485.74
+0.58
561.81
-1.12
8.27
+0.04
+12
Եղանակը Երևանում
Հայ
Ղարաբաղը նշում է ԼՂՀ հռչակման 20-ամյակը
10:49
02 Սեպտեմբերի 2011

Ղարաբաղը նշում է ԼՂՀ հռչակման 20-ամյակը:

1991թ.-ին այս օրը տեղի ունեցավ Լեռնային Ղարաբաղի մարզային և Շահումյանի շրջանային խորհուրդների համատեղ նստաշրջանը, որը համաժողովրդական կամքի արտահայտության հիման վրա ընդունեց Լեռնային Ղարաբաղի Հանրապետության Հռչակագիրը՝ Լեռնային Ղարաբաղի Ինքնավար Հանրապետության  և Շահումյանի շրջանի ողջ տարածքում։  

Նման որոշում ընդունելիս պահպանվել են 1990 թ. ապրիլի 3-ի «ԽՍՀՄ կազմից միութենական հանրապետության դուրս գալու հետ կապված հարցերի որոշման կարգի մասին» ԽՍՀՄ օրենքի պահանջները, որը նախատեսում է ԽՍՀՄ-ի կազմից միութենական հանրապետության դուրս գալու դեպքում սեփական պետաիրավական կարգավիճակի մասին հարցն ինքնուրույն լուծելու ազգային ինքնավարությունների իրավունքը:

Ղարաբաղի ժողովրդի կամքն ամրագրվել է 1991 թ.-ի դեկտեմբերի 10-ին տեղի ունեցած համաժողովրդական հանրաքվեի ժամանակ, որի ընթացքում հանրապետության բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։

Տոնը կմեկնարկի սեպտեմբերի 2-ի առավոտյան Ստեփանակերտի փողոցներով և հանրապետության շրջկենտրոններով զինվորական շարասյունի հանդիսավոր քայլերթով: Օրվա առաջին կեսին ԼՂՀ ղեկավարությունն ու տոնական միջոցառումներին մասնակցելու նպատակով ԼՂՀ ժամանած հյուրերը կայցելեն Ստեփանակերտի հուշահամալիր, որտեղ ծաղկեպսակներ կդնեն:

Այդ օրը ողջ հանրապետությունում նախատեսվում է կազմակերպել մշակութային տարատեսակ տոնական միջոցառումներ: ԼՂՀ հռչակման 20-ամյակի կապակցությամբ հանրապետության որոշ բնակիչներ, մասնավորապես` Հայրենական պատերազմի մասնակիցները, ղարաբաղյան պատերազմում զոհված զինվորների ընտանիքներն ու հաշմանդամները միանվագ դրամական օգնություն կստանան:

Տոնի շրջանակններում ԼՂՀ նախագահի անունից ընդունելություն կկազմակերպվի: Երեկոյան Ստեփան Շահումյանի անվան հանրապետական մարզադաշտում տեղի կունենա տոնական համերգ` տեղի և օտարերկրյա արտիստների մասնակցությամբ, ինչպես նաև կկազմակերպվի հրավառություն:

Տոնակատարություններին կմասնակցեն շուրջ 200 հյուրեր տարբեր երկրներից, որոնց թվում են քաղաքական և հասարակական գործիչներ, լրագրողներ և այլ հյուրեր:

Ղարաբաղում արդեն թողարկվել է հուշամեդալ, հրապարակվել են քարոզչական նյութերը, բարեկարգվում և զարդարվում են հանրապետության մայրաքաղաքի, շրջկենտրոնների կենտրոնական փողոցներն ու հրապարակները:

Այս օրերին Ղարաբաղում են գտնվում ՀՀ նախագահ Սերժ Սարգսյանը, Ամենայն Հայոց Գարեգին Երկրորդ Կաթողիկոսը, պաշտոնատար այլ անձինք:

Այսօր ԼՂՀ-ն ամբողջովին կայացած պետություն է՝ բոլոր գործիքներով, որոնք կան ինքնավար երկրներում՝ իշխանության ձևավորման ժողովրդավարական ավանդույթներ, անկախ արտաքին քաղաքականություն, դինամիկ կերպով զարգացող տնտեսություն, ուժեղ և մարտունակ բանակ, որը վայելում է հասարակության վստահությունն ու հարգանքը:

Ղարաբաղի ժողովրդի ինքնորոշման իրավունքը վիճարկելի չէ միջազգային հանրության կողմից և խնդրի կարգավորման սկզբունքներից մեկն է:-0-

Loading...
Թեմատիկ նյութեր
Բաժնի այլ նյութեր
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։
10:53
23 Հոկտեմբերի 2017
Ադրբեջանը հրետանային զինատեսակներ է կիրառել Մարտակերտ-Մատաղիս ուղղությամբ (ՎԻԴԵՈ)
Ադրբեջանը Մարտակերտ-Մատաղիս ուղղությամբ հայկական դիրքերի վրա արձակել է ականանետի 5 արկ և «ՍՊԱՅԿ» տիպի հակատանկային հրթիռ։