482.25
+0.32
566.07
-3.09
8.39
+0.02
+9
Եղանակը Երևանում
Հայ
Ցվետանա Պասկալևան կներկայացնի «Ղարաբաղի վերքերը» ֆիլմաշարը համաշխարհային շրջայցի ընթացքում
16:58
18 Նոյեմբերի 2011

Բուլղարացի հայտնի լրագրող, ռեժիսոր-վավերագիր և հասարակական գործիչ Ցվետանա Պասկալևան ուրբաթ հայտնեց լրագրողներին, որ յոթ ֆիլմերից բաղկացած «Ղարաբաղի վերքերը» ֆիլմաշարը կներկայացնի 2012 թվականի համաշխարհային շրջայցի ընթացքում:

Պասկալևայի «Ղարաբաղի վերքերը» վավերագրական ֆիլմերի DVD-ի շնորհանդեսը տեղի ունեցավ ուրբաթ Երևանում: Միջոցառմանը ներկա են եղել Հայաստանի նախագահ Սերժ Սարգսյանը, կառավարության անդամներ, մշակույթի գործիչներ, արտերկրից ժամանած հյուրեր:
«Այդ վավերագրական ֆիլմերը շատ երկար ժամանակ պահանջված չէին, սակայն ես գիտեի, որ դրանք անհրաժեշտ են ղարաբաղյան հարցի ճիշտ ընկալման համար, որը սպասում է իր լուծմանը: Աշխարհը պետք է իմանա Ղարաբաղի մասին, և ես կպատմեմ ամեն ինչ առանց մի կաթիլ ստի»,- հայտարարեց Պասկալևան:

Հայտնի լրագրողը նշեց, որ ղարաբաղյան ազատագրական պատերազմը նրա համար մեծ փորձություն դարձավ ինչպես մարդկային, այնպես էլ պրոֆեսիոնալ տեսանկյունից՝ «կյանքի յուրօրինակ մի քննություն»:

«Դրանք ուժերի անդադար կենտրոնացման չորս տարիներ էին: Չորս տարի ես հագուստս չեմ հանել, նորմալ չեմ քնել, վիրավորվել եմ, երկու անգամ դիպուկահարները կրակել են իմ խցիկին, ապրել եմ ռազմական հոսպիտալի նկուղում... Հավանաբար անդադար լաց լինելուց ես կարողացա դիմանալ մինչև վերջ: Ամեն անգամ նայելով հայրեր, եղբայրներ, քույրեր կորցրած փոքր երեխաներին՝ ես զգում էի, որ պետք է շարունակել առաջ գնալ... Նրանք բոլորը (ղարաբաղցիները)՝ փոքրից մեծահասակ, ինձ համար եղել և մնում են հերոսներ»,- նշեց նա:
Ըստ նրա, Ղարաբաղն ընդմիշտ շրջեց իր ճակատագիրը՝ թողնելով չսպիացող հոգեկան վերք, բայց դրա հետ մեկտեղ, արդար գործի ցավի, տառապանքի և պայքարի մարդկային ընկալում:

«Որքան ավելի երկար էի ես մնում, այնքան ավելի էի հասկանում, որ այլևս չեմ կարող այստեղից հեռանալ: Ես ցանկանում էի տեսնել վերջը, այս խնդրի խաղաղ լուծումը, այդ իսկ պատճառով էլ հրադադարի ստորագրույմից հետո ես մնացի այստեղ, այսօր էլ այստեղ եմ ձեզ հետ»,- ավելացրեց Պասկալևան:

Շնորհանդեսի ընթացքում Պասկալևան առաջին DVD օրինակը նվիրեց հայկական պետության ղեկավարին՝ նշելով, որ Սերժ Սարգսյանն անցել է բոլոր նույն ճանապարհները և սեփական մաշկի վրա է զգացել ղարաբաղյան ժողովրդին բաժին ընկած դժվարությունները:
«Ղարաբաղի վերքերը» DVD-ֆիլմերը թողարկվել են վեց լեզվով՝ հայերեն, ռուսերեն, անգլերեն, ֆրանսերեն, իսպաներեն և բուլղարերեն: Ֆիլմերի իրադարձություններն ընդգրկում են 1991 թվականից մինչև 1994 թվականի հրադադարի համաձայնագրի ստորագրումն ընկած ժամանակահատվածը: Բոլոր ֆիլմերն արտացոլում են առավել նշանակալի ռազմական գործողությունների ընթացքը և հեղինակի մարդկային վերաբերմունքն այդ ամենի նկատմամբ:

Արդեն թողարկվել է 1000 սկավառակ, որոնց կեսը կտարածվի հայկական բանակում հենց Պասկալևայի ցանկությամբ: Սկավառակը թողարկող Armenian Music Centre ընկերությունը մտադիր է ավելացնել օտար լեզուներով DVD-ների թիվը՝ արտասահմանում տարածելու համար: 2012 թվականին նախատեսվում է նաև սկավառակների շնորհանդես կազմակերպել արտասահմանյան այն բոլոր երկրներում, որտեղ տեսագրված են Պասկալևայի ֆիլմերը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։
10:53
23 Հոկտեմբերի 2017
Ադրբեջանը հրետանային զինատեսակներ է կիրառել Մարտակերտ-Մատաղիս ուղղությամբ (ՎԻԴԵՈ)
Ադրբեջանը Մարտակերտ-Մատաղիս ուղղությամբ հայկական դիրքերի վրա արձակել է ականանետի 5 արկ և «ՍՊԱՅԿ» տիպի հակատանկային հրթիռ։
14:22
21 Հոկտեմբերի 2017
Արցախում 2 զինծառայող է զոհվել
Արցախում 2 զինծառայող է զոհվել:
13:52
20 Հոկտեմբերի 2017
Փորձագետ. Ղարաբաղի հարցում Ադրբեջանն անհաշտելի դիրք է զբաղեցնում
Նախկինում ձեռք բերված պայմանավորվածությունները չեն կատարվում, և «հայտնի է` ում կողմից»։
20:48
19 Հոկտեմբերի 2017
Նալբանդյան. Բաքվի հետ Ժնևից հետո Արցախի հարցը չբարձրացնելու պայմանավորվածություն չի եղել
Հայաստանի ԱԳՆ ղեկավար Էդվարդ Նալբանդյանը հերքել է Բաքվի` Ժնևի գագաթնաժողովում Արցախի թեման չբարձրաձայնելու մասին իբր գոյություն ունեցող «պայմանավորվածությունների» հայտարարությունները։  
19:43
19 Հոկտեմբերի 2017
Արցախում զինծառայող է զոհվել հակառակորդի գնդակից
Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել: