481.32
+0.33
567.52
-1.39
8.41
+0.07
+7
Եղանակը Երևանում
Հայ
Յան Պորտերֆիլդը գոհ է Եվրո-2008 նախընտրական փուլի շրջանակներում Հայաստանի և Պորտուգալիայի հավաքականների խաղից
14:49
23 Օգոստոսի 2007

ԵՐԵՎԱՆ, 23 օգոստոսի./Նովոստի-Արմենիա/. ՀՀ ֆուտբոլի ազգային հավաքականի գլխավոր մարզիչ Յան Պորտերֆիլդը գոհ է Եվրո-2008 առաջնության նախընտրական փուլի շրջանակներում տեղի ունեցած Հայաստանի և Պորտուգալիայի հավաքականների խաղից։

 «Կարծում եմ, որ հայկական ֆուտբոլի համար սա հրաշալի գիշեր է։ Մենք խաղացել ենք մի հավաքականի հետ, որն ունի հրաշալի մարզիչ և հիանալի ֆուտբոլիստներ։ Բայց մենք լավ տպավորություն թողեցինք»,- խաղից հետո մամուլի ասուլիսի ժամանակ հայտարարել է Պորտերֆիլդը։

Պորտերֆիլդը կարծում է, որ հայ ֆուտբոլիստները կարող էին և հաղթանակ տանել։

«Ես գիտեի, թե որքան վճռական են տրամադրված մեր տղաները։ Մեր թիմը դաշտ էր դուրս եկել հաղթողի հոգեբանությամբ»,- ասել է մարզիչը։

Նրա գնահատմամբ, հաշիվը չի արտացոլում խաղի պատկերը։ «Առաջին 15-20 րոպեների ընթացքում մենք 2-3 գնդակ խփելու հնարավորություն ունեինք։ Կարծում եմ, որ դա մեզ դաս կլինի ապագայի համար»,- ասել է Պորտերֆիլդը։

Մարզիչը նշել է, որ Հայաստանի հավաքականի տակտիկան միայն պաշտպանությունը չէր։

«Իհարկե, մենք պետք է հարձակվեինք և առաջին իսկ հնարավորության դեպքում առաջ անցնեինք։ Իսկ պաշտպանվում էինք միայն այն պատճառով, որ Պորտուգալիայի հավաքականի կազմում ներգրավված են այնպիսի տաղանդավոր ֆուտբոլիստներ, որ հնարավորության դեպքում կարող էին մեզ պատժել»,- ավելացրել է նա։

«Իմ՝ Հայաստանի հավաքականը գլխավորելու ողջ ժամանակահատվածում, թիմը լավ խաղ է ցուցադրում»,- ասել է նա՝ որպես օրինակ հիշեցնելով բելգիացիների հետ հանդիպումը, երբ ստանդարտ դիրքից խփած միակ գնդակը որոշեց խաղի ելքը։ «Իհարեկ, երկու խաղ եղավ, որոնց ժամանակ մենք այնքան էլ լավ չդրսևորեցինք մեզ, բայց, ընդհանուր առմամբ, ես գոհ եմ նրանց խաղից»,- մարզչի խոսքերն է մեջբերում allboxing.ru ինտերնետային կայքը։

Պորտերֆիլդի խոսքերով, Հայաստանի հավաքականում կան երիտասարդ, տաղանդավոր ֆուտբոլիստներ, որոնցով ապագայում կարելի է հրաշալի թիմ ստեղծել։

Իր հերթին Պորտուգալիայի հավաքականի մարզիչ Լուիշ Ֆելիպե Սկոլարին ասել է, որ այս խաղի համար «ոչ-ոքին բավական տրամաբանական արդյունք է»։

Նա անտեղի է համարում Հայաստան-Պորտուգալիա խաղի արդյունքը համեմատել Լիխտենշտեյնի հավաքականի հետ իր թիմի ոչ-ոքի արդյունքի հետ։

«Այս արդյունքները բացարձակապես անհամեմատելի են։ Լիխտենշտեյնի հետ մենք շատ վատ խաղացինք։ Հայաստանի հետ չեմ կարող ասել՝ լավ խաղացինք, բայց բանն այն է, որ Հայաստանի հավաքականը շատ ավելի ուժեղ է»,- նշել է Սկոլարին։

Նրա խոսքերով, Հայաստանի հավաքականն իրեն բավականին լավ դրսևորեց նման արդյունքի հասնելու համար։

Պատասխանելով այն հարցին, թե. «Պորտուգալիան տարա՞վ, արդյոք, մեկ միավոր, թե՞ կորցրեց երկուսը», Սկոլարին նշել է. «Բնականաբար, մենք այստեղ եկել էինք հաղթանակի և երեք միավորի ետևից, բայց այս դեպքում, միանշանակ, կորցրեցինք 2 միավոր»։

Եվրո-2008 նախընտրական փուլի շրջանակներում Հայաստանի և Պորտուգալիայի հավաքականների խաղը նախորդ երեկոյան Երևանում ավարտվեց ոչ-ոքի՝ 1-1։

Առաջինը խաղի հաշիվը բացեցին հայ ֆուտբոլիստները։ Հայաստանի հավաքականի կենտրոնական պաշտպան Ռոբերտ Արզումանյանը խաղի 12-րդ րոպեին բացեց խաղի հաշիվը։ Խաղի 37-րդ րոպեին Կրիշտիանու Ռոնալդուն հավասարեցրեց հաշիվը։

Ընտրական A խմբում Հայաստանի և Պորտուգալիայի հետ միասին են նաև Լեհաստանի, Սերբիայի, Ֆինլանդիայի, Ադրբեջանի և Ղրղզստանի ազգային հավաքականները։ --0—

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: