484.37
+0.38
564.15
+0.69
8.28
-0.04
+13
Եղանակը Երևանում
Հայ
Ժնևում բացվել է միջնադարյան հայկական ձեռագրերի և գրքերի
19:48
17 Սեպտեմբերի 2007

ԵՐԵՎԱՆ, 17 սեպտեմբերի./Նովոստի-Արմենիա/. Ժնևում բացվել է միջնադարյան հայկական ձեռագրերի և գրքերի «Հայաստանի մանրանկարները. Մատենադարանի հավաքածուն» ցուցահանդեսը:

«Ցուցահանդեսը ներկայացնում է Հայաստանի` որպես Արևմուտքի և Արևելքի խաչմերուկում գտնվող երկրի ներդրումը համամարդկային հոգևոր արժեքների գանձարանում, բացահայտում է կրոնի, փիլիսոփայության, մշակույթի, արվեստի և գիտության հիմնարար ազդեցությունը հայ ժողովրդի ինքնության ձևավորման վրա»,-«Նովոստի-Արմենիա» գործակալությանը հայտնեցին ՀՀ ԱԳՆ մամուլի և տեղեկատվության վաչությունում:

Ցուցանմուշների թվում են Մատենադարանի գանձերից Արցախի Ավետարանը (XIVդ.), Տաթևի դպրոցի Ավետարանը (XIVդ.), Գրիգոր Տաթևացու, Գրիգոր Նարեկացու և Դավիթ Անհաղթի եզակի ձեռագրերը:

Ցուցահանդեսում լայնորեն ներկայացված է նաև Կիլիկիայի մանրանկարչության դպրոցը (Ակների Ավետարանը (1287թ.), Սարգիս Պիծակի Արքայական Ավետարանը (1336թ.), Սմբատ Գունդստաբլի Ավետարանը (XIVդ.) և այլն):

Ցուցահանդեսում ներկայացվելու են նաև Վենետիկի Մխիթարյան միաբանության գրադարանից և Ֆրանսիայի ազգային գրադարանից բերված հայկական ձեռագրեր, այդ թվում` 14-րդ դարի Ալեքսանդրի պատմությունը, որը ոչ կրոնական մանրանկարչության եզակի նմուշ է:

Ցուցահանդեսը տևելու է մինչև դեկտեմբերի 30-ը: Ցուցահանդեսի շրջանակում անցկացվելու է նաև ֆրանսիացի արվեստաբան Ռեժի Լաբուրդետի լուսանկարների «Խորհրդապաշտական խաչ» ցուցահանդեսը՝ նվիրված հայկական եկեղեցիներին:

Ցուցահանդեսը, որը կազմակերպել են Երևանի Մեսրոպ Մաշտոցի անվան ինստիտուտը՝ Մատենադարանը, Բոդմեր գրադարան-թանգարանը և Շվայցարիայում Հայաստանի դսապանատունը, անցկացվում է Շվեյցարիայի նախագահ Միշլին Քալմի Ռեյի և Հայաստանի արտգործնախարար Վարդան Օսկանյանի հովանավորությամբ։

Սեպտեմբերի 14-ին ցուցահանդեսի բացման արարողությանը մասնակցել են ՀՀ կրթության և գիտության նախարար Լևոն Մկրտչյանը, Մատենադարանի տնօրեն Հրաչ Թամրազյանը, Ժնևի կանտոնի Խորհրդի նախագահ Շառլ Բեռը, Շվեյցարիայի դաշնային և Ժնևի կանտոնալ բարձրաստիճան պաշտոնյաներ, Ժնևում գործող միջազգային կազմակերպությունների ներկայացուցիչներ և հավատարմագրված դիվանագետներ:

Ցուցահանդեսի հովանավորներն են Հանս Վիլսդորֆ հիմնադրամը, «Բողոսյան եւ որդիներ», «Արմենիա», «Փիլիպոսյան» հիմնադրամները, Էդմոնդ և Թալին Ավագյանները և Լոմբարդ Օդյե բանկը: Ցուցահանդեսին օժանդակում է նաև Յուլիուս Բաեր բանկը:

Ցուցահանդեսի գիտական կուրատորն ու կատալոգի խմբագիրն է Ժնևի համալսարանի հայագիտության պրոֆեսոր Վալենտինա Կալցոլարին:

Կատալոգը կազմվել է Մատենադարանի գիտական անձնակազմի մասնակցությամբ, իսկ դրա տպագրությունը հովանավորել են Եդմոնդ և Թալին Ավագյան բարերարները:

Բոդմեր գրադարան-թանգարանը հիմնադրել է շվեյցարացի բարերար Մարտին Բոդմերը 20-րդ դարի կեսերին, և համաշխարհային խոշորագայն անհատական գրադարաններից մեկն է` ունենալով 160 հազար հատոր հավաքածու:

Այսօր գրադարան-թանգարանի մշտական հավաքածուն պարունակում է վաղ և ուշ միջնադարյան ձեռագրեր, այդ թվում` Նոր կտակարանի մի շարք տեքստերի, մասնավորապես, Հովհանի ավետարանի հնագույն պահպանված օրինակները, համաշխարհային դասականների գործերի ձեռագիր բնօրինակներ (Ադամ Միլտոնի «Դրախտ կորուսյալը», Գյոթե, Ուիլյամ Բաթլեր Յեյթս, Մարսել Պրուստ, Ջոն Դոն և այլն) և առաջին հրատարակություններ (Դանթե, Շեքսպիր և այլն):

Թանգարանի կազմակերպած համաշխարհային ժառանգությունը ներկայացնող ցուցահանդեսները լայնորեն լուսաբանվում են եվրոպական մամուլում և հեռուստատեսությամբ: -0-

Loading...
Թեմատիկ նյութեր
Բաժնի այլ նյութեր
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»: