478.57
+0.37
561.79
+1.96
8.05
+0.02
+26
Եղանակը Երևանում
Հայ
Դաշնակցությունը որոշել է Հայաստանի նախագահական ընտրություններին երկու հնարավոր թեկնածուների անունները
12:24
18 Սեպտեմբերի 2007

ՀՅԴ Հայաստանի կազմակերպության Գերագույն ժողովը Հայաստանի նախագահական ընտրություններին որպես երկու հնարավոր թեկնածու առաջադրել է ՀՀ  խորհրդարանի փոխխոսնակ Վահան Հովհաննիսյանի և Ազգային ժողովի մշտական հանձնաժողովի նախագահ Արմեն Ռուստամյանի թեկնածությունները։

Այս մասին հաղորդվում է «Նովոստի-Արմենիա» գործակալությանը տրամադրված՝  Լեռնային Ղարաբաղի Հանրապետությունում ՀՅԴ Հայաստանի կազմակերպության 11-րդ Գերագույն Ժողովի հայտարարությունում։

Գերագույն Ժողովը որոշել է մասնակցել Հայաստանի Հանրապետության նախագահի ընտրություններին սեփական թեկնածուով և նախագահի թեկնածուի առաջադրումը կատարել երկու փուլով։ Մասնավորապես այդ նպատակով նոյեմբերին կգումարվի ՀՅԴ Հայաստանի կազմակերպության արտակարգ Գերագույն Ժողով։

«Կազմակերպական կառույցի տեսակետի բյուրեղացման, ինչպես նաև ժողովրդային և համակիր շրջանակների կարծիքի հիման վրա արտակարգ Գերագույն Ժողովը ՀՀ նախագահի թեկնածու կառաջադրի՝ ընտրություն կատարելով Վահան Հովհաննիսյանի և Արմեն Ռուստամյանի միջև», - նշվում է հայտարարության մեջ։

Փաստաթղթում ընդգծվում է, որ Հայաստանի Հանրապետության և համայն հայության առջև ծառացած մարտահրավերներին դիմակայելու, պետական, հասարակական և համազգային խնդիրների լուծման համար առաջիկա նախագահական ընտրություններն ունեն բացառիկ նշանակություն։

«Ընտրությունները նոր հնարավորություններ կստեղծեն` ձևավորելու հավասարակշռված իշխանություն, որն ընդունակ կլինի ճշտել և ուղղորդել երկրի հետագա զարգացման ռազմավարությունը, պահպանել սահմանադրական բարեփոխումների ոգին և նպատակը՝ ամբողջությամբ կյանքի կոչելով այն, իրականացնել համակարգային, արմատական բարեփոխումներ և ապահովել հասարակական համերաշխություն և ապահովություն», - ասվում է հայտարարության մեջ։

Դաշնակցությունը սեփական թեկնածուի առաջադրման մասին որոշումը ընդունելու ժամանակ նկատի է ունենում այն, որ կուսակցության պաշտպանած ազգային¬պետական ուղեգծի պահպանման, երկրում խորքային և ամբողջական ժողովրդավարական բարեփոխումների իրականացման գործընթացների դանդաղումը պարարտ հող է ստեղծում որդեգրած ազգային ուղեգիծը մերժելու միտումների համար։

Հայտարարության մեջ նաև նշվում է, որ իշխանություններից, քաղաքական ուժերից, ինչպես նաև ընտրություններից ժողովրդի աճող օտարումն ու հիասթափությունը լրջորեն վտանգում են հասարակական¬քաղաքական կյանքի և երկրի առաջընթաց զարգացման հեռանկարը։

«Տնտեսության և քաղաքականության շարունակական սերտաճումը վտանգավոր չափերի են հասցրել իշխանության պլուտոկրատացումն ու կոռումպացումը, պայմաններ են ստեղծվել իշխանության և պետության նույնացման համար», - նշվում է փաստաթղթի մեջ։

Կուսակցությունում համոզված են, որ երկրի առաջընթաց զարգացման արագացման ապահովմամբ է միայն հնարավոր արդար և խաղաղ լուծման հասցնել Լեռնային Ղարաբաղի հիմնախնդիրը, չեզոքացնել անվտանգության արտաքին և ներքին սպառնալիքները` բովանդակ հայ ժողովրդի կարողականությունն ուղղորդելով համազգային խնդիրների և հարցերի լուծմանը։

Գերագույն Ժողովը նաև նշել է, որ իշխանության մեջ հակակշռման և զսպման առաջադեմ մեխանիզմների ներդրումով իշխանությունների պատասխանատվության և հաշվետվության, գործունեության թափանցիկության ապահովումով է հնարավոր առողջացնել իշխանական համակարգը և հասնել արդյունավետ կառավարման։

«Իրական ժողովրդավարությունն անհնար է առանց իրավահավասարության և մարդու իրավունքների հարգման, տնտեսական ազատությունն անհնար է առանց արդար մրցակցության, տնտեսական կայուն զարգացումն անհնար է առանց սոցիալական պաշտպանվածության և ապահովության», - ասվում է հայտարարության մեջ։

Կուսակցությունում նաև համոզված են, որ գաղափարական և քաղաքական լուրջ քննարկումների և բանավեճերի ծավալմամբ միայն կարելի է հիմքեր ստեղծել ժողովրդի գիտակցված և իրական ընտրության համար։-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: