+

+

+
+14
Եղանակը Երևանում
Հայ
ԼՂՀ-ում տեղաշարժեր չեն ակնկալում Կազանում կայանալիք Հայաստանի, Ադրբեջանի և Ռուսաստանի նախագահների հանդիպումից
10:45
15 Հունիսի 2011

ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը որևէ տեղաշարժ չի ակնկալում Կազանում կայանալիք Հայաստանի, Ադրբեջանի և Ռուսաստանի նախագահների հանդիպումից:

Հունիսի 25-ին Կազանում տեղի կունենա Հայաստանի, Ռուսաստանի և Ադրբեջանի նախագահներ Սերժ Սարգսյանի, Դմիտրի Մեդվեդևի և Իլհամ Ալիևի եռակողմ հանդիպումը։

«Ադրբեջանա-ղարաբաղյան հակամարտության կարգավորման հարցում բեկման հասնելու համար պետք է առաջին հերթին լինի նորմալ ձևաչափ, ինչը չկա, և այն խեղաթյուրված է: Հակամարտության կողմերը պետք է պատրաստ լինեն փոխզիջումների, և մենք տեսնում ենք, որ դա նույնպես բացակայում է», - ասել է Բաբայանը ԼՂՀ հանրային հեռուստաընկերության եթերում:

Նրա խոսքերով՝ Ադրբեջանը պատրաստ չէ ոչ միայն փոխզիջման, այլև որևէ կառուցողական երկխոսության:

«Համապատասխան փոխհամաձայնություն է հարկավոր նաև գերտերությունների միջև: Նրանք ասում են, որ կողմերն իրենք պետք է լուծեն այս հարցերը, այսինքն՝ որևէ կողմի վրա ճնշում չի լինելու: Բացի այդ, հարկավոր է հաշվի առնել նաև այն, որ կողմերն ու միջնորդ-երկրները բավականին ակտիվ ներքաղաքական ժամանակաշրջան են մուտք գործում, որը կսկսվի 2012 թ.-ին», - նշել է Բաբայանը:

Նա հիշեցրել է, որ մոտ ապագայում ընտրություններ են սպասվում Ռուսաստանում, Հայաստանում, Ղարաբաղում, ԱՄՆ-ում, Ֆրանսիայում, և այս իրավիճակում ակնհայտ է, որ ղարաբաղյան հակամարտության կարգավորումը երկրոդ պլան է մղվում:

«Այստեղ պետք է ավելացնել նաև այն, որ մի շարք երկրներում ընտրությունները չեն սահմանափակվում զուտ ընտրական տարրով, կլինեն նաև հետընտրական գործընթացներ: Բացի այդ, 2014 թ.-ին Սոչիում տեղի կունենան Օլիմպիական խաղերը, ողջ աշխարհի ուշադրությունը կենտրոնանալու է այս խոշոր միջոցառման վրա, որն իր հերթին անվտանգության լուրջ միջոցառումներ կպահանջի հսկայական տարածքում», - ասել է Բաբայանը:

Նա ընդգծել է, որ ԵԱՀԿ ՄԽ համանախագահները շատ հետաքրքիր համակարգ են ձևավորել, որը բժշկական լեզվով կարելի է անվանել «անզգայացման համակարգ», այսինքն՝ հասարակություններին հույս է ներարկվում, որ Կազանում հնարավոր է որևէ բեկում գրանցվի:

«Մեկ, երկու-երեք ամիս բոլորը խոսում են Կազանում կայանալիք եռակողմ հանդիպման մասին, այնուհետև սկսվում է հանդիպումը, ինչ-որ բան տեղի է ունենում կամ ընդհանրապես որևէ բան տեղի չի ունենում, և հետո բնակչությունը, հասարակությունները, վերլուծաբանները, քաղաքագետները սկսում են վերլուծել, թե ինչու բեկում չգրանցվեց: Անցնում է 2011 թվականը, գալիս են նոր տարիներ, այսինքն ղարաբաղյան հակամարտության կարգավորումը մղվում է հետին պլան», - նշել է Բաբայանը:

Նա ընդգծել է, որ անհնար է բեկում ակնկալել ղարաբաղյան հակամարտության կարգավորման հարցում, հետևաբար ստատուս-քվոն պետք է պահպանվի:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:35
18 Նոյեմբերի 2017
Արցախի ՊՆ-ն ներկայացրել է օպերատիվ իրադրությունը սահմանագծում
Նոյեմբերի 12-ից 18-ն ընկած ժամանակահատվածում արցախա-ադրբեջանական հակամարտ զորքերի շփման գծում հարաբերական հանգիստ է:
12:38
16 Նոյեմբերի 2017
Բակո Սահակյանը կիսում է զինվորի առօրյան մարտական դիրքում (ՖՈՏՈ)
Արցախի նախագահ Բակո Սահակյանը կիսել է զինվորի առօրյան մարտական դիրքում` հանգիստ ծխելով շարքային զինվորների հետ։
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը: