486.74
+0.05
517.99
+0.2
8.43
-0.08
-12
Եղանակը Երևանում
Հայ
Ղարաբաղյան հակամարտության գոտի խաղաղապահներ մտցնելու մասին խոսակցությունները վաղաժամ են. Բաբայան
19:22
14 Հունիսի 2011

ՍՏԵՓԱՆԱԿԵՐՏ, 14 հունիսի.  /Նովոստի-Արմենիա/. ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը կարծում է, որ ղարաբաղյան հակամարտության գոտում  խաղաղարար ուժերի մասին խոսելը վաղաժամ է։

ԵԱՀԿ ՄԽ համանախագահ երկրների ղեկավարների դովիլյան հայտարարությունից հետո Ադրբեջանի կողմից ավելի հաճախակի են դարձել հայտարարություններն այն մասին, որ ղարաբաղյան հակամարտության գոտում շուտով միջազգային խաղաղապահ ուժեր կմտցվեն։

«Սա քաղաքական շահարկում է, և որևէ լուրջ հիմք չունի»,- նախօրեին հայտարարել է Բաբայանը ԼՂՀ Հանրային հեռուստաընկերության եթերում։

Ըստ նրա՝ եթե խոսքը խաղաղապահների մասին է, ապա այդ գաղափարն անընդունելի չէ, տարբեր տարածաշրջաններում առկա են խաղաղապահներ։

«Սակայն խաղաղարար ուժեր մտցնելու համար համապատասխան պայմաններ են անհրաժեշտ։ Առաջին հերթին, պետք է լուծվեն բոլոր խնդիրները, Ղարաբաղի և Ադրբեջանի միջև պետք է խաղաղության համաձայնագիր ստորագրվի, Ադրբեջանը պետք է ճանաչի Արցախի անկախությունը, պետք է հստակեցվեն սահմանները և բոլոր հումանիտար, մասնավորապես, փախստականների հետ կապված հարցերը»,- նշեց Բաբայանը։

Նա հայտարարել է, որ դրանից հետո կարելի է խոսել այն մասին, որ երկու նոր պետություններ են ստեղծվում, դրանք պաշտոնապես ճանաչում են միմյանց, և որպես անվտանգության սիմվոլիկ միջոց՝ խաղաղապահներ են մտցվում սահմանի ողջ երկայնքով։

«Մեր դեպքում մեկ նրբություն կա։ Մենք ցույց տվեցինք աշխարհին, որ ընդունակ ենք կայունություն և խաղաղություն ապահովել ադրբեջանաղարաբաղյան հակամարտության գոտում առանց խաղաղարարների միջամտության, այսինքն՝ մեր սեփական ուժերով։ Դա ցույց է տալիս, որ երկու պետություններ կարող են գոյություն ունենալ անկախ միմյանցից և բարձր մակարդակով կայունություն ապահովել»,- ասել է Բաբայանը։

«Այսինքն՝ խաղաղապահներ մտցնելը զուտ տեսական մոտեցում է... Խաղաղապահների տեղակայման փորձը շփման գծի ոչ թե ողջ երկայնքով, այլ Ղարաբաղի տարածքում, նշանակում է, որ Ադրբեջանը փորձում է թուլացնել ԼՂՀ անվտանգության համակարգը և, կարծես, «ռազմականացնել» մեր տարածքը, ինչը նույնպես անընդունելի է»,- նշել է Բաբայանը։

Նա ընդգծել է, որ տարածաշրջանի, այսպես կոչված, «ստատուս-քվոյի» կամ Ղարաբաղի ու Ադրբեջանի միջև ռազմաքաղաքական հավասարակշռության պահպանումն ազդում է ոչ միայն Հայաստանի, Ղարաբաղի և Ադրբեջանի միջև հարաբերությունների վրա, այլ նաև պահպանում է Եվրասիայի հսկայական տարածքի ստատուս քվոն գլոբալ խաղացողների միջև։

