478.57
+0.37
561.79
+1.96
8.05
+0.02
+24
Եղանակը Երևանում
Հայ
Ադրբեջանը տապալեց մշակութային ժառանգության վիճակի ուսումնասիրության նպատակով ԵԽԽՎ զեկուցողի այցը տարածաշրջան, կարծում են ՀՀ խորհրդարանում
11:11
31 Օգոստոսի 2007

Ադրբեջանը տապալեց մշակութային ժառանգության վիճակի ուսումնասիրության նպատակով ԵԽԽՎ զեկուցողի՝ Էդվարդ Օ՚  Հարայի այցը տարածաշրջան, ասվում է Հայաստանի Ազգային ժողովի հասարակայնության հետ կապերի հետ վարչությունից հինգշաբթի «Նովոստի-Արմենիա» գործակալությանը տրված տեղեկատվության մեջ։

«Նախաձեռնությունը ԵԽԽՎ-ում Հայաստանի պատվիրակությանն էր` կապված Նախիջևանում խաչքարերի ոչնչացման հետ», - նշեցին Հայաստանի խորհրդարանում՝ ավելացնելով, որ Օ’Հարայի այցը տարածաշրջան նախատեսված էր դեռևս տարիներ առաջ, բայց տարբեր պատճառներով  հետաձգվում էր։

Ազգային Ժողովում նշեցին, որ Հայաստանի Հանրապետությունը և Լեռնային Ղարաբաղի Հանրապետությունն իրենց անվերապահ աջակցությունն էին հայտնել զեկուցողին այցի իրականացման համար։

Բացի դրանից Հայաստանը, Ադրբեջանը և Վրաստանը ուղարկել էին այն հուշարձանների ցուցակները, որոնք պետք է Հարավային Կովկասի երեք երկրներում, Լեռնային Ղարաբաղի Հանրապետությունում և Նախիջևանի Ինքնավար Հանրապետությունում ուսումնասիրվեին ԵԽԽՎ-ի զեկուցողի կողմից:

«ԵԽԽՎ-ի պատվիրակությունը արդեն ընտրել էր , թե ինչ հուշարձաններ է ուսումնասիրելու ներկայացված ցուցակից, և օգոստոսի 29-ին այցը պիտի կայանար: Ըստ նախնական համաձայնության` Հայաստանի Հանրապետություն և Լեռնային Ղարաբաղի Հանրապետություն այցի ծրագրերը պետք է ուղարկվեին օգոստոսի 28-ի երկրորդ կեսին: Սակայն մինչ այդ ստացվեց հանձնաժողովի քարտուղարի նամակը, որ այցը չեղյալ է համարվում», - ասվում է տեղեկատվության մեջ։

Հայաստանի խորհրդարանում կարծում են, որ պատճառը օգոստոսի 28-ին ԵԽԽՎ-ում Ադրբեջանի պատվիրակության ղեկավարի տարածած հայտարարությունն է, ըստ որի Լեռնային Ղարաբաղ զեկուցողը պետք է այցելի Ադրբեջանի տարածքով։

«Վերջին պահին պայմաններ դնելով զեկուցողի առաջ` փաստորեն Ադրբեջանը տապալեց այցը, և սեթևեթանքները, թե սա պարզապես հերթական հետաձգումն է, որ տարածվում են ադրբեջանական մամուլում, բացարձակապես չեն համապատասխանում իրականությանը», - նշեցին խորհրդարանում։

Ազգային խորհրդարանում հետաքրքիր համարեցին այն հանգամանքը, որ թեև Ադրբեջանի պատվիրակությունները տարբեր միջազգային կազմակերպություններում փորձում են տարածել Հայաստանի հասցեին ադրբեջանական հուշարձաններ ոչնչացնելու հերյուրանքներ պարունակող թերթիկներ, սակայն զեկուցողը Հայաստանի Հանրապետության տարածքում ցանկացել էր տեսնել ընդամենը մեկ մուսուլմանական հուշարձան, այն էլ ոչ ադրբեջանական, այլ` պարսկական «Կապույտ» մզկիթը: Լեռնային Ղարաբաղի տարածքում ԵԽԽՎ-ի պատվիրակությունը ուսումնասիրության համար նշել էր միայն Շուշիի մզկիթը, Փանահուանի պալատը, գրադարաններ, թանգարաններ։

ԵԽԽՎ գլխավոր քարտուղար Մաթեո Սորինասը օգոստոսի 29-ին նամակով  տեղեկացրել է ՀՀ Ազգային ժողովի նախագահ Տիգրան Թորոսյանին, որ պարոն Օ’ Հարայի այցը չեղյալ է հայտարարվում: Ընդ որում` այցի չկայանալու երկու պատճառներից մեկը նշվել է հենց Լեռնային Ղարաբաղ մուտքի խնդիրը։

Հայաստանի խորհրդարանում ակնհայտ են համարում այն հանգամանքը, որ ադրբեջանցիներն ամեն կերպ խոչընդոտում են զեկուցողի այցին տարածաշրջան, որովհետև այցի ընթացքում բացահայտվելու  էր, որ թե Նախիջևանի Ինքնավար Հանրապետությունում, թե Ադրբեջանում բազմաթիվ հայկական հուշարձաններ ոչնչացվել են և ոչնչացվում են։ 

Հայաստանի Հանրապետության Ազգային ժողովը պատրաստակամություն է հայտնել ցանկացած ժամանակ աջակցելու այցի կայացմանը: Այցի հետագա ճակատագիրը կորոշվի ԵԽԽՎ հանձնաժողովի նիստի ժամանակ:-0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: