ԵՐԵՎԱՆ, 12 հուլիսի. /Նովոստի-Արմենիա/. ՌԴ արտգործնախարար Սերգեյ Լավրովը Բաքվում պաշտոնական այցի ժամանակ Ադրբեջանի ԱԳ նախարար Էլմար Մամեդյարովի հետ կքննարկի երկկողմանի երկխոսության զարգացումը և արդիական միջազգային խնդիրներ, հաղորդում է
ՏԱՍՍ-ը:
Նախօրեին ռուս նախարարին ընդունել է Ադրբեջանի նախագահ Իլհամ Ալիևը: Հանդիպման ժամանակ ԱԳ նախարարները առանձնահատուկ ուշադրություն կդարձնեն Լեռնային Ղարաբաղի հակամարտության կարգավորման հիմնախնդրին:
Փուլայնություն և փոխադարձություն
Վերջերս Ալիևը հայտարարել է, որ ղարաբաղյան հակամարտության կարգավորման միակ միջոցը «փուլային տարբերակն» է:
«Այս տարի, հատկապես վերջին երեք-չորս տարիների ընթացքում, բանակցային գործընթացում նկատվում է, հնարավոր է, պատմության մեջ չտեսնված ակտիվություն: Բանակցությունները պետք են և´ Ադրբեջանին, և´ Հայաստանին: Ապրիլյան իրադարձությունները հակամարտության գոտում ևս մեկ անգամ դա ցույց տվեցին», - ասել է նա կառավարության նիստի ժամանակ:
Մոսկվայում, իրենց հերթին, հիշեցնում են, որ հունիսի 20-ին Սանկտ Պետերբուրգում կայացած ՌԴ, Հայաստանի և Ադրբեջանի նախագահների հանդիպման արդյունքում ընդունված եռակողմ հայտարարության մեջ հաստատվում է դրա մասնակիցների հավատարմությունը կարգավորել իրադրությունը ԼՂՀ շփման գծում:
Բաքվում դրական է գնահատվում Ռուսաստանի դերը կարգավորման հարցում: Ադրբեջանի ԱԳ նախարարը հնարվոր փաստաթղթի հետ կապված աշխատանքային գործընթացը համարում է բովանդակային և արդյունքամետ:
Տարածաշրջանային անվտանգության հարցեր
Բացի ղարաբաղյան հակամարտության հարցերից, ռուս և ադրբեջանցի նախարարները մտադիր են քննարկել անվտանգության հարցերը, մասնավորապես, Անդրկովկասում: «Ադրբեջանը մեր կարևոր ռազմավարական գործընկերն է Անդրկովկասում և Կասպյան տարածաշրջանում: Բաքվի հետ հարաբերությունները մենք կառուցում ենք հավասարության, միմյանց շահերը հարգելու և հարևանության հիման վրա», - ընդգծել են Սմոլենսկայա հրապարակից: -0-