484.11
-0.64
570.43
-1.33
8.23
+0.04
-2
Եղանակը Երևանում
Հայ
Ղարաբաղն առանձին տաղավարով մասնակցել է իտալական Ռիմինիում անցկացվող զբոսաշրջային ցուցահանդեսին
16:03
25 Հոկտեմբերի 2011

Լեռնային Ղարաբաղի Հանրապետությունը իտալական Ռիմինի քաղաքում անցկացվող «TTG INCONTRI» ամենամյա զբոսաշրջային միջազգային ցուցահանդեսին առանձին տաղավար է ներկայացրել, հաղորդում է ԼՂՀ պաշտոնական տուրիստական պորտալը:

Ռիմինիի ցուցահանդեսն անցկացվել է հոկտեմբերի 6-8-ը:

«Նման մակարդակի միջազգային ցուցահանդեսներին ԼՂՀ մասնակցությունը շատ արդյունավետ է, ինչը երկրին ոչ միայն իր նվաճումները և տեսարժան վայրերը համաշխարհային հանրությանը ներկայացնելու հնարավորություն է տալիս, այլ նաև ապահովում է դեպի ԼՂՀ զբոսաշրջիկների աճը»,- ասվում է հաղորդագրության մեջ:

Ցուցահանդեսին Ղարաբաղը ներկայացրել է Ղարաբաղի զբոսաշրջության զարգացման գործակալությունը՝ ԼՂՀ կառավարությանան առընթեր զբոսաշրջության վարչության հետ համատեղ, ֆինանսական աջակցություն է ցուցաբերել Ղարաբաղի կառավարությունը: Պատվիրակությունը գլխավորում է ԼՂՀ կառավարությանն առընթեր զբոսաշրջության վարչության պետ Սերգեյ Շահվերդյանը:

Այս տարի ակնկալվում է նաև ԼՂՀ մասնակցությունը Լոնդոնում կայանալիք զբոսաշրջային ցուցահանդեսին:

ԼՂՀ ԱԳՆ տվյալների համաձայն՝ Ղարաբաղ այցելած զբոսաշրջիկների քանակն աննախադեպ կերպով աճում է: Մասնավորապես՝ Գերատեսչության հյուպատոսական ծառայության տվյալների համաձայն՝ 2011թ.-ի առաջին կիսամյակում ԼՂՀ է այցելել ավելի քան 3 հազար օտարերկրացի, ինչը 49 տոկոսով գերազանցում է 2010թ.-ի նույն ժամանակահատվածի ցուցանիշը: Չնայած Ադրբեջանի իշխանությունների կողմից առաջացրած խոչընդոտներին և ԼՂՀ այցելած օտարերկրացիներին «պերսոնա նոն գրատա» հայտարարելուն, աշխարհում աճում է Արցախի հանդեպ հետաքրքրությունը:

2010թ.-ի առաջին կիսամյակում, անցած տարվա նույն ժամանակահատվածի համեմատ, նույնպես  զբոսաշրջիկների թվի զգալի՝ 45 տոկոսանոց աճ է գրանցվել:

Արցախ այցելողների թվում են՝ ԱՄՆ, Ֆրանսիայի, Իրանի, Մեծ Բրիտանիայի, Հոլանդիայի, Շվեցարիայի, Կանադայի, Իտալիայի, Լեհաստանի, Ռուսաստանի և ԱՊՀ այլ երկրների քաղաքացիները: Շարունակվում է ընդլայնվել այցելողների աշխարհագրությունը: Վերջին շրջանում ԼՂՀ ավելի հաճախ են այցելում զբոսաշրջիկներ Ճապոնիայից, Սինգապուրից, Բրազիլիայից, Վենեսուլայից, Իսրայելից, Նոր Զելանդիայից, Հնդկաստանից և այլ երկրներից:

Զբոսաշրջիկներին գրավում են ոչ միայն հին պատմական հուշարձանները, շքեղ բնությունը, գեղատեսիլ վայրերը, առողջ էկոլոգիան, հանքային և տաք աղբյուրները, այլ նաև Արցախի ժողովրդի բարյացակամությունն ու հյուրընկալությունը, յուրօրինակ ղարաբաղյան խոհանոցը:

Հյուրերն այցելում են Գանձասար (XIII դար), Ամարաս (IV դար), Դադիվանք (IV դար), հնադարյան Տիգրանակերտ քաղաքի պեղումների գոտին, Ազոխի քարանձավը, Նիկոլ Դումանի թանգարանը, ինչպես նաև բազմաթիվ հին հայկական ամրոցներ:

Արցախի զբոսաշրջության զարգացմանը զգալի չափով կաջակցի նաև Ստեփանակերտի օդանավակայանի բացումը: -0-

Loading...
Թեմատիկ նյութեր
Բաժնի այլ նյութեր
17:20
08 Դեկտեմբերի 2017
Ղարաբաղյան հակամարտության կողմերի միջև երկխոսությունը դեռ չի հանգեցնում լուրջ առաջընթացի. Լավրով
Նրա խոսքով, սա հեշտ հարց չէ, սակայն նրանք կշարունակեն զբաղվել դրանով։
13:45
06 Դեկտեմբերի 2017
ԵԱՀԿ առաքելության դիտարկումն Արցախի և Ադրբեջանի սահմանում անցել է ըստ նախատեսված ժամանակացույցի
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացրել Մարտունու շրջանի Կուրոպատկինո բնակավայրից դեպի հյուսիս:
12:18
05 Դեկտեմբերի 2017
ԵԱՀԿ–ն պլանային դիտարկում է անցկացվելու շփման գծում
ԵԱՀԿ առաքելությունը շփման գծի պլանային դիտարկում է անցկացնելու Մարտունու շրջանի Կուրոպատկինո բնակավայրից դեպի հյուսիս:
11:00
03 Դեկտեմբերի 2017
ՀՀ նախագահ. մենք կարողանում ենք և պաշտպանելու ենք մեր սահմանն ու հայրենիքը (ՖՈՏՈ)
ՀՀ նախագահն Արցախ կատարած այցի շրջանակում մասնակցել է զորավարժությունների։
21:05
01 Դեկտեմբերի 2017
ՀՀ նախագահն աշխատանքային այցով այցելել է Արցախ (ՖՈՏՈ)
ՀՀ նախագահն աշխատանքային այցով այսօր այցելել է Արցախ։
10:36
22 Նոյեմբերի 2017
Արցախում 3 զինվոր է զոհվել, ևս մեկը վիրավոր է
Արցախում 3 զինվոր է զոհվել, ևս մեկը վիրավոր է, նրա վիճակը ծանր է։
14:47
21 Նոյեմբերի 2017
ՀՀ ԱԳ նախարարը մեկնաբանել է դեկտեմբերին Սարգսյան–Ալիև հանդիպման հնարավորությունը
Նախարարը նշեց, որ ղարաբաղյան հակամարտության կարգավորման հիմնական սկզբունքների շուրջ քննարկումները վաղուց են ընթանում:
13:49
21 Նոյեմբերի 2017
ԵԱՀԿ ՄԽ–ի համանախագահների առաջարկների ամբողջական փաթեթը մնում է անփոփոխ. Լավրով
Նա դրական բնութագրեց Հայաստանի և Ադրբեջանի նախագահների գնահատականները Ժնևում կայացած վերջին հանդիպման մասին։
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու: