478.51
-0.06
560.91
-1.27
8.03
+0.05
+19
Եղանակը Երևանում
Հայ
ԼՂՀ ավիացիոն իշխանություններն անհեթեթ են անվանել Ադրբեջանի քաղաքացիական ավիացիայի ղեկավարի հայտարարությունը
14:04
12 Ապրիլի 2011

ՍՏԵՓԱՆԱԿԵՐՏ, 12 ապրիլի. /Նովոստի-Արմենիա/. ԼՂՀ կառավարությանն առընթեր Քաղավիացիայի վարչության պետ Դմիտրի Ատբաշյանն անհեթեթ է անվանել Ադրբեջանի քաղաքացիական ավիացիայի ղեկավարի հայտարարությունը՝ Ստեփանակերտի օդանավակայանում թռիչք և վայրէջք կատարող ինքնաթիռների տապալման սպառնալիքը:

Ադրբեջանական ԶԼՄ-ների տեղեկությունների համաձայն՝ Ադրբեջանի պետական քաղաքացիական ավիացիայի ադմինիստրացիայի ղեկավար Արիֆ Մամեդովը մարտի 16-ին լրագրողներին հայտարարել է, որ Ադրբեջանը կարող է հրթիռակոծել ինքնաթիռները, որոնք վայրէջք կկատարեն Ստեփանակերտում կառուցվող օդանավակայանում: Ղարաբաղի ավիացիոն իշխանությունները ոչ քաղաքակիրթ են համարում Ադրբեջանի սպառնալիքները: Իսկ ՀՀ քաղաքացիական ավիացիայի գլխավոր վարչությունը  (ՔԱԳՎ) մտադիր է այդ հարցով դիմել Քաղաքացիական ավիացիայի միջազգային կազմակերպություն (ICAO)։

«Քաղաքացիական ինքնաթիռների տապալման սպառնալիքները պարզապես անհեթեթություն են, որը կարելի էր լսել ծայրահեղականի կամ ահաբեկչի շուրթերից, բայց ոչ քաղաքացիական ավիացիայի ղեկավարից»,- «Նովոստի-Արմենիա» գործակալությանը տված հարցազրույցում հայտնեց Ատբաշյանը:

Նա կարծում է, որ ծայրահեղ դեպքում նման հայտարարություն կարող էր անել ՀՕՊ-ի հրամանատարը, պաշտպանության նախարարը, ՌՕՈՒ-ի հրամանատարը, բայց ոչ քաղաքացիական ավիացիայի ղեկավարը: 
 
Ըստ Ատբաշյանի, երբ քաղաքացիական ավիացիայի ղեկավարը սպառնում է տապալել այլ երկրների քաղաքացիական օդանավերը, ապա դա պարզապես հիմարություն է նրա կողմից:

«Այսպիսով, նա հրաժարվում է իր երկրի կողմից ստորագրած կոնվենցիայից և դա, օրինակ, մեզ իրավունք է տալիս պահանջել ԻԿԱՕ-ից Ադրբեջանին բացառելը: Կարծում եմ, որ ԻԿԱՕ-ի բոլոր մնացած անդամները զերծ են մնում քաղաքացիական օդանավերի որևէ սպառնալիքներից»,- նշեց Ատբաշյանը:

Վարչության ղեկավարը կարծում է, որ Ադրբեջանը միառժամանակ խորհելուց հետո, հնարավոր է, հաշվի է առել համաշխարհային ավիացիոն հանրության արձագանքը, ինչպես նաև ՀՀ նախագահ Սերժ Սարգսյանի վերջին հայտարարությունը, թե նա պատրաստվում է նոր չվերթի առաջին ուղևորը դառնալ:

Ըստ նրա, պատահական չէ, որ հատկապես ՀՀ նախագահի հայտարությունից հետո (սպառնալիքները սքողելով) ելույթ ունեցավ Ադրբեջանի ԱԳՆ մամուլի քարտուղար Էլհան Պոլուխովը: Ամեն դեպքում, ըստ նրա, Ադրբեջանի պաշտոնական իշխանությունները մինչ այսօր չեն հայտարարել օդանավերը տապալելու մտադրությունից հրաժարվելու մասին:

Ատբաշյանը հիշեցրեց, որ ԻԿԱՕ-ի գործող օրենքների համաձայն անթույլատրելի են այն ցանկացած գործողությունները, որոնք սպառնում են քաղաքացիական օդանավերի թռիչքների անվտանգությանը:

Ստեփանակերտի նոր օդանավակայանը, որի բացման օրը դեռ հայտնի չէ, կկարողանա սպասարկել ժամում 100 ուղևորի, իսկ ուղևորափոխադրումները կիրականացվեն «Էյր Արցախ» ավիաընկերության կողմից՝ 50 տեղանոց երեք CRJ-200 ինքնաթիռների միջոցով:

Առաջնային փուլում չվերթերը կիրականացվեն օրը մեջ, իսկ հետագայում պարբերաբար կփոխվի նաև չվերթերի հաճախականությունը՝ կախված պահանջարկից:

Ինչպես ավելի վաղ «Նովոստի-Արմենիա» հայտնել էր ԼՂՀ վարչապետ Արա Հարությունյանը, սկզբում օդանավակայանից կիրականացվեն Ստեփանակերտ-Երևան-Ստեփանակերտ չվերթերը, բայց օդանավակայանը կառուցվում է նաև դեպի այլ ուղղություններ չվերթեր իրականացնելու հեռանկարով: -0

Loading...
Թեմատիկ նյութեր
Բաժնի այլ նյութեր
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։
10:40
17 Հուլիսի 2017
Հայաստանը կկիրառի «Իսկանդերներն» անհրաժեշտության պարագայում. ՀՀ նախագահ
Հայաստանը կկիրառի «Իսկանդերներն» անհրաժեշտության պարագայում, հայտարարել է ՀՀ նախագահ Սերժ Սարգսյանը։