484.68
+0.06
530.14
+2.1
8.5
-0.03
+11
Եղանակը Երևանում
Հայ
ՀՀ ԱԺ խոսնակը ԱՄՆ դիվանագետի հետ քննարկեց ՀՀ Ազգային ժողովի հետ համագործակցության հարցերը
12:01
30 Օգոստոսի 2007

ԵՐԵՎԱՆ, 30 օգոստոսի./Նովոստի-Արմենիա/. ՀՀ ԱԺ նախագահ Տիգրան Թորոսյանը նախօրեին Հայաստանում ԱՄՆ գործերի ժամանակավոր հավատարմատար Ռուդոլ‎ֆ Փերինայի հետ քննարկեց Ազգային ժողովի հետ համագործակցության հարցերը։

«Հանդիպման ընթացքում քննարկվեց ՀՀ Ազգային ժողովի հետ համագործակցության ծրագիրը՝ ըստ ԱՄՆ դեսպանատան մշակած, և, պայմանավորվածության համաձայն, վաղօրոք ներկայացված առաջարկությունների»,- «Նովոստի-Արմենիային» հայտնեցին Ազգային ժողովի հասարակայնության հետ կապերի վարչությունից։

Փերինան նշեց, որ Ազգային ժողովը Հայաստանում ժողովրդավարության կարևորագույն օղակներից մեկն է, և ԱՄՆ դեսպանությունը հնարավորինս ցանկանում է օգտակար լինել ժողովրդավարության խորացման գործընթացներին:

Առաջարկված ծրագրի մասին խոսելով՝ Աժ նախագահ Տիգրան Թորոսյանը շնորհակալություն հայտնեց ամերիկյան կողմին՝ արագ արձագանքման ու կոնկրետ առաջարկների համար և ներկայացրեց իր նկատառումներն այդ կապակցությամբ:

Մասնավորապես, անդրադառնալով Աժ աշխատակազմի ուսումնական այցերին, Աժ նախագահը կարճաժամկետ ու մեծ թվով մարդկանց ուսումնական գործուղումներից առավել կարևորեց երկարաժամկետ և փոքրաթիվ մարդկանց գործուղումները, որոնք հնարավորություն կտան առավել խորքով ու հանգամանալից  ուսումնասիրել այլ երկրների խորհրդարանների աշխատանքը և նպատակային ու օգտակար  կլինեն:

Աժ նախագահը նշեց նաև Աժ աշխատակազմի ներկայացուցիչների համար ԱՄՆ-ի համալսարաններում կրթության հնարավորություն ստեղծելու անհրաժեշտությունը:

Բացի այդ, նա կարևորեց նաև Աժ գրադարանի հնարավորությունների մեծացումը. մասնավորապես, առաջարկվեց ծրագիր իրականացնել՝ որոշ գրքերի հայերեն թարգմանության և հրատարակման համար, նաև`  օտար լեզուներով ամսագրերով ու հանդեսներով Աժ գրադարանը համալրելու նպատակով:

Թորոսյանն ընգծեց նաև օրենքների թարգմանության անհրաժեշտությունը` Աժ պաշտոնական կայքում տեղադրելու, նաև օրինագծերի փորձագիտական եզրակացությունների, պաշտոնական այլ փաստաթղթերի որակյալ թարգմանության անհրաժեշտությունը` կարևորելով ԱՄՆ դեսպանատան աջակցությունն այս հարցում:

ՀՀ ԱԺ նախագահը արդիական անվանեց նաև օրենքների նախագծերի փորձագիտական եզրակացության նախապատրաստման խնդիրը։ Նրա խոսքերով,  այդ խնդրի լուծման համար երկու ճանապարհ կա` կամ համապատասխան վարչության աշխատակիցների մասնագիտական որակավորման բարձրացումը՝ այդ նպատակով 1-2 տարով ուսման գործուղելով, կամ վարչության փոխարեն կենտրոնի ստեղծումը, որտեղ պայմանագրային հիմունքներով և ավելի գրավիչ պայմաններով կընդգրկվեն տարբեր ոլորտների լավագույն մասնագետները։

Թորոսյանի խոսքերով, ԱՄՆ դեսպանատան համագործակցությունը ՀՀ ազգային ժողովի հետ կարևոր է Ազգային ժողովի աշխատանքները որակապես բարելավելու  տեսանկյունից։

«Անհրաժեշտ է ամեն ինչ անել, որպեսզի իսկապես Ազգային ժողովը ժողովրդավարության և քաղաքական մտքի ազդեցիկ կենտրոններից մեկը դառնա, քանի որ Հայաստանի ամենակարևոր խնդիրներից մեկը բազմակուսակցական համակարգի կայացումն է և քաղաքական ու կուսակցական գործիչների գիտելիքների խորացումը»,- ասաց Թորոսյանը։

Իր հերթին Փերինան շնորհակալուսթյուն հայտնեց Աժ նախագահին՝ հետաքրքիր առաջարկների համար, նշելով, որ մինչև իրագործումը դրանք պետք է լրացուցիչ ուսումնասիրվեն` ԱՄՆ օրենսդրությունից բխող պահանջների համապատասխան դրանց իրագործման և ‎ֆինանսական հնարավորությունների ճշտման համար:

Համագործակցության ծրագրի վերջնական ճշգրտման նպատակով ևս մեկ հանդիպման պայմանավորվածություն ձեռք բերվեց:

Հանդիպման ընթացքում զրուցակիցներն ընդգծեցին առաջիկա նախագահական ընտրությունները միջազգային չափանիշներով անցկացնելու կարևորությունը, ինչպես նաև քննարկեցին երկրում Ընտրական օրենսգրքի բարելավման աշխատանքները:

Թորոսյանը նշեց, որ այդ կապակցությամբ արդեն ստացվել և ուսումնասիրվել են ԵԱՀԿ ԺՀՄԻԳ և ԵԽ Վենետիկի հանձնաժողովի եզրակացությունները, որոնք սեպտեմբերի կեսերին արդեն կդրվեն քննարկման: --0—

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: