481.5
+0.15
565.52
-0.45
8.39
-0.01
+13
Եղանակը Երևանում
Հայ
Ադրբեջանը ղարաբաղյան հակամարտության կարգավորման պատրաստ չէ . Բաբայան
14:44
14 Հունիսի 2011

Ադրբեջանական կողմը պատրաստ չէ ղարաբաղյան հակամարտության կարգավորման, նախօրեին ԼՂՀ հանրային հեռուստատեսության եթերում հայտարարեց Ղարաբաղի նախագահի աշխատակազմի տեղեկատվության գլխավոր վարչության պետ Դավիթ Բաբայանը։

Ըստ նրա, կան օբյեկտիվ պայմաններ և նախապայմաններ, որոնք անմիջականորեն ազդում են բանակցային գործընթացի վրա։

«Ադրբեջանը բազմազգ պետություն է։ Այնտեղ, առնվազն երեք փոքրամասնություն է ապրում՝ լեզգիներ, թալիշներ և ավարներ, ովքեր նույնպես ցանկանում են և ջանում են բարձրացնել իրենց կարգավիճակը»,- նշել է Բաբայանը։

Նա ասել է, որ եթե Ադրբեջանն իրականում ցանկանում է կարգավորել ղարաբաղյան հակամարտությունը, ապա պետք է առաջին հերթին ճանաչի Արցախի ժողովրդի ինքնորոշման փաստը, մի խոսքով, ճանաչի Լեռնային Ղարաբաղի Հանրապետության գոյությունը՝ որպես անկախ պետություն։

«Ադրբեջանի համար դա շատ բարդ է, քանի որ մնացած ազգերը նույնպես կցանկանային անկախանալ։ Եթե Ադրբեջանը Ղարաբաղին ինքնավարություն տա, ինչը հետևաբար անընդունելի է մեզ համար (սակայն դա չի արվի), ապա նման ինքնավարությունն Ադրբեջանը պետք է տա լեզգիներին և թալիշներին»,- ասաց Բաբայանը։

Բաբայանն ընդգծեց, որ այդ արհեստական ադրբեջանական ազգն ինքնուրույն կփլուզվի, քանի որ ադրբեջանական ազգը որպես այդպիսին գոյություն չունի, այլ ինչ-որ տարածք կա, որտեղ տարբեր ազգություններ են բնակվում։

«Այնպես որ Ադրբեջանի համար ղարաբաղյան հակամարտության կարգավորման միայն երկու տարբերակ կա՝ կամ Արցախն առանց հայերի, կամ ներկա իրավիճակի պահպանումը»,- նշեց Բաբայանը։

Նրա խոսքով՝ ադրբեջանաղարաբաղյան հակամարտության կարգավորումն այժմ ընթանում է առաց անմիջական կողմի՝ Լեռնային Ղարաբաղի։

«Այնպես է ստացվել, որ կարևորագույն կողմը չի մասնակցում, սակայն նա պետք է որոշում կայացնի, այնինչ քննարկումներին կամ մշակումներին անգամ չի մասնակցում։ Իրականում տարօրինակ իրավիճակ է ստեղծվում, և միջազգային իրավունքի տեսանկյունից այն չափազանց անթույլատրելի է»,- ընդգծեց Բաբայանը։

Միաժամանակ նա նշեց, որ գոյություն ունեն հիմնարար սկզբունքներ, որոնց համաձայն ինչպես պետությունը, այնպես էլ ժողովուրդը պետք է ինքնուրույն տնօրինեն իրենց ճակատագիրն ու ապագան։ «Սակայն, եթե այդ ամենը տնօրինում է ինչ-որ այլ մեկը, ապա դա գաղութացման դրսևորումներից մեկն է»,- ասաց նա։

Բաբայանը հիշեցրեց, որ 1994թ.-ին  Բուդապեշտում կայացած ԵԱՀԿ գագաթնաժողովի ժամանակ հստակ նշվել է, որ գոյություն ունեն ղարաբաղյան հակամարտության երեք կողմեր, որոնց թվում է Լեռնային Ղարաբաղը։

«Այժմ փաստացիորեն այնպիսի իրավիճակ է ստեղծվում, որ ԵԱՀԿ-ն խախտում է իր որոշումը։ Միջազգային իրավունքի տեսանկյունից դա նաև տարօրինակ է, և նման բան չի կարող լինել։ Այստեղ պատճառը կայանում է Ադրբեջանի ապակառուցողական դիրքորոշման մեջ։ Ներկայում ադրբեջանական կողմը սպառնալիքի միջոցով միջազգային հանրությանն ընտրության առջև է դրել՝ կամ սառեցնել բանակցությունները, կամ շարունակել դրանք աղավաղված ձևաչափում»,- նշեց Բաբայանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց հետևանքով երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել:
16:34
29 Սեպտեմբերի 2017
Սիրիահայ վիրաբույժ Ջանի Հադդադն արժանացել է «Երախտագիտություն» մեդալի Արցախի նախագահի կողմից
Ջանի Հադդադը Արցախում կատարել է 350-ից ավել վիրահատություն:
19:40
28 Սեպտեմբերի 2017
ՊԲ զինվոր է մահացել հակառակորդի գնդակից
Այսօր ՊԲ զինծառայող է զոհվել հակառակորդի գնդակից:
11:01
25 Սեպտեմբերի 2017
Մասիս Մայիլյանը նշանակվել է Արցախի ԱԳ նախարար
Արցախի նախագահ Բակո Սահակյանը սեպտեմբերի 25–ին ստորագրել է մի շարք հրամանագրեր:
20:48
22 Սեպտեմբերի 2017
Թուրքիայից Արցախ են ժամանել մի խումբ մտավորականներ. նրանց ընդունել է ԱԳ նախարարը
Թուրքիայից Արցախ ժամանած մտավորականներին ընդունել է ԱՀ արտաքին գործերի նախարար Կարեն Միրզոյանը։
10:52
20 Սեպտեմբերի 2017
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար. ՀՀ նախագահ
Ադրբեջանը չունի իրավական և բարոյական որևէ հիմք Արցախի հանդեպ հավակնություն ներկայացնելու համար, հայտարարել է ՀՀ նախագահ Սերժ Սարգսյանը։
15:11
19 Սեպտեմբերի 2017
Վարչապետ. Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը
Հայաստանն ամեն վայրկյան պատրաստ է պատասխանել Արցախի նկատմամբ ցանկացած ոտնձգությանը: