481.93
+0.2
569.16
+0.19
8.37
-0.02
+9
Եղանակը Երևանում
Հայ
Ղարաբաղում դեռ կա պատերազմի սպառնալիք, որի հետևանքները երկու երկրի համար էլ սարսափելի կլինեն. ֆրանսիացի փորձագետ
12:05
22 Ապրիլի 2011

Ղարաբաղում դեռ պատերազմի սպառնալիք կա, որի հետևանքները սարսափելի կլինեն երկու երկրի համար, կարծում է Հարավային Կովկասի և անվտանգության խնդիրների փորձագետ, «Մոնդ» թերթի վերլուծաբան Գայց Մինասյանը:

«Իհարկե, պատերազմի սպառնալիք դեռ կա: Խաղաղությունն ապահովվում է հրադադարի ռեժիմի շնորհիվ, որը խախտվում է ամեն օր»,- «Ռեգիոն» հետազոտական կենտրոնի կողմից և Մեծ Բրիտանիայի դեսպանատան աջակցությամբ իրականացվող «Հայաստանի ԶԼՄ-ներում ՆԱՏՕ-ի մասին տեղեկության բազմազանության և ընդլայնման համար» նախագծի շրջանակներում «Նովոստի-Արմենիա» գործակալությանը տված առցանց հարցազրույցում ասաց Մինասյանը:

Նա նշեց, որ երկու երկրի համար էլ պատերազմի հետևանքները սարսափելի կլինեն: «Մենք գիտենք, որ պատերազմը հեշտ է սկսել, սակայն դժվար է այն դադարեցնելը»,- ասաց Մինասյանը:

Ըստ նրա, տվյալ պահին Բաքուն օգտագործում է պատերազմի սպառնալիքը, որպեսզի «թաթերը երկարացնի» դիվանագիտական ճակատում:

Փորձագետը նաև կարծում է, որ Արևմուտքը սառը արձագանք է տալիս ռազմատենչ հայտարարություններին, քանի որ չի ցանկանում բանակցությունների տվյալ փուլում հրապարակորեն բացահայտել, թե կողմերից որ մեկն է պատասխանատու այդ հայտարարությունների համար՝ անգամ հաշվի առնելով այն, ինչ բոլորին է հայտնի:
«Նման ռազմատենչ հայտարարությունները դուր չեն գալիս միջնորդներին: Մի կողմից ճնշում են գործադրում Երևանի վրա՝ ասելով, որ զիջումներ են անհրաժեշտ՝ հաշվի առնելով Բաքվի սպառնալիքները, մյուս կողմից ճնշում են գործադրում Բաքվի վրա՝ պահանջելով դադարեցնել սպառնալիքները, քանի որ դա բարկացնում է Երևանին»,- նշեց փորձագետը:

Մինասյանը կարծում է, որ երկու դեպքում էլ բանակցողները գիտեն, որ այս կոնկրետ պահին հեշտ է ազդել պաշտպանվող կողմի՝ Հայաստանի վրա, քանի թե փորձել ազդել ագրեսիվ դիրքորոշում ունեցող Ադրբեջանի վրա:
Փորձագետը նշեց, որ այսօր դժվար է խոսել խնդրի օպտիմալ լուծման մասին: «Կարծում եմ, որ մենք պետք է հակամարտության լուծման գործում ներգրավենք քաղաքացիական հասարակությանը և ստեղծենք առավել ժողովրդավարական պետություն: Ոչ հայկական, ոչ էլ ադրբեջանական ազգայնականությունը չի գործի» Դա կտա թվացյալ անվտանգություն, սակայն, անկասկած, ոչ խաղաղություն»,- նշեց Մինասյանը:

Նա ընդգծեց նաև հակամարտություն ակունքները հաշվի առնելու անհրաժեշտությունը, մասնավորապես Հայաստանի հետ Ղարաբաղի վերամիավորման  որոշումը: Մասնավորապես նա հիշեցրեց ղարաբաղյան կողմի այն հայտարարությունը, որ Ղարաբաղի անկախությունը (վերամիավորման փոխարեն) զիջում է հանդիսանում Ադրբեջանին:

