484.04
+0.53
523.1
+1.64
8.44
+0.03
+13
Եղանակը Երևանում
Հայ
Մոսկվան և Անկարան շահագրգռված են ղարաբաղյան խնդրի շուտափույթ լուծումով
19:48
25 Հունվարի 2012

ՌԴ և Թուրքիայի արտաքին գործերի նախարարներ Սերգեյ Լավրովը և Ահմետ Դավութօղլուն Ռազմավարական ծրագրման համատեղ խմբի նիստի արդյունքներով չորեքշաբթի հանդես են եկել հայտարարությամբ, որում արտահայտվում է կողմերի շահագրգռվածությունը Լեռնային Ղարաբաղի խնդրի շուտափույթ լուծման հարցում:

 «Հույս ունենք, որ Հայաստանի և Ադրբեջանի կողմից տարվող աշխատանքը Լեռնային Ղարաբաղի հակամարտության կարգավորման ուղղությամբ ԵԱՀԿ Մինսկի խմբի միջնորդությամբ առաջիկայում իր արդյունքները կբերի»,- ասվում է ՌԴ ՆԳՆ պաշտոանական կայքում տեղադրած հաղորդագրության մեջ:

Նախարարները հաստատել են համոզմունքը ներկայիս ստատուս-քվոյի անընդունելի լինելու վերաբերյալ, փաստել են Լեռնային Ղարաբաղի հակամարտության խաղաղ կարգավորման հասնելու հնարավորությունը Միավորված Ազգերի Կազմակերպության Կանոնադրությունում, Հելսինկյան Եզրափակիչ ակտում պարունակվող սկզբունքների, ինչպես նաև ԵԱՀԿ ՄԻնսկի խմբի համանախագահ երկրների ղեկավարների՝ 2009 թվականի հուլիսին Ակվիլայում, 2010 թվականի հունիսին Մուսկոկում և 2011 թվականի մայիսին Դովիլում  արված համատեղ հայտարարությունների դրույթների հիման վրա:

 «Կողմերը հաստատում են, որ խաղաղ գործընթացի զարգացմանը լրացուցիչ ազդակ հաղորդեց Ադրբեջանի Հանրապետության, Հայաստանի Հանրապետության և Ռուսաստանի Դաշնության նախագահների՝ 2012 թվականի հունվարի 23-ին ղարաբաղյան հակամարտության կարգավորման ուղղությամբ արված համատեղ հայտարարությունը: Հաստատվել է Ռուսաստանի և Թուրքիայի մտադրությունը շարունակել օգտագործել այն ներուժը, որը կայունացնող ազդեցություն կունենա հակամարտության գոտու իրավիճակի վրա»,- ընդգծվում է հայտարարությունում:

Խոսելով Հարավային Կովկասի իրավիճակի մասին՝ կողմերը հաստատել են տարածաշրջանի խաղաղության, անվտանգության և կայունության մթնոլորտի ապահովման ընդհանուր ձգտումը:

Ըստ հայտարարության, կողմերը ելնում են նրանից, որ կովկասյան բոլոր պետությունները պետք է զերծ մնան ուժի կիրառումից կամ սպառնալիքից՝ հավատարիմ մնալով միայն խաղաղ կարգավորման սկզբունքներին:

Նախարարները կարևորել են մարդասիրական, մշակութային և առևտրատնտեսկան կապերը՝ որպես տարածաշրջանում բարիդրացիական հարաբերությունների հաստատման և ամրապնդման գործոն:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
10:25
27 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 340 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:02
26 Մարտի 2017
Սարգսյան. Հայաստանի զինուժի գերագույն գլխավոր հրամանատարն աչքը չի թարթելու, հարկ եղած դեպքում, «Իսկանդերի» համազարկի հրաման արձակելիս (ՏԵՍԱՆՅՈՒԹ)
Աշխատանքային այցով Արցախի Հանրապետություն մեկնած ՀՀ նախագահ Սերժ Սարգսյանն այսօր եղել է ՊԲ զորամասերից մեկում:
10:40
25 Մարտի 2017
Հակառակորդը գիշերը հայ դիրքապահների ուղղությամբ արձակել է ավելի քան 220 կրակոց
Հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 220 կրակոց:
10:30
24 Մարտի 2017
Հակառակորդը խախտել է հրադադարի ռեժիմը հրաձգային զինատեսակներից
Գիշերը արցախա-ադրբեջանական հակամարտ զորքերի շփման գծում հակառակորդը կիրառել է տարբեր տրամաչափի հրաձգային զինատեսակներ։
19:31
23 Մարտի 2017
The Washington Post–ը հրապարակել է Արցախի ռազմադպրոցի աղջիկ կուրսանտների լուսանկարները
The Washington Post ամերիկյան ճանաչված պարբերականը ֆոտոռեպորտաժ է հրապարակել Ստեփանակերտի բարձրագույն ռազմադպրոցի աղջիկ կուրսանտների մասին։
10:25
23 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 370 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։

10:02
22 Մարտի 2017
Ադրբեջանական զինուժը հայ դիրքապահների ուղղությամբ ակտիվ կրակ է վարել դիպուկահար հրացաններից
Հակառակորդը դիպուկահար հրացաններից առավել ակտիվ կրակ է վարել արևելյան և հյուսիսարևելյան հատվածներում:
10:42
21 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 300 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:19
20 Մարտի 2017
Գիշերը շփման գծում իրադրությունը հանգիստ է եղել
Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 25 անգամ:
10:40
18 Մարտի 2017
Հակառակորդը հայ դիրքապահների ուղղությամբ արձակել է ավելի քան 250 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 250 կրակոց:
10:11
17 Մարտի 2017
Հակառակորդը գիշերը հայ դիրքապահների ուղղությամբ արձակել է շուրջ 450 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 450 կրակոց:
21:01
16 Մարտի 2017
Արցախի ՊՆ-ն հերքում է ԱՀ պաշտպանության նախարարի վիրավորման մասին լուրերը
Սենոր Հասրաթյանը հերքում է ԱՀ պաշտպանության նախարար Լևոն Մնացականյանի վիրավորման մասին տեղեկատվությունը: