478.2
-0.31
559.83
-1.08
8.05
+0.02
+27
Եղանակը Երևանում
Հայ
Ֆրանսիայի ԱԳՆ ղեկավարը ժողովուրդների ինքնորոշման իրավունքը հիմնարար սկզբունք է համարել
17:01
10 Մարտի 2011

Ֆրանսիայի արտգործնախարար Ալեն Ժյուպեն ժողովուրդների ինքնորոշման իրավունքը հիմնարար սկզբունք է համարել՝  երկրի խորհրդարանում պատասխանելով Ղարաբաղյան գործընթացին վերաբերող հարցին, հաղորդում է «Ազատություն» ռադիոկայանը:

Հարցը Ֆրանսիա - Հայաստան բարեկամության խմբի անդամների անունից նախարարին է ուղղել պատգամավոր Ֆրանսուա Ռոշբլուանը` հետաքրքրվելով, մասնավորապես, թե ինչ նախաձեռնություններով է հանդես գալիս պաշտոնական Փարիզը` որպես ԵԱՀԿ-ի Մինսկի խմբի համանախագահ, Ղարաբաղյան կարգավորման գործընթացում, մասնավորապես` Լեռնային Ղարաբաղի կարգավիճակի որոշման հարցում: Այդ կարգավիճակը, հայամետ խորհրդարանականի համոզմամբ, պետք է հիմնված լինի ժողովուրդների ինքնորոշման իրավունքի սկզբունքի վրա:

Ռոշբլուանը հիշեցրել է, որ Ղարաբաղը իր բնակչության կամքին հակառակ Ադրբեջանի կազմում է հայտնվել Խորհրդային Միության կոմկուսի որոշմամբ և «Խորհրդային Միության փլուզումից հետո վերանվաճել է իր ազատությունը մեծ տառապանքների գնով»:

Այդուհանդերձ, ընդգծել է ֆրանսիացի խորհրդարանականը, Մինսկի խումբը մերժում է կարգավորման բանակցություններին մասնակցելու` Ղարաբաղի իշխանությունների իրավունքը:

Ֆրանսուա Ռոշբլուանը նշել է, որ նախօրեին ֆրանսիական խորհրդարան էր այցելելԼեռնային Ղարաբաղի նախագահ Բակո Սահակյանը` փոխանցելու իր ակնկալիքները Ֆրանսիայից` Ղարաբաղյան հակամարտության խաղաղ կարգավորման հարցում: Ֆրանսիացի խորհրդարանականը ընդգծել է նաև, որ «պատերազմի վտանգները իրական են», և շփման գծում հրադադարի ռեժիմը պարբերաբար խախտվում է:

Ի պատասխան` Ալեն Ժյուպեն, ով Ֆրանսիայի արտաքին քաղաքական գերատեսչության ղեկավարությունը ստանձնել է շուրջ տասն օր առաջ, հավաստիացրել է, որ Ֆրանսիան հետևողական է Լեռնային Ղարաբաղի հակամարտության խաղաղ և բանակցությունների ճանապարհով կարգավորմանը հասնելու իր ջանքերում, հակամարտություն, որը չկարգավորված է մնում հրադադարի հաստատումից ի վեր անցած շուրջ մեկևկես տասնամյակի ընթացքում:

Ֆրանսիայի արտգործնախարարը հիշեցրել է, որ երկրի նախագահը և նրա ամերիկացի ու ռուսաստանցի գործընկերները Մեծ ութնյակի Մուսկոկի և Լ'Աքվիլայի գագաթնաժողովների շրջանակներում մատնանշել են այն բազային սկզբունքները, որոնց վրա պետք է հիմնված լինի Ղարաբաղյան հակամարտության կարգավորումը:

Նա նշել է, որ Հայաստանի և Ադրբեջանի նախագահները այդ սկզբունքների շուրջ բանակցելու իրենց պատրաստակամության մասին հայտարարել են ԵԱՀԿ-ի Աստանայաի գագաթնաժողովի, ինչպես նաև դրան նախորդած աստրախանյան հանդիպման ժամանակ:

Ժյուպեն նաև կառուցողական է համարել նախագահների` անցած շաբաթ օրը Սոչիում կայացած հանդիպումը` «Մինսկի խմբի համանախագահների կողմից պատրաստված խաղաղ կարգավորման բազային սկզբունքները ընդունելու համար»:

«Եվ, անշուշտ, մեզ համար ժողովուրդների ինքնորոշման իրավունքը հակամարտության ցանկացած կարգավորման հիմնարար սկզբունքն է»,- ասել է նախարարը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։
10:40
17 Հուլիսի 2017
Հայաստանը կկիրառի «Իսկանդերներն» անհրաժեշտության պարագայում. ՀՀ նախագահ
Հայաստանը կկիրառի «Իսկանդերներն» անհրաժեշտության պարագայում, հայտարարել է ՀՀ նախագահ Սերժ Սարգսյանը։