480.92
+0.18
511.51
-0.14
7.54
+0.06
+1
Եղանակը Երևանում
Հայ
Ղարաբաղյան հակամարտության կարգավորման բանակցային գործընթացը մինչ օրս փակուղու մեջ է. ԼՂՀ ԱԳՆ
12:53
22 Հունիսի 2011

ՍՏԵՓԱՆԱԿԵՐՏ, 22 հունիսի. /Նովոստի-Արմենիա/. Ադրբեջանաղարաբաղյան հակամարտության կարգավորման բանակցային գործընթացում 1994 թ.-ից մինչ օրս ոչինչ չի փոխվել, այն գտվում է փակուղային իրավիճակում, ԼՂՀ հանրային հեռուստաընկերությանը տված հարցազրույցում հայտարարել է ԼՂՀ ԱԳ նախարարի խորհրդական Ռուբեն Զարգարյանը:

Նրա խոսքերով՝ բանակցային գործընթացի փակուղին մեծ մասամբ կապված է բանակցությունների իրական ձևաչափի խախտման հետ:

«Ներկա բանակցությունների ձևաչափը չի արտացոլում ղարաբաղյան հակամարտության իրական պատկերը, որտեղ հիմնական կողմերն են ԼՂՀ-ն և Ադրբեջանը», - նշել է Զարգարյանը:

ԼՂՀ ԱԳ նախարարի խորհրդականը ղարաբաղյան հակամարտության կարգավորման հարցում որևէ դրական կամ բացասական տեղաշարժ չի ակնկալում:

«Կողմերից ոչ մեկը ներկա իրավիճակի սրում չի ցանկանում, կա անկանխատեսելիության հանգամանք, իսկ պաշտոնական Բաքվի անփոփոխ դիրքորոշումը, որը հասկանալի է միայն իրեն, լավատեսության համար որևէ հույս չի թողնում: Բանակցությունների ընթացքում Ադրբեջանի դիրքորոշումը, եթե այն ընդհանրապես կարելի է որակել որպես բանակցային լուրջ դիրքորոշում, հենվում է Ղարաբաղի նկատմամբ անհիմն տարածքային հավակնությունների առաջադրման վրա», - ասել է Զարգարյանը:

Նա հայտարարել է, որ ադրբեջանական կողմը, պահանջելով այսպես կոչված «յոթ շրջանները», պարզապես փորձում է հիմք ստեղծել ողջ ԼՂՀ-ն գրավելու համար:

«Ադրբեջանի տարածքային հավակնությունները ղարաբաղյան կողմի համար անընդունելի են, անտեղի և չեն նպաստում բանակցային գործընթացին», - ընդգծեց Զարգարյանը:

Նրա խոսքերով՝ Ադրբեջանը լիազորված չէ Ղարաբաղի անկախության հետ կապված որևէ հարց լուծել, և ցանկացած ինքնորոշված ժողովրդի կարգավիճակի լուծումը բացառապես այդ ժողովրդի իրավունքն է:

«Այսօրվա դրությամբ ԼՂՀ հռչակման և կայացման գործընթացը լիովին տեղավորվում է միջազգային իրավունքի շրջանակներում, և անցած 20 տարվա ընացքում այդ համոզմունքն ընդամենը ամրապնդվել է»,- նշեց Զարգարյանը:

ԼՂՀ ԱԳՆ ղեկավարի խորհրդականը նաև հայտարարեց, որ այս 20 տարիների ընթացքում Լեռնային Ղարաբաղի Հանրապետությունը իրեն դրսևորել է որպես պատասխանատու երկիր, որը որևէ մեկին պատերազմով չի սպառնում, իր հարևանների նկատմամբ տարածքային հավակնություններ չունի և պահանջում է ադրբեջանական զորքի դուրսբերում ԼՂՀ օկուպացված տարածքներից:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
10:46
05 Դեկտեմբերի 2016
Իրադրությունն առաջնագծում. նախորդ գիշեր հակառակորդը շարունակել է ինտենսիվորեն խախտել հրադադարի ռեժիմը
Այս պահի դրությամբ իրավիճակը հանգիստ է և լիովին գտնվում է հայկական ստորաբաժանումների զգոն վերահսկողության ներքո:
10:40
03 Դեկտեմբերի 2016
Իրադրությունն առաջնագծում. հակառակորդը գիշերը ականանետեր է կիրառել
Հակառակորդի ակտիվությունը ճնշելու համար ՊԲ դիրքապահ ուժերը ձեռնարկել են անհրաժեշտ միջոցներ և վստահորեն իրականացրել առաջնային գծի պաշտպանությունը:

