478.57
+0.37
561.79
+1.96
8.05
+0.02
+21
Եղանակը Երևանում
Հայ
Լեռնային Ղարաբաղը վաստակել է միջազգային հանրության լիիրավ անդամ լինելու իրավունքը. ԼՂՀ նախագահ
11:42
09 Մարտի 2011

Լեռնային Ղարաբաղի Հանրապետությունը վաստակել է միջազգային հանրության լիիրավ անդամ լինելու իրավունքը և քաղաքական, և իրավական, և բարոյական տեսանկյուններից, նախօրեին Փարիզում Միջազգային հարաբերությունների և ռազմավարական ծրագրերի Ֆրանսիական ինստիտուտում կազմակերպված «1994 թ. զինադադարից 17 տարի անց. ո՞ւր է հասել Լեռնային Ղարաբաղն այսօր» կոնֆերանսում ելույթի ժամանակ նշել է ԼՂՀ նախագահ Բակո Սահակյանը, հաղորդում է ԼՂՀ ղեկավարի մամուլի ծառայությունը։

«Արցախի Հանրապետության գոյության երկու տասնամյակի ընթացքում մեզ հաջողվել է կառուցել ժողովրդավարական, կայուն զարգացող և ոչ մեկին վտանգ չներկայացնող երկիր: Իսկ նման երկիրը չի կարող չճանաչվել»,- ասել է նա։
 
Ղարաբաղի նախագահը նշել է, որ թեպետ այս գործընթացը սերտորեն փոխկապակցված է ղարաբաղյան հիմնախնդրի կարգավորման հետ, դրանք տարբեր գործընթացներ են:

Ըստ Բակո Սահակյանի` կարելի է մտածել, որ ԼՂՀ-ն կհասնի իր միջազգային ճանաչմանը հակամարտության կարգավորումից հետո: Բայց նույն հաջողությամբ կարելի է ասել, որ հակամարտությունը կկարգավորվի Արցախի միջազգային ճանաչումից հետո:

ԼՂՀ նախագահը նշել է, որ վերջին 2-3 տարիների փորձը ցույց է տալիս, որ համանման հակամարտությունների կարգավորումն ընթանում է հենց այս տարբերակով, որի վառ օրինակն են Կոսովոն, Աբխազիան, Հարավային Օսիան և Հարավային Սուդանը:

Երկրի ղեկավարն անդրադարձել է արցախյան հիմնախնդրի նախապատմությանը, ադրբեջանա-ղարաբաղյան հակամարտության կարգավորմանը, Արցախում պետականաշինության գործընթացին, ինչպես նաև շոշափել է ԼՂՀ միջազգային ճանաչման և նրա արտաքին քաղաքականությանը վերաբերող հարցեր:

Խոսելով հիմնախնդրի նախապատմության մասին` Բակո Սահակյանը նշել է, որ Արցախը պատմական Հայաստանի նահանգներից մեկն էր և միշտ կարևոր դերակատարություն է ունեցել հայ ժողովրդի պատմության մեջ` հանդիսանալով հայոց անկախ պետականության վերջին բեկորը և ազգային-ազատագրական պայքարի էպիկենտրոնը:

Նախագահը ղարաբաղյան հիմնախնդրի ծագման սկիզբը համարել է 1918 թվականը, երբ Օսմանյան Թուրքիայի անմիջական միջամտությամբ Անդրկովկասում ստեղծվում է Ադրբեջան անունով պետություն, որը մինչ այդ պատմության մեջ երբեք գոյություն չի ունեցել և կազմավորման առաջին իսկ պահից սկսել է տարածքային պահանջներ ներկայացնել բոլոր հարևան երկրներին` Օսմանյան կայսրության հետ ցամաքային սահման ունենալու և պանթուրքական տիրություն ստեղծելու նպատակով:

Նախագահ Սահակյանն ընդգծել է, որ բոլշևիկյան կուսակցության Կովկասյան բյուրոյի կողմից Արցախը Խորհրդային Ադրբեջանին բռնակցելու քայլն ուղղված է եղել Արևելքում բոլշևիզմի տարածմանը:

Անդրադառնալով ադրբեջանա-ղարաբաղյան հակամարտության կարգավորմանը` Բակո Սահակյանն ընդգծել է, որ պաշտոնական Ստեփանակերտը կողմնակից է Ադրբեջանի հետ բոլոր հարցերը բացառապես խաղաղ ճանապարհով և անմիջական երկխոսության միջոցով լուծմանը՝ միաժամանակ նշելով, որ դա ամենևին էլ չի նշանակում, թե Արցախը պատրաստ չէ և հաստատակամ՝ հարկ եղած դեպքում պաշտպանել իր անկախությունն ու անվտանգությունը:

Երկրի ղեկավարը շեշտել է, որ խոսք անգամ լինել չի կարող Արցախի անկախության և նրա անվտանգության չնչին իսկ թուլացման մասին, որոնք հանրապետության ժողովրդի համար բացառիկ արժեքներ են և ենթակա չեն սակարկության: Բանակցային գործընթացի ամենամեծ խոչընդոտը նախագահը համարել է Ադրբեջանի ոչ կառուցողական դիրքորոշումը և այնտեղ պետական ամենաբարձր մակարդակով տարվող ծայրահեղական ու ռազմատենչ հակահայկական քաղաքականությունը: Նախագահ Սահակյանն ընդգծել է, որ բանակցություններին անհրաժեշտ է մոտենալ` գիտակցելով անցյալին վերադառնալու անհնարինությունը և նախապայմանների վրա հիմնված մոտեցումների անհեռանկարային լինելը:

Երկրի ղեկավարն անդրադարձել է արցախյան հիմնախնդրի նախապատմությանը, ադրբեջանա-ղարաբաղյան հակամարտության կարգավորմանը, Արցախում պետականաշինության գործընթացին, ինչպես նաև շոշափել է ԼՂՀ միջազգային ճանաչման և նրա արտաքին քաղաքականությանը վերաբերող հարցեր:

Բակո Սահակյանի խոսքով` ղարաբաղցի ժողովրդի կամքը, նրա մտավոր ներուժը, լավատեսությունն ու աշխատասիրությունը, երկրի անվտանգության հիմնական երաշխավորը հանդիսացող հզոր ու մարտունակ բանակը, ինչպես նաև Հայաստանի Հանրապետության և Սփյուռքի մշտական աջակցությունը հանդիսանում են ԼՂՀ բոլոր ձեռքբերումների հիմքը:

Ելույթից հետո Բակո Սահակյանը պատասխանել է ներկաների հարցերին:

Միջոցառմանը ներկա են եղել Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, Ֆրանսիայում Հայաստանի Հանրապետության արտակարգ և լիազոր դեսպան Վիգեն Չիթեչյանը, ԼՂՀ մշակույթի և երիտասարդության հարցերի նախարար Նարինե Աղաբալյանը, Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը, Ֆրանսիայում ԼՂՀ մշտական ներկայացուցիչ Հովհաննես Գևորգյանը, պաշտոնատար այլ անձինք: -0-

Loading...
Թեմատիկ նյութեր
Բաժնի այլ նյութեր
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։
10:40
17 Հուլիսի 2017
Հայաստանը կկիրառի «Իսկանդերներն» անհրաժեշտության պարագայում. ՀՀ նախագահ
Հայաստանը կկիրառի «Իսկանդերներն» անհրաժեշտության պարագայում, հայտարարել է ՀՀ նախագահ Սերժ Սարգսյանը։