481.93
+0.2
569.16
+0.19
8.37
-0.02
+8
Եղանակը Երևանում
Հայ
Ղարաբաղն ինքը պետք է որոշի, թե ինչն է կարելի զիջել Ադրբեջանին. ռազմական փորձագետ
13:27
05 Օգոստոսի 2011

Լեռնային Ղարաբաղի Հանրապետությունն ինքը պետք է որոշի, կզիջի՞, արդյոք, որևէ բան Ադրբեջանին, թե ոչ, հայտարարեց ռազմական փորձագետ Դավիթ Ջամալյանը։

«Անշուշտ, հաշվի առնելով, որ Ադրբեջանում չկա զիջումների հակված քաղաքական որևէ ուժ, պետք է նշեմ, որ այս իրավիճակում մեր կողմից որևէ զիջումն արմատական որոշում կլիներ։ Որքան ավելի շուտ ԼՂՀ-ն նստի բանակցային սեղանի շուրջ, այնքան ավելի շուտ հայկական կողմի համար շահեկան լուծում կգտնի հակամարտությունը»,- ուրբաթ մամուլի ասուլիսի ընթացքում ասաց Ջամալյանը։

Փորձագետի խոսքով՝ եթե դիտարկենք ղարաբաղյան կարգավորման բանակցային գործընթացի զարգացումների տրամաբանությունը, սկսած Դովիլից, ապա կարելի է հանգել միակ ճիշտ եզրակացության՝ Բաքուն փորձում է մշակել բանակցային գործընթացի ձախողման մեթոդաբանություն։

«Պատահական չէ, որ Ադրբեջանը միշտ փորձել է ղարաբաղյան հարցը ներկայացնել որպես հակամարտություն Հայաստանի հետ։ Այդ դեպքում, անշուշտ, Հայաստանը խոցելի է դառնում փոխզիջումների տեսանկյունից։ Բաց բոլորովին այլ բան է, երբ ԼՂՀ-ն ինքն է խոսում իր կողմից վերահսկվող տարածքների մասին»,- ասաց նա։

Ջամալյանը նշեց նաև, որ, սկսած Դովիլից և առայսօր, հայկական կողմը շահել է այն առումով, որ «Լեռնային Ղարաբաղի ձայնն ավելի լսելի է դարձել»։

«Վերջին երկու ամիսների ընթացքում այդ տեսանկյունից էական առաջընթաց է արձանագրվել, և այստեղ շատ կարևոր է այն փաստը, որ պաշտոնական Երևանն ու Ստեփանակերտը վերջին ժամանակներում համաձայնեցված են աշխատել։ Կարևոր են նաև պաշտոնական Ստեփանակերտի վերջին հայտարարությունները»,- ավելացրեց նա։

Նա նշեց, որ, նախևառաջ, Ստեփանակերտը հասկացրեց, որ վարչատարածքային տեսակետից 1988 թվականին վերադառնալն անհնար է։ «Իհարկե, միջազգային հանրությունը դա հայկական կողմի դիրքերի խստացում անվանեց, սակայն այդ հայտարարությունը շատ կարևոր էր, քանի որ Ղարաբաղը հստակ հասկացրեց, որ հաղթանակն առևտրի առարկա լինել չի կարող։ Դա պետք է հասկանան բոլորը՝ և Բաքուն, և աշխարհը, և նույնիսկ մենք»,- ընդգծեց փորձագետը։
Նա միաժամանակ նշեց, որ հայկական կողմը կարող է խաղաղություն ապահովել միայն իր հաղթանակի ամրապնդմամբ, և ոչ թե զիջումներով։

Փորձագետի կանխատեսումներով, այս աշնանը առաջնային գծում համեմատաբար հանգիստ կլինի, ինչի պատճառը ոչ միայն միջազգային հանրության ճնշումն է Բաքվի վրա, այլ նաև ԼՂՀ Պաշտպանության բանակի՝ հրադադարի ռեժիմի խախտմանը տված համարժեք պատասխանը։ 

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
14:22
21 Հոկտեմբերի 2017
Արցախում 2 զինծառայող է զոհվել
Արցախում 2 զինծառայող է զոհվել:
13:52
20 Հոկտեմբերի 2017
Փորձագետ. Ղարաբաղի հարցում Ադրբեջանն անհաշտելի դիրք է զբաղեցնում
Նախկինում ձեռք բերված պայմանավորվածությունները չեն կատարվում, և «հայտնի է` ում կողմից»։
20:48
19 Հոկտեմբերի 2017
Նալբանդյան. Բաքվի հետ Ժնևից հետո Արցախի հարցը չբարձրացնելու պայմանավորվածություն չի եղել
Հայաստանի ԱԳՆ ղեկավար Էդվարդ Նալբանդյանը հերքել է Բաքվի` Ժնևի գագաթնաժողովում Արցախի թեման չբարձրաձայնելու մասին իբր գոյություն ունեցող «պայմանավորվածությունների» հայտարարությունները։  
19:43
19 Հոկտեմբերի 2017
Արցախում զինծառայող է զոհվել հակառակորդի գնդակից
Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել:
16:34
29 Սեպտեմբերի 2017
Սիրիահայ վիրաբույժ Ջանի Հադդադն արժանացել է «Երախտագիտություն» մեդալի Արցախի նախագահի կողմից
Ջանի Հադդադը Արցախում կատարել է 350-ից ավել վիրահատություն:
19:40
28 Սեպտեմբերի 2017
ՊԲ զինվոր է մահացել հակառակորդի գնդակից
Այսօր ՊԲ զինծառայող է զոհվել հակառակորդի գնդակից:
11:01
25 Սեպտեմբերի 2017
Մասիս Մայիլյանը նշանակվել է Արցախի ԱԳ նախարար
Արցախի նախագահ Բակո Սահակյանը սեպտեմբերի 25–ին ստորագրել է մի շարք հրամանագրեր: