482.01
-0.12
540.96
+2.13
8.56
+0.01
+13
Եղանակը Երևանում
Հայ
Հակամարտության գոտում ուժերի հավասարակշռությունը բացառում է նոր մեծ պատերազմի տարբերակը
18:39
24 Հունիսի 2015

ԵՐԵՎԱՆ, 24 հունիսի. /Նովոստի–Արմենիա/. Տնտեսական դժվարությունները, որոնց այս տարի կբախվի Ադրբեջանը նավթի գների կրճատման հետևանքով, կնվազեցնեն Ղարաբաղում պատերազմի վերսկսման հավանականությունը, ասել է ՄՄՀՊԻ Կովկասի և տարածաշրջանային անվտանգության խնդիրների կենտրոնի ավագ գիտաշխատող Նիկոլայ Սիլաևը։

«Վերջին երկու հետխորհրդային տասնամյակներում հակամարտության գոտում ուժերի հավասարակշռություն է հաստատվել, որը փաստացի բացառում է նոր մեծ պատերազմը, առավել ևս, որ տնտեսական այն վնասը, որ կարող է կրել Ադրբեջանն այդ պատերազմում, կարող է կործանել նրա նավթագազային հրաշքը»,– գրում է Սիլաևն իր «Հարավային Կովկաս` անկայունության տնտեսական արմատները» հոդվածում «Տագնապալի ապագայի ուրվագծերը։ Ռուսաստանն ու աշխարհը 2020 թվականին» գրքի համար։

Ըստ նրա, Մինսկի խմբի ( այդ թվում` Ռուսաստանի) միջնորդների մոտեցումը նույնն է, հատկապես մարտական գործողություններ թույլ չտալու առումով։

«Սակայն կա ռիսկ, որ հակամարտության գոտում զինված միջադեպերը կշարունակվեն և կուժեղանան, քանի որ տնտեսական դժվարությունների մեծացման պատճառով կողմերը «բարկությունը դուրս հանելու» կարիք կունենան։ Հավանաբար, նմանատիպ միջադեպերի ավելացումը կմղի միջնորդներին նոր նախաձեռնությունների եթե ոչ կարգավորման, ապա գոնե հակամարտության թուլացման ուղղությամբ»,– ավելացրել է նա։

«Տագնապալի ապագայի ուրվագծերը։ Ռուսաստանն ու աշխարհը 2020 թվականին» գրքում ռուս փորձագետները փորձում են կանխատեսել, թե ինչ է սպասում մոլորակին հինգ տարի անց, որոնք են 2020 թվականին աշխարհի տեսքը ձևավորող հիմնական միտումները, և ինչ տեղ է զբաղեցնելու դրանում Ռուսաստանը։ Այն լույս է տեսել Ռուսաստանի ՄՄՀՊԻ միջազգային խնդիրների կիրառական վերլուծության ամբիոնի դոցենտների, ռազմավարական ծրագրման մասնագետ Անդրեյ Բեզրուկովի և «Արտաքին քաղաքականություն» գործակալության ղեկավար Անդրեյ Սուշենցովի խմբագրմամբ։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Հանրաքվեին հաջորդեցին Ադրբեջանի ձեռնարկած ռազմական լայնածավալ գործողությունները, որոնց հետևանքով Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:21
25 Մայիսի 2017
ԵԱՀԿ–ի դիտարկման ընթացքում Ադրբեջանը օգտագործել է հսկողության աերոստատ. ԱԳՆ
Ադրբեջանը ԵԱՀԿ առաքելությանը դուրս չի բերել իր առաջապահ դիրքեր։
12:27
24 Մայիսի 2017
ԵԱՀԿ–ն դիտարկում կանցկացնի Մարտակերտի Սեյսուլան բնակավայրից դեպի արևմուտք
Արցախի Հանրապետության իշխանությունները պատրաստակամություն են հայտնել աջակցել դիտարկման անցկացմանը:
10:44
24 Մայիսի 2017
Հակառակորդն առաջնագծում կիրառել է ականանետեր ու նռնականետեր. հայկական կողմը դիմել է պատասխան գործողությունների
ՊԲ առաջապահ զորամասերը շարունակել են վստահորեն իրականացնել մարտական հերթապահություն։
10:37
23 Մայիսի 2017
Հակառակորդը Դ-44 տիպի հրանոթ է կիրառել շփման գծում
Մայիսի 22-ին և լույս 23-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից շուրջ 100 անգամ խախտել է հրադադարի պահպանման ռեժիմը։
13:08
22 Մայիսի 2017
Շահումյան-Սոթք ավտոճանապարհը երկկողմանի փակ է լինելու
Արհեստական քարաթափման պատճառով երկկողմանի փակ է լինելու Շահումյան-Սոթք ավտոճանապարհը։
10:32
22 Մայիսի 2017
Հակառակորդը գիշերն արձակել է ավելի քան 750 կրակոց` կիրառելով նաև 60 մմ ականանետ
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:37
20 Մայիսի 2017
Արցախում 21–ամյա զինծառայող է զոհվել
Արցախում այսօր առավոտյան 21–ամյա զինծառայող է զոհվել։
18:17
19 Մայիսի 2017
Ադրբեջանի ԶՈՒ–ն կրակ է վարել իր իսկ դիրքերի ուղղությամբ (ՏԵՍԱՆՅՈՒԹ)
Ադրբեջանի զինուժն այսօր անցել է բանականության մեջ չտեղավորվող գործողության։
12:40
19 Մայիսի 2017
Հակառակորդը շփման գծում ականանետ և նռնականետ է կիրառել
Արցախա-ադրբեջանական հակամարտ զորքերի շփման գծում  հակառակորդը տարբեր տրամաչափի հրաձգային զինատեսակներից խախտել է  հրադադարի պահպանման ռեժիմը։
10:15
18 Մայիսի 2017
Հակառակորդը մոտ 60 անգամ խախտել է հրադադարի պահպանման ռեժիմը շփման գծում
ՊԲ առաջապահ զորամասերը ձեռնարկել են կանխարգելիչ միջոցառումներ։
16:06
17 Մայիսի 2017
ՊԲ–ի կանխարգելիչ գործողությունների արդյունքում հակառակորդը կրել է կորուստներ (ՏԵՍԱՆՅՈՒԹ)
ՊԲ մարտական հերթապահության մեջ գտնվող ստորաբաժանումները ձեռնարկել են կանխարգելիչ գործողություններ:
10:57
17 Մայիսի 2017
ՊԲ–ն հակառակորդի նախահարձակ ակտիվությունը ճնշելու համար դիմել է պատասխան գործողությունների
ՊԲ առաջապահ զորամասերը շարունակել են իրականացնել մարատական դիրքերի հուսալի պահպանություն: