ԵՐԵՎԱՆ, 17 հունվարի. /Նովոստի Արմենիա/. Հայաստանի քաղաքական օրակարգի հիմնական թեմաներից մեկն այն է, թե կմնա, արդյո՞ք, Սերժ Սարգսյանը քաղաքական դաշտում ապրիլի 9-ից հետո, թե՞ ոչ: Իսկ եթե մնա, ապա ինչ կարգավիճակով, հաշվի առնելով այն, որ Հայաստանն անցնում է խորհրդարանական կառավարման համակարգի: Այս մասին «Նովոստի Արմենիա» գործակալությանը ասաց Ազգային ժողովի նախագահի քաղաքական հարցերով խորհրդական Մկրտիչ Մինասյանը:
«Նովոստի Արմենիա». Պարոն Մինասյան, ի՞նչ կարգավիճակով Սերժ Սարգսյանը կմնա քաղաքականությունում նախագահի լիազորությունների ժամկետը լրանալուց հետո:
Մ. Մինասյան. Սերժ Սարգսյանը ինքն կորոշի իր քաղաքական ապագան, ինչը, անշուշտ, տեղի կունենա խորհրդատվություն անցկացնելուց հետո այն քաղաքական կուսակցության հետ, որը նա գլխավորում է: Դրանից հետո պարզ կդառնա նրա կարգավիճակը: Նա մեծ ավանդ է ունեցել մեր պետականության կայացման գործում և տրամաբանորեն կլինի, եթե նա շարունակի աշխատել ի շահ մեր եկրկրի և մեր ժողովրդի:
Загружается новость ... "Лево"
«Նովոստի Արմենիա». Այսի՞նքն, Դուք հաստատում եք, որ, չնայած որոշ կարծիքների, Սարգսյանը կմնա քաղաքականությունում:
Մ. Մինասյան. Այո, կարծում եմ, որ նա կմնա: Բացի դրանից, անկախ նրանից կներառվի նա Հայաստանի իշխանական համակարգում, թե ոչ, նա կշարունակի մնալ Հայաստանի ամենախոշոր քաղաքական կուսակցության` ՀՀԿ-ի առաջնորդ, ինչն ինքնին խոսում է արդեն այն մասին, որ նախագահը կմնա քաղաքականությունում:
«Նովոստի Արմենիա». Անկախ անձնական ասպեկտներից, գործողության ի՞նչ ուղղություններ պետք է ունենան նոր կառավարության նախարարները: Ի՞նչ պետք է արվի առաջին հերթին:
Մ. Մինասյան. Անշուշտ, խնդիրները շատ են, և նրանք բոլորը լուծում են պահանջում, սակայն ես կառանձնացնեի հետևյալ ուղղությունները, որոնք անպայման լինելու են Հայաստանի նոր կառավարության ուշադրության կենտրոնում:
Խոսքը երկրի մարդկային կապիտալի զարգացման, Հայաստանի ընդերքի և հողային ռեսուրսների ռացիոնալ օգտագործման, կրթական համակարգի արդիականացման մասին է, որն ուղղված է կայուն արժեհամակարգ ունեցող քաղաքացինների դաստիրակությանը:
Եվ վերջինը, ոչ ըստ կարևորության, իհարկե, երկրի ամբողջ ենթակառուցվածքի զարգացում: Մենք պետք է զարգացնենք տրանսպորտային հաղորդակցությունն ամբողջ Հայաստանով մեկ, արդիականացնենք ավտոճանապարհները ու երկաթգծերը, ավարտի հասցնենք Հուսիս-Հարավ ավտոմայրուղու կառուցումը: Դա թույլ կտա երկրին հասնել զգալի տնտեսական աճի: Սա հենց այն հիմնական խնդիրներն են, որոնք արդիական կլինեն Հայաստանի նոր կառավարության համար:-0-