«Տվյալ համատեքստը բարենպաստ է դիվանագիտական հարձակման համար, սակայն Երևանը դա չի օգտագործում: Երևանը խոսում է այնպես, կարծես մեղավոր է տեղի ունեցող իրադարձություների համար: Այնուհանդերձ, դիվանագիտությունը առանց զենքի կիրառության ուժերի հավասարակշռություն պահպանելու ավեստ է: Հայերն են դրության տերը, ոչ թե Ադրբեջանը: Հայաստանի համար իրավավիճակը շահեկան է Կոսովոյի և Հարավային Սուդանի անկախությունների, Կոսովոյի անկախության վերաբերյալ Հաագայի հայտարարության առումով... և, այնուամենայնիվ, ոչինչ չի արվում: Մի սպասեք, որ ամերիկացիները կամ ֆրանսիացիները գործեն հայերի փոխարեն»,- ասաց Մինասյանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
13:52
20 Հոկտեմբերի 2017
Փորձագետ. Ղարաբաղի հարցում Ադրբեջանն անհաշտելի դիրք է զբաղեցնում
Նախկինում ձեռք բերված պայմանավորվածությունները չեն կատարվում, և «հայտնի է` ում կողմից»։
20:48
19 Հոկտեմբերի 2017
Նալբանդյան. Բաքվի հետ Ժնևից հետո Արցախի հարցը չբարձրացնելու պայմանավորվածություն չի եղել
Հայաստանի ԱԳՆ ղեկավար Էդվարդ Նալբանդյանը հերքել է Բաքվի` Ժնևի գագաթնաժողովում Արցախի թեման չբարձրաձայնելու մասին իբր գոյություն ունեցող «պայմանավորվածությունների» հայտարարությունները։  
19:43
19 Հոկտեմբերի 2017
Արցախում զինծառայող է զոհվել հակառակորդի գնդակից
Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  
20:19
16 Հոկտեմբերի 2017
Բանակցություններում իրական առաջընթացի համար անհրաժեշտ է Արցախի անմիջական մասնակցությունը. ԱՀ ԱԳՆ
Արցախի ԱԳՆ–ն հանդես է եկել հայտարարությամբ Ժնևում այսօր կայացած Սարգսյան–Ալիև բանակցությունների համատեքստում։
18:53
16 Հոկտեմբերի 2017
ՀՀ նախագահ. մեզ համար միակ լուծումն այն է, որ Ղարաբաղը լինի Ադրբեջանից դուրս
«Մեզ համար միակ լուծումն այն է, որ Ղարաբաղը լինի Ադրբեջանից դուրս», – հայտարարել է ՀՀ նախագահը
18:31
06 Հոկտեմբերի 2017
ՀՀ նախագահը ՄԽ համանախագահների հետ քննարկել է Ալիևի հետ հերթական հանդիպմանը վերաբերող հարցեր
ՀՀ նախագահն այսօր ընդունել է Մինսկի խմբի համանախագահներին։
16:41
02 Հոկտեմբերի 2017
ԵԱՀԿ ՄԽ ամերիկացի համանախագահն առաջին անգամ կայցելի Երևան և Բաքու
ԵԱՀԿ ՄԽ իամերիկացի համանախագահ Էնդրյու Շեֆերը կկատարի իր առաջին պաշտոնական այցը Երևան և Բաքու։
21:04
29 Սեպտեմբերի 2017
100 մլն դոլարի ներդրում՝ Արցախի Մարտակերտի և Շահումյանի շրջաններում
Արցախի Մարտակերտի և Շահումյանի շրջաններում նախատեսվում է 100 մլն դոլարի ներդրում կատարել:
16:34
29 Սեպտեմբերի 2017
Սիրիահայ վիրաբույժ Ջանի Հադդադն արժանացել է «Երախտագիտություն» մեդալի Արցախի նախագահի կողմից
Ջանի Հադդադը Արցախում կատարել է 350-ից ավել վիրահատություն:
19:40
28 Սեպտեմբերի 2017
ՊԲ զինվոր է մահացել հակառակորդի գնդակից
Այսօր ՊԲ զինծառայող է զոհվել հակառակորդի գնդակից:
11:01
25 Սեպտեմբերի 2017
Մասիս Մայիլյանը նշանակվել է Արցախի ԱԳ նախարար
Արցախի նախագահ Բակո Սահակյանը սեպտեմբերի 25–ին ստորագրել է մի շարք հրամանագրեր: