478.83
-0.02
557.93
-0.17
7.98
-0.01
+21
Եղանակը Երևանում
Հայ
Հայաստանն ակնկալում է ավելի սերտ համագործակցություն ՄԱԿ-ի հետ՝ աղքատության հաղթահարման նպատակով. վարչապետ
11:14
12 Հուլիսի 2007

ԵՐԵՎԱՆ, 12 հուլիսի, /Նովոստի-Արմենիա/.  Հայաստանն ակնկալում է ավելի սերտ համագործակցություն ՄԱԿ-ի հետ՝ երկրում աղքատության հաղթահարման խնդրում։ Այս մասին Սերժ Սարգսյանը հայտարարեց  Հայաստանում ՄԱԿ-ի Զարգացման ծրագրի մշտական ներկայացուցիչ, ՄԱԿ-ի մշտական համակարգող Կոնսուելո Վիդալի հետ հանդիպման ժամանակ։

Հայաստանի վարչապետը նշեց, որ Հայաստանի կառավարությունը մտադիր է վերանայել Աղքատության հաղթահարման ռազմավարական ծրագիրը և այդ համատեքստում ակնկալում է ավելի սերտ և ակտիվ գործակցություն ՄԱԿ-ի հետ՝ նկատի առնելով, որ աղքատության հաղթահարման խնդիրը եղել և մնւոմ է ՄԱԿ-ի կողմից հռչակված հազարամյակի զարգացման կարևորագույն նպատակներից մեկը։

Ինչպես «Նովոստի-Արմենիա» գործակալությանը հայտնեցին ՀՀ կառավարության  տեղեկատվության և հասարակայնության հետ կապերի վարչությունից, վարչապետը բարձր է գնահատել ՄԱԿ-ի և Զարգացման ծրագրի գործունեությունը Հայաստանում, ինչպես նաև՝ կազմակերպության հայաստանյան գրասենյակի արդյունավետ փոխգործակցությունը ՀՀ կառավարության հետ։

Սարգսյանը նաև կարևորել է ԱՀՌԾ-ի վերանայման գործընթացում հասարակական լայն քնարկումների իրականացումը, ընդգծելով, որ ծրագիրը պետք է լինի այնքան որոշակիացված և հիմնավորված, որ իրականացումը միանգամայն իրատեսական դառնա։ Դա, ըստ վարչապետի,  կբարձրացնի նաև ծրագրի նկատմամբ հանրության վստահությունը։

Վարչապետն ընդգծել է ՀՀ կառավարության համար կարևորագույն ու հիմնական փաստաթղթերի՝ ՀՀ կառավարության ծրագրի, ՀՀ ազգային անվտանգության ռազմավարության և աղքատության հաղթահարման ռազմավարական ծրագրի դրույթների իրագործման ուղղությամբ ջանքերի համատեղման անհրաժեշտությունը։  Այս առթիվ նա նշեց, որ կառավարության կողմից ընդունվելիք ցանկացած փաստաթուղթ պետք է համահունչ լինի վերոնշյալ ծրագրերի նպատակներին։

Իր հերթին Կոնսուելո Վիդալը հավաստիացրեց, որ ՄԱԿ-ը, իբրև ՀՀ կառավարության գործընկեր, ուրախ կլինի շարունակել նշված փաստաթղթերի շրջանակներում համագործակցությունն ու երկրի զարգացմանն ուղղված ծրագրերի իրագործման աջակցությանը։

Նա նշեց, որ ՀՀ ԱԺ հավանությանն անժանացած ՀՀ կառավարության առաջիկա հինգ տարիների ծրագրով նախատեսված գերակայությունները միանգամայն համահունչ են ՄԱԿ-ի նախանշած հիմնական առաջնահերթություններին, ինչը ՀՀ կառավարության և ՀՀ-ում գործող ՄԱԿ-ի գործակալությունների միջև հետագա համագործակցության լայն հնարավորություններ է բացում։--0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: