478.55
+0.13
562.3
+0.63
8.1
+0.05
+22
Եղանակը Երևանում
Հայ
Արգենտինացի միլիարդատեր Էդուարդո Էռնեկյանն ինքնաթիռ կնվիրի Ստեփանակերտի նոր օդանավակայանին
10:51
29 Դեկտեմբերի 2011

Արգենտինացի միլիարդատեր Էդուարդո Էռնեկյանը Ստեփանակերտի նոր օդանավակայանին ինքնաթիռ կնվիրի, նախօրեին Ստեփանակերտում հրավիրված մամուլի ասուլիսից հետո հայտնել է Լեռնային Ղարաբաղի Հանրապետության վարչապետ Արա Հարությունյանը:
Նա հիշեցրել է, որ ԼՂՀ նախագահ Բակո Սահակյանը վերջերս «Հայաստան» համահայկական հեռուստամարաթոնի շրջանակներում Արգենտինա է այցելել և Էռնեկյանի կողմից Արցախին ինքնաթիռ նվիրելու համապատասխան խոստում է տրվել: Օդանավն արդեն ընտրված է:

«Մոսկվայում կայացած «Հայաստան» հիմնադրամի բարեգործական ընթրիքի ժամանակ Էռնեկյանի կողմից խոստացված 11 մլն դոլարը մտնում են ինքնաթիռի ձեռքբերման ծախսերի մեջ: Նա ոչ միայն ինքնաթիռ կնվիրի, այլ նաև կկազմակերպի օդաչուների պատրաստման համապատասխան դասընթացները»,- նշել է Հարությունյանը:
ԼՂՀ վարչապետը տեղեկացրել է նաև, որ Ստեփանակերտի օդանավակայանը համապատասխան սարքավորումներով համալրելու աշխատանքներն արդեն ավարտված են:

«Ղարաբաղի պետբյուջեի միջոցներով հաջողվել է օդանավակայան կառուցել, լիովին վերակառուցել թռիչքուղին և ձեռք բերել անհրաժեշտ սարքավորումը»,- ասել է Հարությունյանը:
Ղարաբաղի կառավարության ղեկավարը վստահություն է հայտնել, որ ամենայն հավանականությամբ 2012թ.-ի մարտ-ապրիլ ամսին արդեն չվերթեր կիրականացվեն:

Ստեփանակերտի նոր օդանավակայանը կկարողանա սպասարկել ժամում 100 ուղևոր, իսկ ուղևորափոխադրումները կիրականացնի «Էյր Արցախ» ավիաընկերությունը CRJ-200 տեսակի երեք 50-տեղանոց ինքնաթիռների միջոցով:
Սկզբում չվերթերն իրականացվելու են օրումեջ, իսկ ապագայում պահանջարկին զուգահեռ կփոխվի նաև թռիչքների պարբերականությունը:
Ինչպես ավելի վաղ «Նովոստի-Արմենիա» գործակալությանը տեղեկացրել է ԼՂՀ վարչապետ Արա Հարությունյանը, սկզբում օդանավակայանից կիրականցվեն Ստեփանակերտ-Երևան-Ստեփանակերտ չվերթերը, սակայն օդանավակայանը կառուցվում է նաև այլ ուղղություններով թռիչքներ կատարելու հեռանկարով:-0-

Loading...
Թեմատիկ նյութեր
Բաժնի այլ նյութեր
15:47
19 Օգոստոսի 2017
Հակառակորդը շաբաթվա ընթացքում շարունակել է խախտել հրադադարի ռեժիմը
Արցախի պաշտպանության նախարարությունը ներկայացրել է շաբաթվա ընթացքում արցախաադրբեջանական շփման գծում տիրող իրավիճակը:
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։