել է Ռ. Քոչարյանը։

Նրա խոսքերով, համայն հայության հայրենիքը թևակոխում է զարգացման նոր փուլ՝ իր առջև դնելով ավելի հավակնոտ նպատակներ։

«Համոզված եմ, որ միահամուռ ջանքերով մենք հասնելու ենք նաև այդ նպատակներին և սերունդներին ենք ավանդելու ամուր և բարեկեցիկ երկիր», - հայտարարել է ՀՀ նախագահը։

Ուրբաթ Հայաստանը նշեց անկախության 16-րդ տարեդարձը։ Հայաստանի Անկախության մասին հռչակագիրն ընդունվել է 1990թ. օգոստոսի 23-ին՝ Գերագույն խորհրդի առաջին նիստի ժամանակ։ Այդ փաստաթղթով Հայաստանի Խորհրդային Սոցիալիստական Հանրապետությունը անվավեր ճանաչվեց և հռչակվեց Հայաստանի Անկախ Հանրապետությունը։

Հայաստանի Գերագույն խորհրդի որոշմամբ, 1991թ. սեպտեմբերի 21-ին հանրաքվե անցկացվեց՝ ԽՍՀՄ կազմից դուրս գալու և անկախ պետականություն հաստատելու վերաբերյալ։ Ընտրական իրավունք ունեցող քաղաքացիների 94,99%-ը կողմ էր քվեարկել:

Երկու օր անց  հանրապետության Գերագույն Խորհուրդը Հայաստանը հռչակեց անկախ, ինքնիշխան հանրապետություն։--0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։