482.84
+0.58
521.61
+4.72
7.62
+0.05
-7
Եղանակը Երևանում
Հայ
Օգոստոսի 9-ից Հայաստանի հանրային ռադիոյով և հեռուստատեսությամբ դադարեցվում է արտասահմանյան և տեղական հեռարձակումների ծրագրերի վերահեռարձակումը
13:21
26 Հուլիսի 2007

ԵՐԵՎԱՆ, 26 հուլիսի./Նովոստի-Արմենիա/. 2007թ. օգոստոսի 9-ից դադարեցվում է արտասահմանյան և տեղական հեռարձակումների ծրագրերի վերահեռարձակումը Հանրային ռադիոյի և Հանրային հեռուստատեսության հաճախականությունների վրա.  հայտարարել է Հայաստանի հանրային հեռուստառադիոընկերությունը /ՀՀՌԸ/ ։

Ինչպես նշված է «Նովոստի-Արմենիային» տրամադրված ՀՀՌԸ խորհրդի հայտարարությունում, նման որոշում Խորհուրդը կայացրել է 2007թ. հուլիսի 6-ին՝ հաշվի առնելով հանրային հեռուստաընկերությունների և ռադիոընկերությունների գործունեության միջազգային փորձը։

Նման ծանուցումներ  ներկայացվել են բոլոր երեք հեռարձակումների՝ «Միր» հեռուստառադիոընկերությանը, «Ազատ Եվրոպա/Ազատություն» ռադիոկայանին և «Ցայգ» հեռուստաընկերությանը, որոնց հաղորդումները հեռարձակվում են ՀՀՌԸ հաճախականությունների վրա։

Բացի այդ, ինչպես նշվում է հայտարարության մեջ, «Ազատ Եվրոպա/Ազատություն» ռադիոկայանն ի պատասխան այդ ծանուցման, խնդրել էր երկարացնել այդ ժամկետը, և ՀՀՌԸ բավարարել էր այդ խնդրանքը։

Ավելին, ՀՀՌԸ խորհուրդը և Հանրային ռադիոն պատրաստակամություն  են հայտնել  աջակցելու «Ազատ Եվրոպա/Ազատություն» ռադիոկայանի և հայկական մասնավոր ռադիոընկերությունների միջև բանակցություններին։

Ամերիկյան հեռարձակումների տնօրենների խորհրդի /ԱՀՏԽ/ պատվիրակության հետ տեղի ունեցած քննարկումների հիման վրա ՀՀՌԸ խորհուրդը քննարկել է «Ազատ Եվրոպա/Ազատություն» ռադիոկայանի ծրագրերի վերահեռարձակման հնարավորությունը «Ար ռադիո» միջմայրցամաքային ռադիընկերության միջոցով։

Հանրային ռադիոն և «Ար ռադիոն» ձեռք են բերել նախնական համաձայնություն «Ազատ Եվրոպա/Ազատություն» ռադիոկայանի ծրագրերի հեռարձակման տեխնիկական հարցերի վերաբերյալ, ինչի մասին հուլիսի 24-ին գրություն էր ուղարկվել ԱՀՏԽ տնօրեն պարոն Գարրի Թետչերին։

Դրանից անմիջապես հետո ԱՀՏԽ ներկայացրել է իր կողմից առաջարկվող ծառայությունների պայմանագրի նախագիծը «Ար ռադիո» միջմայրցամաքային ռադիոընկերության միջոցով «Ազատ Եվրոպա/Ազատություն» ռադիոկայանի հաղորդումների հեռարձակման վերաբերյալ։

Սակայն, հուլիսի 24-ին «Ազատ Եվրոպա/Ազատություն» ռադիոկայանը տարածել է  հայտարարություն, որում իր անհանգստությունն է  հայտնել, որ Հայաստանի հանրային ռադիոն հրաժարվել է երկարացնել «Ազատություն» ռադիոկայանի հայկական ծառայության ծրագրերի հեռարձակման պայմանագիրը։

ՀՀՌԸ խորհրդի գնահատականով, այդ հայտարարությունն իր մեջ պարունակում է մի շարք անճշտություններ և չի ներկայացնում նախորդ շաբաթ պայմանագրային, ֆինանսական և տեխնիկական հարցերի շուրջ տեղի ունեցած երեք կողմերի քննարկումների էությունը։

ՀՀՌԸ խորհրդի հայտարարության մեջ նշվում է, որ Հանրային ռադիոընկերության և ԱՀՏԽ կամ «Ազատ Եվրոպա/Ազատություն» ռադիոկայանի միջև չի կնքվել որևէ պայմանագիր «Ազատություն» ռադիոյի հայկական ծառայության ծրագրերը ՀՀՌԸ հաճախականությունների վրա վերահեռարձակելու վերաբերյալ։

Այնուամենայնիվ, Հանրային ռադիոընկերությունը, դրսևորելով բարի կամք, շարունակել է վերահեռարձակել «Ազատություն» ռադիոկայանի ծրագրերը և յուրաքանչյուր ամիս ներկայացրել այդ ծառայությունների դիմաց հաշիվ։ «Ազատ Եվրոպա/Ազատություն» ռադիոկայանը վճարումները կատարել է մինչև 2007թ. փետրվար ամիսը, որից հետո դրանք դադարեցվել են։ Ներկայումս «Ազատ Եվրոպա/Ազատություն» ռադիոկայանին մատուցված վերահեռարձակման ծառայությունների դիմաց ժամկետանց պարտքերը կազմում են մոտ 86 հազար ԱՄՆ դոլար։

«Հանրային ռադիոն ոչ թե մերժել է «Ազատ Եվրոպա/Ազատություն» ռադիոկայանի վճարումներ կատարելու մասին առաջարկությունները, այլ մի շարք գրություններ է ներկայացրել նրան՝ պահանջելով ժամկետանց գումարների անհապաղ վճարումները»,- ասվում է ՀՀՌԸ հայտարարությունում։

ՀՀՌԸ խորհուրդը և Հանրային ռադիոընկերությունը իրենց հայտարարությամբ վերահաստատել են իրենց ցանկությունը շարունակելու Հեռարձակողների միջազգային բյուրոյի և «Ազատ Եվրոպա/Ազատություն» ռադիոկայանի հետ համագործակցությունը՝ ի նպաստ Հայաստանի և ԱՄՆ բարեկամության։

ՀՀ խորհրդարանը դեռևս հուլիսի 3-ին քվորումի բացակայության հետևանքով չկարողացավ ընդունել «Հեռուստատեսության և ռադիոյի մասին» օրենքում առաջարկված փոփոխությունները, համաձայն որոնց արգելվում էր Հայաստանի հանրային հեռուստառադիընկերությանը տրամադրված հաճախականությունների վրա այլ հեռարձակող կազմակերպությունների գործունեությունը։

Մասնավորապես, օրենքը դիպչում էր Հանրային հեռուստառադիոընկերության հաճախականությունների վրա  «Ազատություն» ռադիոկայանի հայկական ծառայության ծրագրերի հեռարձակման իրավունքին ։ Ընդդիմության ներկայացուցիչները կտրականապես դեմ դուրս եկան օրինագծին, կարծելով, որ այն ուղղված է «Ազատություն» ռադիոյի դեմ՝ դրա մեջ նկատելով խոսքի ազատության սահմանափակման փորձ և  հայ-ամերիկյան հարաբերություններրի վատթարացման վտանգ։

Օրինագծի ընդունման հետ կապված իրենց անհանգստություն էին արտահայտել նաև մի շարք միջազգային և հասարակական կազմակերպություներ։ --0—

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: