484.04
+0.53
523.1
+1.64
8.44
+0.03
+6
Եղանակը Երևանում
Հայ
Հայաստանի և Ռուսաստանի նախագահները կքննարկեն տնտեսական նախագծեր, ԱՊՀ գագաթնաժողովի նախապատրաստումը և Կովկասում տիրող իրավիճակը
14:17
23 Օգոստոսի 2007

ԵՐԵՎԱՆ, 23 օգոստոսի. /Նովոստի-Արմենիա/. ՌԴ նախագահ Վլադիմիր Պուտինը հինգշաբթի Սոչիում կհանդիպի իր հայ գործընկեր Ռոբերտ Քոչարյանին, որը Ռուսաստան կժամանի աշխատանքային այցով։ Ինչպես տեղեկացնում է «ՌԻԱ Նովոստին»՝ հղում անելով Կրեմլի աղբյուրին, նախագահները կքննարկեն երկու երկրների աշխատանքային փոխգործակցության մեծացման հեռանկարները, ինչպես նաև Հայաստանում Ռուսաստանի մասնակցությամբ խոշոր նախագծերի իրականացման հարցը։ «Դրանց թվում են համագործակցությունը էներգետիկայի ոլորտում` «Գազպրոմի» մասնակցությամբ, որի շրջանակներում Հայաստանի տնտեսության մեջ 2006-2008 թթ.-ին կներդվի ավելի քան 500 միլիոն դոլար։ Քննարկվում են նաև Հրազդանի ՋԷԿ-ի զարգացման համար ռուսական կապիտալի ներգրավմանը, Մեղրի քաղաքի մոտ ՆՎԳ-ի կառուցմանը, երկաթգծերի արդիականացմանն ու Հայաստանի տրանսպորտային ենթակառուցվածքի զարգացմանը, ատոմային էներգետիկային, ոսկու արդյունահանմանը վերաբերող հարցեր», - պարզաբանել է Կրեմլի ներկայացուցիչը։ Նրա խոսքերով, Վ. Պուտինը և Ռ. Քոչարյանը կքննարկեն նաև օրակարգի միջազգային հարցերը, այդ թվում՝ Կովկասում տիրող իրավիճակը, հոկտեմբերի սկզբին Դուշանբեում կայանալիք ԱՊՀ, ԿԱՊԿ և Եվրասիական տնտեսական խորհրդի գագաթնաժողովների նախապատրաստումը, որտեղ Հայաստանն ունի դիտորդի կարգավիճակ։ «Երկու երկրների միջև քաղաքական երկխոսությունը բնութագրվում է բարձր մակարդակի շփումների մեծ ինտենսիվությամբ», - նշել է աղբյուրը։ Նա նշել է, որ Ռ. Քոչարյանի այցն արդեն երկրորդն է այս տարվա ընթացքում. հունվարին Ռուսաստանի և Հայաստանի նախագահները կրկին հանդիպել են Սոչիում։ Բացի այդ, Վ. Պուտինը և Ռ. Քոչարյանը մասնակցել են հունիսի 10-ին Սանկտ-Պետերբուրգում տեղի ունեցած ԱՊՀ ոչ պաշտոնական գագաթնաժողովին, իսկ հունիսի 30-ին ՀՀ նախագահը, Պուտինի հրավերով, ներկա է գտնվել Դոնի-Ռոստովում տեղի ունեցած ձիարշավին, որտեղ խաղարկվում էր ՌԴ նախագահի մրցանակը։ Սերտ փոխգործակցություն է իրականացվում նաև կառավարությունների գծով. սեպտեմբերին Երևանում ծրագրվում է անցկացնել տնտեսական համագործակցության միջկառավարական հանձնաժողովի հերթական նիստը, Մոսկվա կայցելի Հայաստանի վարչապետ Սերժ Սարգսյանը։ «Ռ. Քոչարյանի այցը տեղի է ունենում երկկողմ հարաբերություններում հիշարժան տարեթվի նախօրեին։ Օգոստոսի 29-ին նշվում է Ռուսաստանի Դաշնության և Հայաստանի Հանրապետության միջև ստորագրված Բարեկամության և համագործավցության մասին պայմանագրի տասը տարին։ Այդ կարևոր փաստաթուղթը ամուր հիմք դարձավ երկու երկրների բազմակողմանի փոխգործակցության զարգացման համար, որոնք այսօր ռազմավարական գործընկերներ և դաշնակիցներ են», - ասել է Կրեմլի ներկայացուցիչը։ Նրա խոսքերով, դրական միտումներ են նկատվում երկու երկրների առևտրատնտեսական համագործակցության մեջ։ Այս տարվա առաջին կիսամյակում արտաքին առևտրի շրջանառությունը, 2006 թ. նույն ժամանակահատվածի համեմատ, աճել է 70 տոկոսով՝ կազմելով 337 միլիոն դոլար։ Սպասվում է, որ տարվա արդյունքներով, ապրանքաշրջանառության ծավալը կհատի կես միլիարդի սահմանագիծը։ Ռուսաստանը արտասահմանյան գլխավոր ներդրողն է Հայաստանի տնտեսության մեջ։ Ռուսաստանից Հայաստան 15 տարվա ընթացքում կուտակվել են մոտ 800 միլիոն դոլարի կապիտալ ներդրումներ։ Խոշորագույն ներդրողներն են «Գազպրոմը», «Վիմպելկոմը», ՎՏԲ-ն, «Ռուսալը»։-0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։