478.82
+0.2
557.59
+7.08
8.14
+0.04
+21
Եղանակը Երևանում
Հայ
Հայաստանի կառավարությունը շահագրգիռ է «ԱԼՌՈՍԱ» ընկերության հետ համագործակցության խորացմամբ. վարչապետ
19:32
06 Օգոստոսի 2007

Հայաստանի կառավարությունը շահագրգիռ է ալմաստի արդյունահանմամբ զբաղվող աշխարհի խոշորագույն ընկերություններից մեկի՝ ռուսական «ԱԼՌՈՍԱ» ՓԲԸ-ի հետ համագործակցության խորացմամբ. երկուշաբթի հայտարարեց ՀՀ վարչապետ Սերժ Սարգսյանը՝ աշխատանքային այցով Հայաստանում գտնվող «ԱԼՌՈՍԱ» ընկերության նախագահ Սերգեյ Վիբորնովի հետ հանդիպման ժամանակ։

«Հայաստանը հետաքրքված է «ԱԼՌՈՍԱ» ընկերության հետ համագործակցության խորացմամբ և  ընկերության ներդրումային ծրագրերով»,- վարչապետի խոսքերը «Նովոստի Արմենիա» գործակալությանը փոխանցեցին ՀՀ կառավարության տեղեկատվության և հասարակայնության հետ կապերի վարչությունից։

Սարգսյանը ողջունեց մեծ ընկերությունների մուտքը Հայաստան՝ «լուրջ և հեռանկարային գործունեություն իրականացնելու» նպատակով։

Վարչապետն ընդգծեց, որ Հայաստանի կառավարությունը պատրաստ է աջակցել նման ընկերություններին, ինչի ապացույցն է այսօր հանրապետության կառավարության և «ԱԼՌՈՍԱ»-ի միջև համագործակցության մասին համաձայնագրի ստորագրումը։   

Իր հերթին Վիբորնովը վարչապետին ներկայացրեց իր ղեկավարած ընկերության  առաջիկա ծրագրերը և Հայաստանում ընկերության գործունեությունն ընդլայնելու, ներդրումային նոր և խոշոր նախագծեր իրականացնելու մտադրությունները։

Վիբորնովը հայտարարեց, որ ծրագրերն իրագործելիս ռուսական ընկերությունը նկատի է առնում հայկական ադամանդագործական և ոսկերչական ընկերությունների հետ ունեցած համագործակցության փորձը, երկրում բարձրորակ մասնագետների առկայությունը, ինչպես նաև Հայաստանի բարենպաստ օրենսդրական և ներդրումային միջավայրը։

«ԱԼՌՈՍԱ»-ի նախագահի խոսքերով, միջկառավարական համաձայնագրի շրջանակներում մեր երկրում դեռևս 2002թ.-ից գործունեություն ծավալած ռուսական ընկերությունը մտադիր է ակնագործության և ոսկեգործության բնագավառներում փոխշահավետ և ամուր համագործակցություն զարգացնել Հայաստանում։

Ռուսաստանը աշխարհի խոշորագույն ալմաստի հումք արտահանող երկրներից է։ Ալմաստի արտահանման ընդհանուր ծավալի մեկ երրորդը բաժին է ընկնում  Ռուսաստանին։ Հայաստանը ալմաստի հումք մշակող մասնագետների մեծ ներուժ ունի, որոնք կարող են տարեկան մինչև 1 մլն. կարատ ադամանդ մշակել։

«ԱԼՌՈՍԱ»-ն ալմաստ  արտահանող աշխարհի խոշորագույն ընկերություններից է, նրա մասնաբաժինը համաշխարհային արտահանման մեջ հասնում է 25%-ի։ «ԱԼՌՈՍԱ» խումբը 2006թ. իրացրել է 2,86 մլրդ. դոլարի արտադրանք, այդ թվում՝ 141,1 մլրդ. դոլարի ադամանդ։

«ԱԼՌՈՍԱ»-ի բաժնետերերն են «Ռոսիմուշչեստվոն»՝ 37%, ֆիզիկական և իրավաբանական անձինք՝ 23%։ Յակուտիայի 8 ուլուսներին է պատկանում ընկերության արժեթղթերի ևս 8%-ը։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: