+22
Եղանակը Երևանում
Հայ
«Օրինաց երկիրն» իր շարքերը մաքրում է գաղափարազուրկ կուսակիցներից
14:53
22 Օգոստոսի 2007

ԵՐԵՎԱՆ, 22 օգոստոսի./Նովոստի-Արմենիա/. «Օրինաց երկիր» կուսակցությունն իր շարքերը մաքրում է գաղափարազուրկ կուսակիցներից։ Այս մասին չորեքշաբթի լրագրողներին հայտարարեց կուսակցության փոխնախագահ, «Օրինաց երկրի» խորհրդարանական խմբակցության քարտուղար Հեղինե Բիշարյանը։

Նրա խոսքերով, «կուսակցությունում բարոյական անկում չկա», և կուսակցության շարքերից մի քանի անդամների դուրս գալուց հետո սկսվել է այդ շարքերը մաքրելու գործընթացը։

«Կուսակցության անդամների թիվը 100 հազար է, և ներկայում մենք մաքրում և կրճատում ենք մեր շարքերը՝ հեռացնելով նրանց, ում հետ այլևս չենք ցանկանում միասին քայլել»,- ասաց Բիշարյանը։

Նա նշեց, որ այդ մարդկանց թիվը շատ չէ, բայց «մաքրումը» թույլ կտա ամրացնել կուսակցությունը։ «Փորձը ցույց տվեց, որ կարելի է փոքրաթիվ լինել, բայց ընտրությունների ժամանակ կարողանալ ավելի շատ ձայներ հավաքել»,- ասաց կուսակցության փոխնախագահն, ավելացնելով, որ այժմ կուսակցության շարքերն ընդունվելու ընթացակարգը բավականին բարդացել է։

Բիշարյանի կարծիքով, ԶԼՄ-ների բարձրացրած աղմուկը՝ թե կուսակցության անդամները զանգվածաբար լքում են նրա շարքերը, արհեստականորեն ուռճացված էր։

Մեկնաբանելով «Օրինաց երկրի» երիտասարդական թևի նախագահ Սամվել Ֆարմանյանի կուսակցությունը լքելու և վարչապետի խորհրդականի պաշտոնում նշանակվելու փաստը՝ Բիշարյանը նրան անվանեց հարմարվողական։

«Նմանատիպ մարդիկ կարող են հայտնվել ցանկացած կուսակցությունում։ Նա «Օրինաց երկրի» մեծամասնական համակարգով պատգամավոր չդարձավ և որոշեց տեղավորվել մեկ այլ տեղում։ Ցավում եմ, որ երիտասարդների արժեքներն այնքան էլ կայուն չեն»,- ասաց նա։

Միաժամանակ Բիշարյանը հայտարարեց, որ չնայած կուսակցության նկատմամբ կիրառվող «սև փիարին», հատկապես նախընտրական շրջանում, կուսակցությունը կարողացավ հավաքել խորհրդարան անցնելու համար անհրաժեշտ ձայների քանակը։

Այս տարվա հունիսին «Օրինաց երկրի» երիտասարդական թևի նախագահ Սամվել Ֆարմանյանը, նրա տեղակալ Մարսել Աբրահամյանը և կուսակցության արտաքին քաղաքականության հարցերով ներկայացուցիչ Տիգրան Մկրտչյանը հայտարարել էին կուսակցությունից իրենց դուրս գալու մասին։

Մայիսի խորհրդարանական ընտրությունների արդյունքներով, «ՕԵ» կուսակցությունը ութ պատգամավորական մանդատ է ստացել։

Երեք տարիների ընթացքում (2003-2006 թթ.)  կուսակցությունը իշխող կոալիցիայի մի մասն էր, սակայն լքեց այն՝ ներքին և արտաքին քաղաքականության, ինչպես նաև ժողովրդավարության խորացման հարցերում գործընկերների հետ ունեցած տարաձայնությունների  պատճառով։

Այս ամենի արդյունքում Ա. Բաղդասարյանը հրաժարվեց խորհրդարանի խոսնակի պաշտոնից՝ հայտարարելով, որ «Օրինաց Երկիրը» դառնում է  ընդդիմություն։ --0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: