ԵՐԵՎԱՆ, 30 մայիսի. /Նովոստի Արմենիա/. Հանրաետական խմբակցության պատգամավոր Հակոբ Հակոբյանը հերքել է լուրերն այն մասին, որ նա պատրաստվում է լքել ՀՀԿ-ի շարքերը:
Загружается новость ... "Лево"
Հայկական ԶԼՄ-ները հայտնել են ավելի վաղ, որ Հակոբ Հակոբյանը, ով խմբակցությունում փոխարինել է իր պատգամավորական մանդատից հրաժարված Գրիգոր Ավալյանին, մտադիր է հեռանալ ՀՀԿ-ից:
«Ես ոչ մեկին չեմ ասել ու չեմ ասի նման բան: Չգիտեմ, թե ով է նման լուրեր տարածում: Ես այն մարդը չեմ, ով կողքին է լինում լավ պահերին և հեռանում դժվարությունների ժամանակ», - ասաց նա` ձեռնպահ մնալով գնահատական հնչեցնել իր կուսակիցների գործողություններին:
Հակոբյանը հայտարարեց նաև, որ պատրաստ է արտահերթ ընտրություններին, եթե վերադարձվի մեծամասնական ընտրակարգը:
«Կարծում եմ, որ փորձառու մարդիկ, ովքեր գալիս են Ազգային ժողով ոչ թե իրենց, այլ պետության շահերի պաշտպանության համար, պետք է անպայման ներկա լինեն և′ խորհրդարանում, և′ կառավարությունում», - ասաց նա` նշելով, որ անձամբ մեծ օգուտ է բերել պետությանը` ընդունելով պետքական օրենքներ:-0-
