Մերկելը Գերմանիայում զինվորական պատիվներով կընդունի Փաշինյանին

ԵՐԵՎԱՆ, 29 հունվարի./Նովոստի–Արմենիա/. Գերմանիայի կանցլեր Անգելա Մերկելը զինվորական պատիվներով կընդունի ՀՀ վարչապետ Նիկոլ Փաշինյանին:

«Դաշնային կառավարության խոսնակ Շտեֆեն Զայբերտը հայտնել է.Դաշնային կանցլեր Անգելա Մերկելը 2019թ. փետրվարի 1-ին՝ ուրբաթ, դաշնային կանցլերի նստավայրում զինվորական պատիվներով կընդունի Հայաստանի Հանրապետության վարչապետ Նիկոլ Փաշինյանին: Հաջորդիվ նախատեսված է զրույց՝ ճաշի շրջանակում, որի ընթացքում դաշնային կանցլեր Մերկելն ու վարչապետ Փաշինյանը մտքեր կփոխանակեն երկկողմ և տնտեսական հարաբերությունների, ինչպես նաև արտաքին և անվտանգային քաղաքականության հարցերի շուրջ», – նշվում է Երևանում Գերմանիայի դեսպանատան Facebook–յան էջում։

Ավելի վաղ Փաշինյանը հայտնել էր, որ Անգելա Մերկելը իրեն պաշտոնական այցով հրավիրել է Գերմանիա։–0–