478.38
-0.01
573.43
+2.18
8.23
-0.08
+21
Եղանակը Երևանում
Հայ
Հայաստանում ահաբեկչական կազմակերպության գործունեության դեպք չի գրանցվել. ԱԱԾ
14:51
12 Հուլիսի 2007

Հայաստանի տարածքում իրականացված օպերատիվ-հետախուզական և այլ կազմակերպչական համալիր միջոցառումների ժամանակ չեն հայտնաբերվել ահաբեկչական կազմակերպությունների գործունեության կամ դրանց ֆինանսավորման դեպքեր։ Այս մասին հինգշաբթի Երևանում «Ահաբեկչության դեմ պայքարի պատրաստվածության ապահովում» միջազգային համաժողովի ժամանակ հայտարարեց ՀՀ ԱԱԾ պետի տեղակալ Ռոման Հարությունյանը։

«Սակայն դա մեզ հանգիստ լինելու առիթ չի տալիս, քանի որ ահաբեկչության դեմ պայքարը հետևողական և շարունակական բնույթ ունի», - ասաց նա։

Հարությունյանի խոսքերով, Հայաստանում մի շարք օբյեկտներ կան, որոնք ենթադրելի թշնամու համար կարող են սպառնալիք հանդիսանալ` իրենց դիվերսիոն կամ ահաբեկչական խոցելիության տեսանկյունից։

«Այս կապակցությամբ իրավապահ և այլ շահագրգիռ պետական կառույցները իրագործել են մի շարք օպերատիվ և կազմակերպչական միջոցառումներ՝ ուղղված ահաբեկչական գործողությունների կազմակերպման, ժամանակին դրանց հայտնաբերման և իրականացման փորձերը կանխելու հնարավոր տարբերակներին», -ընդգծեց նա։

ԱԱԾ պետի տեղակալը նշեց, որ հատուկ ուշադրություն է դարձվում այն օբյեկտների ֆիզիկական պաշտպանության համակարգի կատարելագործմանը, որոնք կարևոր նշանակություն ունեն կենսապահովմանը, տրանսպորտին և բնապահպանությանն ուղղված սպառնալիքի տեսանկյունից։

Ինչպես հայտնեց Հարությունյանը, որակապես առավել բարձր մակարդակի վրա  է գտնվում այն օբյեկտների վաղ հայտնաբերման համակարգը, որոնք կարող են հանցավոր տարրերի կողմից օգտագործվել ահաբեկչական նպատակներին ծառայող առարկաների անօրինական փոխադրման համար։

 «Այս ուղղությամբ անցկացվող միջոցառումների վերլուծության հիման վրա կատարելագործվում են այն օբյեկտների պաշտպանության համակարգերը, որոնք որպես հնարավոր թիրախ՝ հետաքրքրություն են առաջացնում ահաբեկիչների համար», - պարզաբանեց նա։

ԱԱԾ պետի տեղակալը նշեց նաև, որ հանրապետությունում շարունակվում է բնակչության մոտ անօրինական պահվող զենքի, զինամթերքի և պայթյունավտանգ նյութերի հայտնաբերումը և բռնագրավումը։

«Պետք է նշել, որ երկրի իրավապահ մարմինների կողմից բնակչության շրջանում տարվող բացատրական աշխատանքների շնորհիվ պայթյունավտանգ նյութերի հանձնման գործընթացն իրականանում է կամավոր հիմունքներով», - ընդգծեց նա։

ՆԱՏՕ-ի հետ համատեղ Հայաստանի ԱԳՆ-ի կազմակերպած «Ահաբեկչության դեմ պայքարի պատրաստվածության ապահովում» միջազգային համաժողովը տեղի է ունենում հուլիսի 12-ին Երևանում՝ Հայաստան-ՆԱՏՕ համագործակցության շրջանակներում։

Միջոցառմանը մասնակցում են մոտ 25 պետությունների, Երևանում տեղակայված միջազգային կազմակերպությունների և ՆԱՏՕ-ի համապատասխան կառույցների ավելի քան 80 ներկայացուցիչներ։ Համաժողովի ընթացքում քննարկվում են ահաբեկչության դեմ պայքարի արդի մեթոդները և այս ուղղությամբ՝ միջազգային համագործակցությունը։ --0--

Loading...
Թեմատիկ նյութեր
Բաժնի այլ նյութեր
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ:
19:08
13 Սեպտեմբերի 2017
Չեխիան Հայաստանի կարևոր գործընկերն է. նախագահ
Հայաստանի նախագահը չորեքշաբթի լսել է Չեխիայի և Սլովակիայի հանրապետություններում Հայաստանի Հանրապետության արտակարգ և լիազոր դեսպան Տիգրան Սեյրանյանի զեկույցը:
19:57
11 Սեպտեմբերի 2017
Էդվարդ Նալբանդյանն իր վրացի գործընկերոջը ներկայացրեց ղարաբաղյան հիմնախնդրի կարգավորման ընթացքը
Հայաստանի արտաքին գործերի նախարար Էդվարդ Նալբանդյանը ընդունեց Վրաստանի փոխվարչապետ, արտգործնախարար Միխեիլ Ջանելիձեին: