481.79
+0.02
538.93
-1.33
8.53
+0.03
+24
Եղանակը Երևանում
Հայ
Հայաստանում 2007թ. հունվար-հունիս ամիսներին հանցագործությունների թիվը կրճատվել է 9,3%-ով. վիճակագրություն
14:59
29 Օգոստոսի 2007

ԵՐԵՎԱՆ, 29 օգոստոսի./Նովոստի-Արմենիա/. Հայաստանում 2007թ. հունվար-հունիս ամիսներին հանցագործությունների մակարդակը 2006թ. նույն ժամանակաշրջանի համեմատությամբ նվազել է 9,3%-ով։ Այս մասին է վկայում Հայաստանի վիճակագրության ազգային ծառայության հանցագործությունների վիճակի մասին վերլուծությունը՝ հիմնված ՀՀ ոստիկանության տվյալների վրա։

Այդ տվյալների համաձայն 2007թ. հունվար-հունիս ամիսներին Հայաստանում գրանցվել է 4347 հանցագործություն, որոնցից 1205 դեպքերը կազմում են փոքր ծանրության հանցագործությունները, 1268-ը՝ միջին ծանրության, 1814-ը՝ ծանր և 87-ը՝ առավել ծանր դեպքերը։ ՀՀ ոստիկանական մարմինների կողմից գրանցված հանցագործությունների ընդհանուր թվից 53-ը կատարվել են զենքի և զինամթերքի կիրառմամբ։

Առանձին տեսակի հանցագործությունների գծով հանրապետությունում տիրում է հետևյալ պատկերը։ Այսպիսով, 2007թ. հունվար-հունիս ամիսներին երկրում գրանցվել է անձի դեմ ուղղված 434 հանցագործություն, ինչը 17,2%-ով ցածր է 2006թ. նույն ժամանակամիջոցի ցուցանիշի համեմատությամբ։ Անձի դեմ ուղղված հանցագործություններից, մասնավորապես, 37 դեպքերը կազմել են սպանությունները, 18-ը՝ սպանության փորձերը, 225-ը՝ առողջությանը միտումնավոր վնաս հասցնելու դեպքերը։ Նաև 18 հանցագործություն է գրանցվել՝ ուղղված քաղաքացիների սեռական անձեռնմխելիության և սեռական ազատության դեմ, որոնցից 5-ը՝ բռնաբարություն և բռնաբարության փորձեր, ինչը համապատասխանում է 2006թ. նույն ժամանակամիջոցի ցուցանիշին։

2007թ. հունվար-հունիս ամիսներին գրանցված հանցագործություններից 1989 դեպքերը կազմել են սեփականության դեմ ուղղված հանցագործությունները, ինչը 6,3%-ով ցածր է 2006թ. նույն ժամանակամիջոցի ցուցանիշի համեմատությամբ։ Դրանցից 167 դեպքերը կազմել են պետական կամ հասարակական սեփականության դեմ ուղղված հանցագործությունները, որոնցից 139-ը՝ թալան, 20-ը՝ յուրացում և ծախսում, 8—ը՝ խարդախություն։ Եվս 1696 հանցագործություններ կատարվել են մասնավոր սեփականության դեմ, որոնցից 46 դեպքերը՝ ավազակային հարձակում, 59-ը՝ թալան, 1374-ը՝ հափշտակում, 195-ը՝ խարդախություն, 22-ը՝ յուրացում կամ ծախսում։

Նույն ժամանակաշրջանում հանրապետությունում գրանցվել է քաղաքացիների տրանսպորտային միջոցների հափշտակման 67 դեպք, ինչը 4,7%-ով բարձր է 2006թ. առաջին վեց ամիսների ցուցանիշից։

2007թ. առաջին կիսամյակում տնտեսական գործունեության դեմ ուղղված հանցագործությունների թիվը Հայաստանում կազմել է 143, ինչը 5,9%-ով ցածր է 2006թ. նույն ժամանակամիջոցի ցուցանիշի համեմատությամբ։ Այս կատեգորիայի հանցագործություններից 24 դեպքերը կազմել են կեղծ դրամների և արժեթղթերի պատարստումը, պահումը կամ իրացումը, ևս 119 դեպքերը կազմել են տնտեսական գործունեության դեմ ուղղված այլ հանցագործությունները, ինչը 7,8%-ով ցածր է 2006թ. նույն ժամանակամիջոցի ցուցանիշի համեմատությամբ։

Պետական իշխանության, ծառայության և վարչական կարգի դեմ ուղղված հանցագործություններին բաժին են ընկել 814 դեպք, ինչը 5,9%-ով ցածր է 2006թ. նույն ժամանակամիջոցի ցուցանիշից։

ՎԱԾ տվյալների համաձայն հաշվետու ժամանակաշրջանում պետական իշխանության դեմ ուղղված հանցագործություններից 8 դեպքը կազմել են իշխանության ներկայացուցիչների նկատմամբ ուժի կիրառման դեպքերը, 12-ը՝ պաշտոնական լիազորությունների չարաշահման, 6-ը՝ կաշառքի տրման-ստացման, կաշառք տալու միջնորդության դեպքերը։ Եվս 788 դեպքերը կազմել են պետական իշխանության, ծառայությունների և վարչակարգի դեմ ուղղված այլ հանցագործությունները։

2007թ. հունվար-հունիս ամիսներին Հայաստանում գրանցվել է հասարակական անվտանգության, հասարակական կարգ ու կանոնի և բնակչության առողջության դեմ ուղղված 945 հանցագործություն, ինչը 11,8%-ով ցածր է 2006թ. նույն ժամանակամիջոցի ցուցանիշի համեմատությամբ։

Հաշվետվության համաձայն, 2007թ. հունվար-հունիս ամիսներին հանրապետությունում գրանցվել է հրազենի և զինամթերքների պատրաստման և անօրինական շրջանառության 108 դեպք, խուլիգանության 111 դեպք։ Նաև գրանցվել է ճանապարհային երթևեկության կանոնների խախտման և տրանսպորտի միջոցների շահագործման խախտումների 218 դեպք, որոնցից 99-ի հետևանքով մահ է գրանցվել։

Միաժամանակ, հաշվետու ժամանակաշրջանում գրանցվել է թմրամիջոցների հետ կապված հանցագործությունների 451 դեպք, որոնցից 275-ը՝ թմրանյութերի անօրինական շրջանառության։

Հանրապետությունում 2007թ. աղմկահարույց հանցագործություններից պետք է նշել Գյումրիում մայիս ամսին տեղի ունեցած փոխհրաձգությունը, որին մասնակցել են Գյումրիի քաղաքապետ Սպարտակ Ղուկասյանի և «Բարգավաճ Հայաստան» կուցակցության տարածքային գրասենյակի ղեկավար Ռուստամ Սարգսյանի որդիները։ Հասարակական մեծ աղմուկ էր  բարձրացրել նաև ռուս զինծառայող, լեյտենանտ Դմիտրի Երմոլովի սպանությունը 2007թ. օգոստոսին։

Այնուամենայնիվ, Հայաստանում տիրող քրեական վիճակը ԱՊՀ այլ երկրների համեմատությամբ բավականին հանգիստ է։ Եվ այսպես, Ռուսաստանի ՆԳՆ տվյալներով 2007թ. հունվար-հունիս ամիսներին երկրում գրանցվել է 1 մլն. 860,2 հազ. հանցագործություն, ինչը 4,6%-ով ցածր է նախորդ տարվա նույն ժամանակաշրջանի համեմատ։ Գրանցվող հանցագործությունների աճ է նկատվել ՌԴ 23 սուբյեկտներում, իսկ նվազում՝ 63 սուբյեկտներում։ Միաժամանակ, գրանցված ծանր և հատկապես ծանր հանցագործությունների ծավալը 2007թ. հունվար-հունիս ամիսներին նվազել է մինչև 29,1%, իսկ 2006թ. հունվար-հունիս ամիսներին՝ 27,9%-ով։

Նույն ժամանակաշրջանում Բելառուսում կատարվել է 89 հազ. 92  հանցագործություն ընդդեմ 2006թ. հունվար-հունիս ամիսների 97 հազ. 126-ի։ 2007թ. առաջին վեց ամիսների ընթացքում գրանցված հանցագործություններից 1,5 հազարը կազմել են հատկապես ծանր հանցագործությունները, ծանր հանցագործությունները՝ 6394։ Միաժամանակ, 3275 հանցագործությունները կատարել են անչափահասները։

Ուկրաինայում հանցագործությունների մակարդակը նվազել է 2%-ով. 2006թ. հունվար-հունիս ամիսներին գրանցված 212 հազ. դեպքերի փոխարեն 2007թ. առաջին կիսամյակում գրանցվել է 208 հազ. դեպք։ Միաժամանակ ծանր և հատկապես ծանր հանցագործությունների թիվը նվազել է 12%-ով, և դա, առաջին հերթին, վերաբերվում է սպանությունների, ավազակային հարձակումների, թալանի և հափշտակությունների թվին։
 
2007թ. առաջին կիսամյակում Տաջիկստանում գրանցվել է 6 հազ. 623 հանցագործություն, ինչը 6%-ով գերազանցում է անցյալ տարվա նույն ժամանակաշրջանի ցուցանիշը։ Հաշվետու ժամանակաշրջանի ընթացքում աճել է ծան հանցագործությունների թիվը՝ 1 հազ. 131-ից մինչև 1 հազ. 258-ի։

Պետք է նշել, որ մի շարք երկրների, մասնավորապես Վրաստանի և Ադրբեջանի հանցագործությունների մասին տվյալները բացակայում են, քանի որ այնտեղ դեռևս չեն ամփոփվել 2007թ. առաջին կիսամյակի արդյունքներն այս ոլորտում։ --0—

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: