ԵՐԵՎԱՆ, 11 նոյեմբերի./Նովոստի–Արմենիա/. ՀՀԿ–ի ցուցակն արտահերթ խորհրդարանական ընտրություններում կգլխավորի պաշտպանության նախկին նախարար, ՀՀԿ նորընտիր առաջին փոխնախագահ Վիգեն Սարգսյանը։
Այս մասին նա հայտարարեց լրագրողներին կուսակցության գործադիր մարմնի և խորհրդի նիստից հետո։
Սարգսյանը նաև տեղեկացրեց, որ կուսակցության նախագահ, ՀՀ նախկին նախագահ Սերժ Սարգսյանն ու նախկին վարչապետ Կարեն Կարապետյանը չեն մասնակցելու ընտրություններին։
Загружается новость ... "Лево"
Վիգեն Սարգսյանը հրաժարվեց հայտնել ցուցակներում ներառված մարդկանց անունները` նշելով միայն, որ ամբողջական ցուցակը կփոխանցվի Կենտրոնական ընտրական հանձնաժողովին նոյեմբերի 14–ին, երբ կլրանա դիմումների ընդունման` օրենքով սահմանված ժամկետը։
Այսօր ՀՀԿ–ն կազմակերպել էր գործադիր մարմնի և խորհրդի նիստ, որի ընթացքում որոշում ընդունվեց մասնակցել արտահերթ խորհրդարանական ընտրություններին։–0–