Փաշինյանը նախատեսում է հանդիպել Պուտինի հետ ԵՏՄ գագաթնաժողովի շրջանակում

ԵՐԵՎԱՆ, 8 մայիսի. /Նովոստի–Արմենիա/. ՀՀ նորընտիր վարչապետ Նիկոլ Փաշինյանը նախատեսում է հանդիպել ՌԴ նախագահ Վլադիմիր Պուտինի հետ մայիսի 14–ին Սոչիում` Եվրասիական տնտեսական բարձրագույն խորհրդի նիստի շրջանակում։

Այս մասին Փաշինյանն ասել է ՏԱՍՍ–ի թղթակցին ՀՀ ԱԺ–ում քվեարկության ավարտից հետո։

«Իհարկե, նախատեսում եմ հանդիպել Վլադիմիր Պուտինի հետ մայիսի 14–ին Սոչիում», – ասել է Փաշինյանը`պատասխանելով ՏԱՍՍ–ի թղթակցի հարցին։

Մայիսի 8–ին ավելի վաղ ՌԴ նախագահի մամուլի քարտուղարի պաշտոնակատար Դմիտրի Պեսկովը հայտնել է, որ Մոսկվան հույս ունի, որ Հայաստանը կմասնակցի ԵՏՄ գագաթնաժողովին։ «Անխոս, մենք ակնկալում ենք Հայաստանի մասնակցությունը գագաթնաժողովին, նա շատ կարևոր մասնակից է, կարևոր գործընկեր», – նշել է Պեսկովը։

Կրեմլի ներկայացուցիչը նաև հիշեցրել է, որ նմանատիպ միջոցառումների շրջանակում, որպես կանոն, կազմակերպվում են երկկողմ շփումներ։ «Այդ պատճառով մենք հույս ունենք, որ տեղի կունենան նաև երկկողմ շփումներ», – ավելացրել է Պեսկովը։

Երեքշաբթի ՀՀ խորհրդարանի հատուկ նիստում Նիկոլ Փաշինյանն ընտրվեց Հայաստանի վարչապետ: Նրա թեկնածության օգտին քվեարկել է 59 պատգամավոր, դեմ` 42:-0-