«Եթե այստեղ ինչ-որ բան փոխվի, ապա կարող են անկանխատեսելի հետևանքներ լինել Կենտրոնական Ասիայում, Կովկասում, Մերձավոր Արևելքում»,- հավելել է Բաբայանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
10:18
19 Փետրվարի 2017
Հակառակորդը գիշերը շփման գծում արձակել է ավելի քան 300 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն:

15:07
18 Փետրվարի 2017
Արցախի զորամասերից մեկի զինծառայողը մահացու հրազենային վիրավորում է ստացել
Շաբաթ օրն առավոտյան ԼՂՀ ՊԲ զորամասերից մեկում ժամկետային զինծառայող է մահացել:
10:40
18 Փետրվարի 2017
Գիշերը հակառակորդը կիրառել է դիպուկահար հրացաններ և 60 միլիմետրանոց ականանետ
Արևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (3 արկ):
18:01
17 Փետրվարի 2017
ՌԴ ԱԳՆ. ղարաբաղյան կարգավորումը չի կարող կախված լինել Ղարաբաղում հանրաքվեի անցկացումից
Ռուսաստանը չի կարծում, որ ղարաբաղյան հակամարտության խաղաղ կարգավորումը կարող է կախված լինել Ղարաբաղում նախատեսված սահմանադրական հանրաքվեից:
17:04
17 Փետրվարի 2017
«Կոմանդոսը» հրապարակել է ապացույցներ այն մասին, որ Խոջալուի բնակչությունը կարող էր լքել քաղաքը 1992 թ.-ին
Արկադի Տեր-Թադևոսյանը հրապարակել է մի փաստաթուղթ, որն ապացուցում է, որ Խոջալուի բնակիչները իրենց հայտնի արահետներով կարող էին լքել քաղաքը 1992 թ.-ի փետրվարին:
16:02
17 Փետրվարի 2017
Զինծառայող է մահացել Ղարաբաղի զորամասերից մեկում
Ղարաբաղի ՊԲ զինծառայող է մահացել արցախյան զորամասերից մեկում:
10:50
17 Փետրվարի 2017
Ղարաբաղա–ադրբեջանական շփման գծում հրադադարի խախտումների աճ է գրանցվել
Փետրվարի 16-ին և լույս 17-ի գիշերը ղարաբաղա-ադրբեջանական հակամարտ զորքերի շփման գծում արձանագրվել է հրադադարի պահպանման ռեժիմի խախտումների աճ:
10:44
16 Փետրվարի 2017
Իրադրությունն առաջնագծում. հակառակորդը արձակել է շուրջ 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում վստահորեն իրականացնել մարտական հերթապահություն:

17:59
15 Փետրվարի 2017
Ղարաբաղում ռազմական նոր ագրեսիայի հետևանքները Բաքվի համար ավելի ծանր կլինեն. ԱԳ փոխնախարար
Ղարաբաղում Ադրբեջանի ռազմական նոր ագրեսիայի փորձերը Բաքվի համար ավելի ծանր կլինեն:
10:52
15 Փետրվարի 2017
Իրադրությունը շփման գծում. հակառակորդը կիրառել է 60 և 82 միլիմետրանոց ականանետեր
ՊԲ առաջապահ զորամասերը հակառակորդի նախահարձակ գործողությունները ճնշելու համար դիմել են պաատսխան գործողությունների և շարունակել իրականացնել մարտական դիրքերի հուսալի պահպանություն:
10:12
14 Փետրվարի 2017
Իրադրությունը սահմանում համեմատաբար հանգիստ է եղել
Գիշերը իրադրությունը ղարաբաղա-ադրբեջանական հակամարտ զորքերի շփման գծում համեմատաբար հանգիստ է եղել:
12:53
13 Փետրվարի 2017
ԼՂՀ ՊՆ–ն հերքում է ադրբեջանական հերթական ապատեղեկատվությունը
Ադրբեջանը հերթական ապատեղեկատվությունն է տարածել այն մասին, իբր հայկական կողմը ձեռնարկել է դիվերսիոն ներթափանցման փորձ։