483.55
-0.56
568.22
-2.21
8.18
-0.05
+3
Եղանակը Երևանում
Հայ
Ադրբեջանական քարոզչությունը միայն իրեն հասկանալի տրամաբանություն ունի. ԱԳ նախարար
19:43
26 Հունվարի 2015

ԵՐԵՎԱՆ, 26 հունվարի. /Նովոստի–Արմենիա/. Ադրբեջանական քարոզչությունը բնորոշ ոճ, տրամաբանություն կամ երևակայություն ունի, որը հասկանալի է հենց իրենց, երկուշաբթի ասաց Հայաստանի արտաքին գործերի նախարար Էդվարդ Նալբանդյանը` ամփոփելով 2014 թվականի արդյունքները։

«Ես չեմ հիշում, օրինակ, Հայաստանի և Ադրբեջանի ԱԳՆ ղեկավարների հետ ԵԱՀԿ ՄԽ համանախագահների որևէ հանդիպում, որն ադրբեջանական ԶԼՄ–ները չխեղաթյուրեին և ոտքից գլուխ չշրջեին բանակցությունների արդյունքներն ու էությունը»,– ասաց Նալբանդյանը` մեկնաբանելով Ղարաբաղյան հակամարտության վերաբերյալ Հայաստանի դիրքորոշման մասին Գերմանիայի կանցլերի հայտարարության ադրբեջանական մեկնաբանությունը։

Գերմանիայի կանցլեր Անգելա Մերկելն Ադրբեջանի նախագահ Իլհամ Ալիևի հետ բանակցություններից հետո Բեռլինում կայացած համատեղ մամուլի ասուլիսի ժամանակ ասել է, թե Գերմանիան ցանկանում է միջնորդ դառնալ Լեռնային Ղարաբաղի շուրջ հայ–ադրբեջանական վեճերի լուծման հարցում։ Մերկելը մամուլի նշել է նաև, որ իր կարծիքով` Ռուսաստանը բացասական դեր ունի այդ հակամարտությունում։

«Ադրբեջանցիները փորձում են ամեն ինչ ներկայացնել այնպես, ինչպես կցանկանային։ Բայց ո՞րն է իմաստը։ Ղարաբաղյան հակամարտությունում Հայաստանի դիրքորոշումը համապատասխանում է Ռուսաստանի, ինչպես նաև Ֆրանսիայի և ԱՄն–ի դիրքորոշմանը։ Մենք այդ մասին բազմիցս հայտարարել ենք։ Գաղտնիք չէ, որ ադրբեջանական ԶԼՄ–ներն աղավաղում են տեղեկությունը»,– ասաց Նալբանդյանը։

ԱԳՆ ղեկավարի խոսքով`Հայաստանը միաժամանակ իրազեկում է միջազգային հանրությանը ղարաբաղյան հակամարտության գոտում լարվածության մեծացման մասին։

Հունվարի սկզբից ղարաբաղյան և ադրբեջանական ուժերի շփման գծում և հայ–ադրբեջանական սահմանում իրավիճակը կտրուկ սրվել է։ Գրեթե ամեն օր հաղորդումներ են ստացվում կրակոցների, այդ թվում, ականանետներով գնդակոծումների, ինչպես նաև դիվերսիաների փորձերի և կորուստների մասին, այդ թվում` հայկական կողմից։

«Մենք տեղեկացրել ենք Ադրբեջանի գործողությունների մասին և՛ ՀԱՊԿ–ին, և՛ ԵԱՀԿ–ին, և՛ Եվրոպայի խորհրդին ու ՄԱԿ–ի տարբեր կառույցներին և շարունակում ենք դա անել, երբ սադրանքներ են կատարվում ադրբեջանական կողմից, որոնք կարող են ապակայունացնել իրավիճակը սահմանում, շփման գծում կամ հակամարտության գոտում, ընդհանուր առմամբ»,– ասաց Նալբանդյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու: