482.89
-0.16
541.32
+2.38
8.54
+0.08
+20
Եղանակը Երևանում
Հայ
Հայաստանում աֆրիկյան ժանտախտի բռնկման պատճառով ոչնչացման է ենթակա 1700 խոզ
14:38
05 Սեպտեմբերի 2007

ԵՐԵՎԱՆ, 5 սեպտեմբերի./Նովոստի-Արմենիա/. Հայաստանում աֆրիկյան ժանտախտի բռնկման պատճառով ոչնչացման է ենթակա 1700 խոզ, չորեքշաբթի լրագրողներին հայտնեց Հայաստանի գյուղատնտեսության նախարարության Սննդամթերքի անվտանգության և անասնաբուժական պետական տեսչության պետ Գրիգոր Բաղիյանը։

Նա նշեց, որ խոզերի մի մասն արդեն ոչնչացված է, իսկ մնացած մասը ենթակա է պարտադիր ոչնչացման։ «Այս հիվանդությունը չի բուժվում, դրա համար էլ խոզերի ոչնչացումը հարկադիր միջոց է՝ վարակի տարածումը կանխելու համար»,- ասաց Բաղյանը։

Նա հայտնեց, որ հանրապետության ողջ տարածքում պրոֆիլակտիկ միջոցներ են ձեռնարկվում՝ վարակի տարածումը կանխելու նպատակով, իսկ որոշ տեղերում կարանտինի կետեր են տեղադրվել։

«Վրաստանում աֆրիկյան ժանտախտի բռնկման մասին լուրը ստանալուն պես մայիսին մենք խստացրեցինք վերահսկողությունը սահմանամերձ հսկիչ-անցակետերում՝ ամենօրյա հերթապահություն սահմանելով։ Հայաստանի տարածք մտնող բոլոր տրանսպորտային միջոցները ախտահանվում էին»,- ասաց նա։

Տեսչության պետի խոսքերով, Հայաստանում աֆրիկյան ժանտախտի առաջին դեպքը գրանցվել է օգոստոսի 7-ին՝ Դիլիջանում, իսկ ներկայում հիվանդության վարակի ևս յոթ օջախ կա Տավուշի և Լոռու մարզերում։

Բաղյանը նշեց, որ գյուղատնտեսության նախարարի հրամանով օգոստոսի 9-ին թռչնագրիպի դեմ պայքարի շտաբը վերակազմավորվել է աֆրիկյան ժանտախտի դեմ պայքարի շտաբի։

«Այսօր մենք աֆրիկյան ժանտախտի դեմ պայքարելու համար ձեռնարկում ենք բոլոր միջոցները, որպեսզի կանխարգելենք դրա հետագա տարածումը»,- ասաց նա։

Բաղյանը նշեց, որ միջազգային փորձի համաձայն, աֆրիկյան ժանտախտի առկայության փաստը պետք է հաստատեն լաբորատոր հետազոտությունները,  և այժմ աշխատանքներ են տարվում՝ հիվանդ կենդանիների հյուսվածքների նմուշները Անգլիայի լաբորատորիա ուղարկելու համար։

«Սակայն նմուշներն ուղարկելու հետ կապված բարդությունները կապված են այն բանի հետ, որ մեր օդանավակայանը պատրաստ չէ նմանատիպ աշխատանքի։ Հիմա մեզ հետ աշխատում են մի քանի միջազգային կազմակերպություններ, մենք դիմել ենք Մեծ Բրիտանիայի դեսպանատուն և անմիջապես լաբորատորիա, և մոտակա օրերին այս հարցը կլուծվի»,- ասաց նա։

Բաղյանն ասաց, որ այսօր առաջնային խնդիրը վարակի տարածումը կանխելն է, իսկ տուժած ֆերմերային տնտեսություններին փոխհատուցում տրամադրելը  կառավարության խնդիրն է։ Միաժամանակ նա նշեց, որ փոխհատուցման հարցը անպայման կքննարկվի կառավարությունում։

Օգոստոսի վերջին Հայաստանում խոզերի վարակվածության փաստը հաստատեցին ռուս մասնագետները։ Ռիսկի գոտի են համարվում Վրաստանին սահմանակից հայկական շրջանները, որտեղ, ըստ վերջին տվյալների, սատկած խոզերի քանակը գերազանցում է 21 հազարը։

Խոզերի աֆրիկյան ժանտախտը կամ Մոնթգոմերի հիվանդությունն առաջին անգամ գրանցվել 1903թ. Հարավային Աֆրիկայում։ Բնական պայմաններում հիվանդության նկատմամբ առավել զգայուն են տնային և վայրի խոզերը, վարակը փոխանցվում է առողջ և հիվանդ խոզերի շփման ժամանակ, վարակը տարածվում է հիվանդ կենդանիների արտազատումներով աղտոտված  կերի, արոտավայրի, տրանսպորտային միջոցի միջոցով։ Վարակակիրներ կարող են լինել նաև վայրի թռչունները և կենդանիները, ինչպես նաև շները։ --0—

Loading...
Թեմատիկ նյութեր
Բաժնի այլ նյութեր
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ: