ԵՐԵՎԱՆ, 17 ապրիլի./Նովոստի–Արմենիա/. Մոսկվան կարծում է, որ Երևանի և Բաքվի վերջին պայմանավորվածությունները ղարաբաղյան կարգավորման շուրջ չեն մնա թղթի վրա: Այդ մասին, ինչպես հայտնում է ՏԱՍՍը, չորեքշաբթի ասել է Ռուսաստանի արտաքին գործերի նախարար Սերգեյ Լավրովը սերբ գործընկեր Իվիցա Դաչիչի հետ բանակցությունների արդյունքներով:
«Մոսկվայում ապրիլի 15-ին Ադրբեջանի և Հայաստանի ԱԳՆ ղեկավարների հանդիպման արդյունքներով, զգալով մթնոլորտը, որում այժմ ընթանում է աշխատանքը, հիմքեր ունեմ կարծելու, որ և Բաքուն, և Երևանը շահագրգռված են, որ այդ պայմանավորվածությունները չմնան թղթի վրա,- ասել է Լավրովը: - Մենք կօգնենք դրան»:
Загружается новость ... "Лево"
Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի` ապրիլի 15-ին Մոսկվայում կայացած հանդիպման արդյունքներով արված հայտարարության մեջ նշվում է, որ կողմերը վերահաստատել են ղարաբաղյան կարգավորումը քաղաքական-դիվանագիտական միջոցներով կարգավորելուն ուղղված ջանքերը շարունակելու իրենց մտադրությունը: -0-