10:50
02 Դեկտեմբերի 2016
Հակառակորդը գիշերը շարունակել է խախտել հրադադարի ռեժիմը շփման գծում. ԼՂՀ ՊՆ
Դեկտեմբերի 1-ի լույս 2-ի գիշերը ղարաբաղա-ադրբեջանական շփման գծի գրեթե բոլոր ուղղություններով հակառակորդը շարունակել է  խախտել հրադադարի պահպանման ռեժիմը:
22:27
01 Դեկտեմբերի 2016
ՀՀ ՊՆ. ղարաբաղա–ադրբեջանական հակամարտ զորքերի շփման գծում տվյալ պահին օպերատիվ իրավիճակը կայուն է
Ղարաբաղա–ադրբեջանական հակամարտ զորքերի շփման գծում տվյալ պահին օպերատիվ իրավիճակը կայուն է, Facebook–յան իր էջում հայտնել է ՀՀ ՊՆ մամուլի քարտուղար Արծրուն Հովհաննիսյանը։
10:25
01 Դեկտեմբերի 2016
Իրադրությունն առաջնագծում. հակառակորդն արձակել է մոտ 2000 կրակոց
Հակառակորդի նախահարձակ ակտիվությունը ճնշելու համար ՊԲ առաջապահ ուժերը դիմել են անհրաժեշտ գործողությունների։

10:25
30 Նոյեմբերի 2016
Իրադրությունն առաջնագծում. հակառակորդը գիշերը ականանանետ և նռնականետ է կիրառել
ՊԲ առաջապահ զորամասերը լիակատար վերահսկողություն են պահպանում առաջնագծում` անհրաժեշտության դեպքում դիմելով նաև պատասխան գործողությունների:

13:26
28 Նոյեմբերի 2016
ԵԱՀԿ–ի դիտարկումն անցել է առանց միջադեպերի
Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել:
10:29
28 Նոյեմբերի 2016
Հանգստյան օրերին հակառակորդը շփման գծում կիրառել է ականանետեր և նռնականետեր
ՊԲ առաջապահ զորամասերը շարունակում են վստահորեն իրականացնել իրենց առջև դրված մարտական խնդիրը։

10:59
26 Նոյեմբերի 2016
ԵԱՀԿ դիտարկում կիրականացվի Թալիշի ուղղությամբ
ԼՂՀ իշխանությունները պատրաստակամություն են հայտնել աջակցել դիտարկման անցկացմանը և ապահովել ԵԱՀԿ առաքելության անդամների անվտանգությունը:
10:40
26 Նոյեմբերի 2016
Գիշերը հակառակորդը հայ դիրքապահների ուղղությամբ արձակել է ավելի քան 240 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 240 կրակոց:
20:43
24 Նոյեմբերի 2016
ՌԴ ԱԳՆ. ԵԱՀԿ ՄԽ–ին պետք է ցանկանալ ակտիվացնել ջանքերը ղարաբաղյան հիմնահարցի կարգավորման գործընթացում
ԵԱՀԿ ՄԽ–ին կարելի է ցանկանալ ակտիվացնել ջանքերը ղարաբաղյան հիմնահարցի կարգավորման գործընթացում, հինգշաբթի ճեպազրույցի ընթացքում ասել է ՌԴ ԱԳՆ պաշտոնական ներկայացուցիչ Մարիա Զախարովան։
10:25
23 Նոյեմբերի 2016
Հակառակորդը գիշերը շփման գծում արձակել է շուրջ 530 կրակոց
ՊԲ առաջապահ զորամասերը պահպանել են հրադադարի ռեժիմը և շարունակել վստահորեն իրականացնել իրենց առջև դրված մարտական խնդիրը: