ԵՐԵՎԱՆ, 19 մարտի. /Նովոստի–Արմենիա/. «Սասնա ծռեր» կուսակցության վարչության անդամ Վարուժան Ավետիսյանը «Ժողովուրդ» օրաթերթին տված հարցազրույցում ասել է, թե Արցախի Հանրապետությունում, ըստ էության, սկսված է հեղափոխության գործընթացը:
Պարբերականը մեկնաբանությունների համար դիմել է ԼՂ նախագահի մամուլի խոսնակ Դավիթ Բաբայանին:
Վերջինս ասել է, որ եթե օրենքով սահմանված կարգով գործեն, այլ տարբերակ պարզապես չկա:
«Արցախում որոշ մեկ-երկու հոգի փորձել են ինչ-որ ալիք բարձրացնել, բայց մեր ժողովուրդը այս կամ այն մարդկանց աթոռի հարցերը կարգավորելու համար չի գնալու հակաօրինական քայլերի, և ես ավելի քան համոզված եմ` մեկ-երկու հոգու աթոռի ամբիցիաները բավարարելու համար մեր ժողովուրդը չի անի նման բան»,– նշել է նա։
Բաբայանի խոսքով, Արցախն ունի օրենք, օրենքով սահմանված կարգ, ընտրություններ` նախագահի և խորհրդարանական, որոնք պետք է տեղի ունենան 2020 թվականի մարտի վերջին։
«Մնացած բոլոր գործողությունները պետք է լինեն օրենքի սահմաններում: Օրենքի խախտում լինի, համապատասխան վերաբերմունք է լինելու: Եթե խախտում չլինի, դե ինչի՞ մասին է խոսքը»,-ասաց Բաբայանը»,-գրում է թերթը: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
