484.96
+0.3
573.47
-1.05
8.22
-0.04
-2
Եղանակը Երևանում
Հայ
Հայաստանը նախկինի պես կողմ է ղարաբաղյան հակամարտության կարգավորմանը ԵԱՀԿ ՄԽ ձևաչափում. պաշտպանության նախարար
12:02
24 Նոյեմբերի 2014

ԵՐԵՎԱՆ, 24 նոյեմբերի. /Նովոստի–Արմենիա/. Հայաստանի ղեկավարությունը նախկինի պես կողմ է ղարաբաղյան հակամարտության կարգավորմանը ԵԱՀԿ ՄԽ ձևաչափում, հայտարարել է ՀՀ պաշտպանության նախարար Սեյրան Օհանյանը։

«Եթե չլիներ այդ խմբի գործունեությունը, ապա հրադադարը չէր պահպանվի 1994թ.–ից մինչ օրս։ Հարկավոր է շարունակել բանակցային գործընթացն այդ ձևաչափում, առավել ևս, որ ընթացքի մեջ կան փաստաթղթեր, որոնց շուրջ արդեն որոշակի պայմանավորվածություններ են ձեռք բերվել», – ասել է Օհանյանը «Արմենիա» հեռուստաալիքի եթերում։

Նրա խոսքով` չնայած շփման գծում գրանցված խախտումներին, իրավիճակը գտնվում է հայկական կողմի և Ղարաբաղի Պաշտպանության բանակի վերահսկողության տակ։

«Բանակցային գործընթացը պետք է շարունակվի, քանի որ խնդրի լուծման տանող երկխոսությունը հնարավոր է միայն խաղաղ պայմաններում։ Հայաստանի և ԼՂՀ–ի հետ չի կարելի ուժով խոսել», – ասել է նա։

Օհանյանը նշեց, որ ԵԱՀԿ ԽՄ համանախագահ–երկրները պետք է մտածեն խնդրի լուծման հարցում քաղաքական ռեսուրսի ավելացման մասին։

«Կարծում եմ, որ ուղղաթիռի հետ կապված միջադեպը ծրագրված էր։ Դրա նպատակն էր սրել իրավիճակը, ինչպես նաև թույլ չտալ, որպեսզի զորավարժություններն անցնեն` ըստ նախատեսված պլանի։ Այս հիսթերիան, որը բարձրացավ ուղղաթիռի խոցումից հետո, Ադրբեջանին հնարավորություն տվեց միջազգային ասպարեզում ևս մեկ անգամ ներկայացնել սեփական նպատակները, ինչը հակասում է Հայաստանի նպատակներին և գործողություններին», – կարծում է պաշտպանության նախարարը։

ԼՂՀ ՊՆ–ն նոյեմբերի 12–ին տեղեկացրեց, որ ադրբեջանցի զինվորականները շփման գծում խոցել են Ղարաբաղի ՄԻ–24 ուղղաթիռը, որը ուսումնամարզական թռիչք էր իրականացնում, և ուղղաթիռի կախոցի վրա ոչ մի սպառազինություն չկար։ Շաբաթ օրը ԼՂՀ ՊՆ ԶՈւ–ի զինծառայողները հատուկ օպերացիայի ընթացքում տարհանել են ուղղաթիռի անձնակազմի անդամների մարմինները։ Հատուկ օպերացիայի ընթացքում ոչնչացվել է երկու ադրբեջանցի զինծառայող։ Ղարաբաղյան կողմից կորուստներ չկան։ Ադրբեջանի պաշտպանական գերատեսչությունն այդ տեղեկատվությունը հերքում է։

Օհանյանի կարծիքով` սադրանքները, որոնք հանգեցնում են լարվածության ավելացմանը, կազմակերպվում են բանակցային գործընթացի վրա ազդելու և Հայաստանի ու Ղարաբաղի իշխանությունների վրա ճնշում գործադրելու նպատակով։ «Սակայն բոլոր այդ փորձերն արժանի պատասխան են ստանում», – ասել է Օհանյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։