ԵՐԵՎԱՆ, 26 նոյեմբերի. /Նովոստի–Արմենիա/. Նախընտրական քարոզարշավի մեկնարկից առաջ իրականացված մամուլի մոնիտորինգը բացահայտել է քարոզարշավի 3 առաջատարներին, երկուշաբթի ասուլիսի ժամանակ հայտարարեց Երևանի մամուլի ակումբի ղեկավար (ԵՄԱ) Բորիս Նավասարդյանը։
«Առաջատարների թվում է «Իմ քայլը» դաշինքը, Հանրապետական կուսակցությունն ու «Բարգավաճ Հայաստան» կուսակցությունը», – ասաց նա։
Загружается новость ... "Лево"
Նրա խոսքով, մի փոքր պակաս ուշադրություն է մամուլը դարձրել «Սասնա ծռեր» կուսակցությանը, «Մենք» դաշինքին, ՀՅԴ–ին և շատ քիչ ուշադրություն` «Օրինաց երկիր», «Քրիստոնեաժողովրդավարական վերածնունդ» կուսակցություններին, «Քաղաքացու որոշում» սոցիալ–դեմոկրատական, «Ազգային առաջընթաց» կուսակցություններին։
«Հարկավոր է հաշվի առնել այն փաստը, որ հետագայում չլինեն բողոքներ այդ քաղաքական ուժերից ոչ հավասար մեկնարկային հնարավորությունների հարցում», – ասաց նա։
Նավասարդյանը տեղեկացրեց, որ ԶԼՄ–ների մոնիտորինգն իրականացվել է ութ հեռուստաալիքների և երկու լրատվական կայքերի շրջանում նոյեմբերի 9–18–ը։
«Այդ ժամանակահատվածում քաղաքական ուժերն արդեն դրսևորում էին ակտիվություն և հայտարարում ընտրություններին մասնակցելու մասին», – պարզաբանեց Նավասարդյանը։
Խոսելով մամուլում լուսաբանման ձևի մասին` ԵՄԱ ղեկավարը նշեց, որ ՀՀԿ–ի և «Իմ քայլի» դեպքում ակնհայտ էր բացահայտ էմոցիոնալ մոտեցումը։
«Այս երկու քաղաքական ուժերը լուսաբանվում էին կամ դրական կամ բացասական համատեքստում, ինչը անգամ հաջողություն է ՀՀԿ–ի համար, քանի որ այն կարող է իրեն դրսևորել որպես քաղաքական դաշտի ընդդիմախոս առանցքային ուժ», – ասաց նա։
Նրա խոսքով, «Իմ քայլը» դաշինքի բացասական լուսաբանումը հիմնականում ներառում էր Նիկոլ Փաշինյանի կառավարության կադրային քաղաքականության քննադատություն։
«Ինչ վերաբերում է ԲՀԿ–ին և ՀՅԴ–ին, ապա նրանց գործունեությունը հիմնականում լուսաբանվում է չեզոք, չնայած երկու քաղաքական ուժերն ունեն սեփական հեռուստաալիքները», – ասաց նա։
Նոյեմբերի 26–ին Հայաստանում մեկնարկել է արտահերթ խորհրդարանական ընտրությունների նախընտրական քարոզարշավը։
ԿԸՀ–ի հաղորդմամբ, արտահերթ խորհրդարանական ընտրություններին մասնակցելու համար փաստաթղթեր է ներկայացրել 11 քաղաքական կուսակցություն և դաշինք` «Իմ քայլը» դաշինքը, «Բարգավաճ Հայաստան» կուսակցությունը, «Ազգային առաջընթաց», «Քրիստոնեաժողովրդական վերածնունդ» կուսակցությունները, «Սասնա ծռեր» համահայկական կուսակցությունը, «Օրինաց երկիր» կուսակցությունը, «Մենք» կուսակցական դաշինքը, ՀՅԴ–ն, «Լուսավոր Հայաստան» կուսակցությունը, Հայաստանի հանրապետական կուսակցությունը, «Քաղաքացու որոշում» սոցիալ–դեմոկրատական կուսակցությունը։–0–