537.15
7.44
480.03
+24
Եղանակը Երևանում
Հայ

Չինաստանը պատրաստ է մասնակցել Հյուսիս-հարավ մայրուղու կառուցման և այլ ենթակառուցվածքային ծրագրերի իրականացմանը. ՉԺՀ նախագահ (ՎԻԴԵՈ)

17:18
14 Մայիսի 2019

ԵՐԵՎԱՆ, 14 մայիսի./Նովոստի–Արմենիա/. Աշխատանքային այցով Չինաստանի Ժողովրդական Հանրապետությունում գտնվող վարչապետ Նիկոլ Փաշինյանը Ժողովրդական ներկայացուցիչների պալատում հանդիպում է ունեցել ՉԺՀ նախագահ Սի Ծինփինի հետ, հաղորդում է ՀՀ վարչապետի մամուլի ծառայությունը: 

Տեղի է ունեցել ձեռքսեղմում և արարողակարգային տեսալուսանկարահանում, որից հետո երկու երկրների առաջնորդները քննարկել են հայ-չինական հարաբերությունների օրակարգային մի շարք հարցեր: 

ՉԺՀ նախագահը նշել է, որ ուրախ է հյուրընկալել վարչապետ Փաշինյանին և շնորհակալություն հայտնել նրան «Ասիական քաղաքակրթությունների երկխոսություն» համաժողովին մասնակցելու հրավերն ընդունելու համար: 

Սի Ծինփինը նշել է, որ իր երկիրը կարևորում է Հայաստանի հետ տարբեր ոլորտներում հարաբերությունների շարունակական զարգացումը: 

ՉԺՀ նախագահը խոսել է հայ-չինական մշակութային և պատմական ամուր փոխհարաբերությունների մասին և հավելել, որ այն նաև «Մետաքսե ճանապարհ»-ի արդյունքն է:  

«Մենք հայ ժողովրդին լավ ենք ճանաչում, մեզ հայտնի են Արամ Խաչատրյանի, Արտեմ Միկոյանի, Հովհաննես Թումանյանի անունները: Մեզ միավորում են քաղաքակրթությունների համագործակցության ընդհանուր նպատակները: Մենք քաջածանոթ ենք Հայաստանի պատմական նշանակալի իրադարձություններին: Համոզված ենք, որ ապագայում պետք է բացառվեն հայ ժողովրդի հետ տեղի ունեցած ողբերգական դեպքերը»,- ասել է Սի Ծինփինը: 

Նա ընդգծել է, որ Չինաստանը պատրաստ է մասնակցել Հյուսիս-հարավ ավտոմայրուղու կառուցման և այլ ենթակառուցվածքային ծրագրերի իրականացմանը: 

ՉԺՀ նախագահի խոսքով` հայկական որոշակի արտադրատեսակներ վերջին շրջանում հաջողությամբ մասնակցել են Չինաստանում անցկացված ցուցահանդեսներին և ներկայացված են շուկայում: 

Սի Ծինփինը վստահություն է հայտնել, որ երկկողմ համագործակցությունն առաջիկայում կզարգանա առևտրաշրջանառության, արդյունաբերության, տրանսպորտի, մշակույթի և հումանիտար ոլորտներում: ՉԺՀ նախագահը միաժամանակ հավելել է, որ իր երկիրը հետագայում ևս աջակցություն է ցուցաբերելու այնպիսի նախագծերին, որոնք կնպաստեն Հայաստանի զարգացմանն ու հայ ժողովրդի բարեկեցության բարձրացմանը: 

Վարչապետ Փաշինյանը շնորհակալություն է հայտնել Սի Ծինփինին «Ասիական քաղաքակրթությունների երկխոսություն» համաժողովին հրավիրելու և այս հանդիպման հնարավորության համար, ինչը լավ հնարավորություն է քննարկելու երկկողմ համագործակցության հեռանկարները:  

«ՉԺՀ-ի հետ հարաբերությունները Հայաստանի Հանրապետության արտաքին քաղաքականության առաջնահերթությունների թվում է: Մեր երկու ժողովուրդները ներկայացնում են հին քաղաքակրթություններ, հայկական ձեռագրերում դեռ հինգերորդ դարում նկարագրվում է երկու ժողովուրդների կապերի մասին: Այդ կապերն ունեցել են առևտրային, հումանիտար և քաղաքական բնույթ: Մեզ համար շատ կարևոր է կառուցողական և արդյունավետ հարաբերությունները Չինաստանի հետ»,- ասել է Նիկոլ Փաշինյանը:

Հայաստանի կառավարության ղեկավարը հավելել է, որ տպավորված է Չինաստանի զարգացման օրինակով և շնորհավորել Սի Ծինփինին ՉԺՀ-ի կազմավորման 70-ամյակի կապակցությամբ: Նիկոլ Փաշինյանը նշել է, որ Հայաստանը շահագրգռված է «Մեկ գոտի մեկ ճանապարհ» նախաձեռնության շրջանակում Չինաստանի հետ համատեղ նախագծերի իրականացմամբ և հավելել, որ հայկական կողմը դիտարկում է մասնակցությունն ավտոտրանսպորտային, երկաթուղային, տեղեկատվական ենթակառուցվածքների ոլորտներում համատեղ ծրագրերի իրականացմամբ: 

Նիկոլ Փաշինյանը Սի Ծինփինին է ներկայացրել Հայաստանում վերջին շրջանում տեղի ունեցած իրադարձությունները և ընդգծել, որ այսօր մեր երկիրը դինամիկ զարգացող պետություն է` քաղաքական կայունությամբ և կանխատեսելիությամբ: 

Երկու պետությունների ղեկավարները ջերմ, բարեկամական և փոխվստահության մթնոլորտում մտքեր են փոխանակել հայ-չինական հարաբերությունների, ինչպես նաև փոխադարձ հետաքրքրություն ներկայացնող միջազգային և տարածաշրջանային քաղաքականության արդիական հարցերի վերաբերյալ։ 

Զրուցակիցները հեռանկարային են համարել համագործակցության զարգացումը գյուղատնտեսության, տրանսպորտի, էներգետիկայի, տեղեկատվական տեխնոլոգիաների, ենթակառուցվածքների, կրթության և այլ ոլորտներում:

Կողմերը պայմանավորվել են հետագա համագործակցության քայլերը քննարկել գերատեսչությունների մակարդակով: 

Հանդիպման ընթացքում զրուցակիցներն անդրադարձել են նաև ղարաբաղյան հակամարտությանը և նշել, որ հիմնախնդիրը պետք է կարգավորվի երկխոսության ճանապարհով:–0–


Թեմատիկ նյութեր
Բաժնի այլ նյութեր
17:18
23 Մայիսի 2019
Հայաստանը միջազգային աջակցություն կստանա դատական համակարգը բարելավելու համար. Արմեն Գրիգորյան
Հայաստանը միջազգային աջակցություն կստանա դատական համակարգը բարելավելու համար:
15:05
23 Մայիսի 2019
ՀՀ նախագահ. ղարաբաղյան հակամարտությունը չի խանգարում Հայաստանին զարգանալ
Նախագահը նշեց, որ հակամարտության առկայությունը չի խանգարում Հայաստանին մասնակցել միջազգային նախագծերում:
11:13
23 Մայիսի 2019
ՀԱՊԿ ԱԳՆԽ–ն որոշել է Բելառուսի թեկնածուին ներկայացնել գլխավոր քարտուղարի պաշտոնում
ՀԱՊԿ ԱԳՆԽ–ն որոշել է Բելառուսի թեկնածուին ներկայացնել գլխավոր քարտուղարի պաշտոնում:
19:32
21 Մայիսի 2019
Երևանն ու Կիևը կարևորում են քաղաքական երկխոսության ակտիվացումը
Աշխատանքային այցով Ուկրաինայում գտնվող ՀՀ փոխվարչապետ Տիգրան Ավինյանին ընդունել է Ուկրաինայի նորընտիր նախագահ Վլադիմիր Զելենսկին։
19:00
21 Մայիսի 2019
Ադրբեջանը խախտել է ԵԱՀԿ հանձնառությունը` չիրազեկելով զորավարժությունների անցկացման մասին. ԱԳՆ
ԱԳՆ–ից հայտնում են, որ Ադրբեջանը կրկին խախտել է ԵԱՀԿ–ի հանձնառությունը` չիրազեկելով զորավարժությունների անցկացման մասին։
17:07
21 Մայիսի 2019
ԵԽԽՎ–ն քննադատել է դատարաններն արգելափակելու Փաշինյանի կոչը` պատրաստակամություն հայտնելով օգնել դատական բարեփոխումների հարցում
ԵԽԽՎ–ից նշում են, որ քաղաքական գործիչները պետք է ձեռնպահ մնան գործողություններից և հայտարարություններից, որոնք կարող են ընկալվել որպես ճնշում դատական իշխանության վրա։
14:13
21 Մայիսի 2019
Հայաստանի ԱԳ նախարարը կայցելի Կիպրոս
Հայաստանի արտաքին գործերի նախարար Զոհրաբ Մնացականյանը հունիսի սկզբին կայցելի Կիպրոս:
19:12
20 Մայիսի 2019
Բակո Սահակյան. «ես տեղեկություն չունեմ նախապատրաստվող դավաճանության մասին»
Բակո Սահակյանը երկուշաբթի մեկնաբանեց Հայաստանի վարչապետ Նիկոլ Փաշինյանի հայտարարությունը։
18:21
20 Մայիսի 2019
Արցախի նախագահի մամուլի խոսնակը չի բացառել Սահակյանի հանդիպումն «Իմ քայլ»–ի պատգամավորների հետ
Դավիթ Բաբայանը չի բացառել Բակո Սահակյանի հանդիպման հավանականությունը Հայաստանի ԱԺ «Իմ քայլը» խմբակցության անդամների հետ։
15:42
20 Մայիսի 2019
ՀԱՊԿ ԽՎ աշնանային նիստը կանցկացվի Երևանում
ՀԱՊԿ խորհրդարանական վեհաժողովի հերթական նիստը կանցկացվի 2019 թվականի աշնանը Երևանում:
13:33
20 Մայիսի 2019
Անհրաժեշտության դեպքում պատրաստ եմ մասնակցել 2020 թ.-ին կայանալիք նախագահական ընտրություններին. Արայիկ Հարությունյան
Անհրաժեշտության դեպքում պատրաստ ենք մասնակցել 2020 թ.-ին կայանալիք նախագահական և խորհրդարանական ընտրություններին:
12:45
20 Մայիսի 2019
Պետք է աջակցել ՀՀ վարչապետ Նիկոլ Փաշինյանին. Արայիկ Հարությունյան
Ըստ նրա, պետք է շարունակել աջակցել ժողովրդի վստահությանն արժանացած Հայաստանի Հանրապետության իշխանություններին՝ երկրի վարչապետ Նիկոլ Փաշինյանի գլխավորությամբ: