486.74
-0.21
511.42
-1.92
8.41
+0.01
-5
Եղանակը Երևանում
Հայ
Արցախի խորհրդարանի նախագահը Բեռլինում գերմանացի փորձագետներին ներկայացրեց ղարաբաղյան հակամարտության կարգավորման գործընթացը
13:19
03 Ապրիլի 2014

ՍՏԵՓԱՆԱԿԵՐՏ, 3 ապրիլի. /Նովոստի–Արմենիա/. ԼՂՀ Ազգային Ժողովի նախագահ Աշոտ Ղուլյանի գլխավորած պատվիրակությունն այս օրերին աշխատանքային այցով գտնվում է Գերմանիայի Դաշնային Հանրապետության մայրաքաղաք Բեռլինում։  Պատվիրակության կազմում են ԼՂՀ արտաքին գործերի փոխնախարար Ֆելիքս Խաչատրյանը և ԳԴՀ-ում ԼՂՀ մշտական ներկայացուցիչ Հարություն Գրիգորյանը:

Ինչպես հայտնում են ԼՂՀ ԱԺ մամուլի ծառայությունից, այցի ծրագրի շրջանակում պատվիրակությունն ապրիլի 1-ին այցելեց Պոտսդամում գտնվող Յոհան Լեփսիուսի տուն-թանգարան, որտեղ արցախցի բարձրաստիճան հյուրերին դիմավորեց հաստատության տնօրեն Ռոլֆ Հոսֆելդը։

Ներկայացնելով թանգարանի պատմությունը, գործունեության ուղղությունները և նպատակները, նա պատմեց նաև Հայոց Ցեղասպանությանը վերաբերող փաստերի հավաքագրմանը, դրանց մասին գերմանական և միջազգային հանրությանն իրազեկելու ուղղությամբ բողոքական եկեղեցու հոգևորական, հայ ժողովրդի մեծ բարեկամ Յոհաննես Լեփսիուսի գործադրած ջանքերի մասին:

ԼՂՀ Ազգային Ժողովի նախագահը գոհունակություն հայտնեց թանգարանի կողմից կատարվող աշխատանքի առթիվ, ապա, գրառում կատարելով հաստատության հյուրերի  պատվո գրքում, տնօրենի հետ քննարկեց հետագա համագործակցության հարցեր:

Օրվա երկրորդ կեսին Բեռլինի Եվրոպական ակադեմիայում տեղի ունեցավ «Լեռնային Ղարաբաղի դերն ու նշանակությունը Հարավային Կովկասի զարգացման գործում» խորագրով միջոցառում, որտեղ որպես գլխավոր բանախոս «Լեռնային Ղարաբաղն այսօր՝ ակնկալիքները, մտահոգությունները, հեռանկարները» թեմատիկ ելույթով հանդես եկավ Արցախի խորհրդարանի նախագահը:

Անդրադառնալով ԼՂՀ ձևավորման և կայացման գործընթացներին, նա իր խոսքում ներկայացրեց ադրբեջանա-ղարաբաղյան հակամարտության կարգավորման արդի փուլը, շեշտեց, որ երկարատև խաղաղության հասնելու ամենակարճ ճանապարհը երկու անկախ պետությունների՝ Լեռնային Ղարաբաղի Հանրապետության և Ադրբեջանի Հանրապետության միջև խաղաղ գոյակցության հիմքերի ստեղծումն է:
Միջոցառման երկրորդ հատվածում տեղի ունեցավ բանավեճ-քննարկում, որին, բացի Աշոտ Ղուլյանից, հրավիրված էին նաև գերմանական խորհրդարանի՝ Բունդեսթագի նախկին պատգամավոր Վոլֆգամգ Բյորնզեն, Գիտության և Քաղաքականության հիմնադրամից դոկտոր Ուվե Հալբախը  և Համբուրգի համալսարանից իրավաբանության պրոֆեսոր Օտտո Լուխտերհանդտը: Բանավեճը վարում էր ակադեմիայի տնօրեն պրոֆեսոր Էքարտ Շտրատենշուլտեն: Միջոցառմանը ներկա էր նաև ԳԴՀ-ում ՀՀ դեսպան Վահան Հովհաննիսյանը:

Հրավիրված փորձագետները ներկայացրին իրենց տեսակետներն Արցախի ժողովրդի ինքնորոշման իրավունքի իրացման, ադրբեջանա-ղարաբաղյան հակամարտության կարգավորմանն ուղղված միջնորդական ջանքերի, տարածաշրջանային զարգացման հեռանկարների և այլ հարցերի վերաբերյալ: Այնուհետև բազմամարդ միջոցառման մասնակիցները հնարավորություն ունեցան բանախոսներին դիմել տարաբնույթ հարցերով, որոնց տրվեցին հարկ եղած  պատասխաններ և պարզաբանումներ:-0-

Loading...
Թեմատիկ նյութեր
Բաժնի այլ նյութեր
11:18
22 Փետրվարի 2017
ԼՂՀ ՊՆ. Ադրբեջանի քարոզչամեքենան փորձում է արդարացնել իր իսկ կողմից նախօրեին արցախյան դիրքերի արկակոծության փաստը
Ադրբեջանի զինուժի հրետակոծության հետևանքով պաշտպանության բանակը կորուստ չի ունեցել և շարունակում է առաջնագծում հանդես գալ պարտադրողի դիրքերից։
10:37
22 Փետրվարի 2017
Իրադրությունն առաջնագծում. գիշերը լարված է եղել, հակառակորդը կիրառել է նաև հրանոթներ
Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են պատասխան գործողությունների և շարունակել վստահորեն իրականացնել մարտական հերթապահություն:
16:28
21 Փետրվարի 2017
ԼՂՀ ՊՆ–ն հերքում է. ՊԲ զորամասերը երբեք քաղաքացիական օբյեկտներն ու խաղաղ բնակչությանը չեն թիրախավորում
ՊԲ առաջապահ ուժերը երբեք նախահարձակի դերում հանդես չեն գալիս, իսկ ադրբեջանական մարտական դիրքերի ուղղությամբ կրակ են բացում միայն խիստ անհրաժեշտության դեպքում:
10:51
21 Փետրվարի 2017
Հակառակորդը շփման գծում դիպուկահար հրացաններ է կիրառել
Ղարաբաղա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր տրամաչափի հրաձգային զինատեսակներից։
10:08
21 Փետրվարի 2017
Հայտնի են Արցախի հանրաքվեի նախնական արդյունքները
Արցախի կենտրոնական ընտրական հանձնաժողովը հրապարակել է Արցախի սահմանադրական հանրաքվեի քվեարկության արդյունքները՝ ժամը 03։00-ի դրությամբ։

22:00
20 Փետրվարի 2017
Արցախի Սահմանադրության նախագծի հանրաքվեն ավարտվել է. քվեարկել է ընտրողների 75,91%–ը
Արցախի Հանրապետությունում ավարտվել է Սահմանադրության նախագծի հանրաքվեն։
18:03
20 Փետրվարի 2017
Ադրբեջանն ընդլայնում է «սև ցուցակը»
Ադրբեջանի ԱԳՆ–ն ուշադիր հետևում է Ղարաբաղի հանրաքվեին:
11:34
20 Փետրվարի 2017
Արցախում Սահմանադրական փոփոխությունների հանրաքվե է անցկացվում
Երկուշաբթի Արցախում Սահմանադրական փոփոխությունների հանրաքվե է անցկացվում։
10:48
20 Փետրվարի 2017
Իրադրությունն առաջնագծում. գիշերը հակառակորդն արձակել է ավելի քան 550 կրակոց
ՊԲ առաջապահ զորամասերը հիմնականում ձեռնպահ են մնացել հակառակորդի սադրիչ գործողություններին պատասխանելուց և շարունակել վստահորեն իրականացնել մարտական ծառայություն:

10:18
19 Փետրվարի 2017
Հակառակորդը գիշերը շփման գծում արձակել է ավելի քան 300 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն:

15:07
18 Փետրվարի 2017
Արցախի զորամասերից մեկի զինծառայողը մահացու հրազենային վիրավորում է ստացել
Շաբաթ օրն առավոտյան ԼՂՀ ՊԲ զորամասերից մեկում ժամկետային զինծառայող է մահացել:
10:40
18 Փետրվարի 2017
Գիշերը հակառակորդը կիրառել է դիպուկահար հրացաններ և 60 միլիմետրանոց ականանետ
Արևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (3 արկ):