484.51
-0.37
518.72
-3.16
8.61
-0.05
+12
Եղանակը Երևանում
Հայ
Ղարաբաղյան հակամարտության կարգավորման բանակցություններն իրականացվում են ոչ լիարժեք ձևաչափով. ԼՂՀ ԱԺ փոխխոսնակ
12:05
25 Փետրվարի 2011

Ղարաբաղյան հակամարտության կարգավորման բանակցային գործընթացն իրականացվում է ոչ լիարժեք ձևաչափով, նախօրեին Ստեփանակերտում լրագրողներին հայտարարել է ԼՂՀ ԱԺ փոխխոսնակ, «Հայրենիք» կուսակցության խորհրդարանական խմբակցության անդամ Արթուր Թովմասյանը:

Նրա խոսքերով՝ ԼՂՀ իշխանությունները ևս պետք է մասնակցեն ԵԱՀԿ ՄԽ-ի հովանու ներքո անցկացվող բանակցություններին:

«ԼՂՀ նախագահի հետ հանդիպման ժամանակ մեր խմբակցությունն առաջարկել է, որպեսզի բանակցային գործընթացով զբաղվի գործադիր իշխանությունը՝ ԼՂՀ նախագահի գլխավորությամբ, իսկ հանրապետության ճանաչման գործընթացով՝ պատգամավորներն ու կուսակցությունները», - նշել է Թովմասյանը:

ԼՂՀ ԱԺ փոխխոսնակը տեղեկացրել է, որ ԼՂՀ նախագահ Բակո Սահակյանի և «Հայրենիք» խորհրդարանական խմբակցության անդամների հետ նախօրեին կայացած հանդիպման ընթացքում ԼՂՀ նախագահը հանդես է եկել 11 կետից բաղկացած ելույթով և իր կարծիքն է ներկայացրել պետության ներքին և արտաքին քաղաքականության վերաբերյալ:

«Մեր խմբակցության անդամները ևս հանդես են եկել մի շարք առաջարկներով, այս կապակցությամբ լսել են նախագահի կարծիքներն ու նկատառումները: Մասնավորապես, քննարկվել է ԼՂՀ հռչակման 20-ամյակին նվիրված միջոցառման անցկացման և անկախ Արցախում առաջին խորհրդարանական ընտրությունների անցկացման հարցը», - նշել է Թովմասյանը:

Խոսելով օրենսդրական գործունեությանը վերաբերող «Հայրենիք» խմբակցության առաջարկների մասին՝ Թովմասյանը հայտարարել է, որ հարկավոր է իրավաբանական-վերլուծական կենտրոն ստեղծել, որպեսզի օրինագծերը ներկայացվեն խորհրդարանին պատշաճ կերպով՝ հաշվի առնելով նաև Ղարաբաղի առանձնահատկությունները:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
10:32
25 Ապրիլի 2017
Հակառակորդի գնդակից ՊԲ զինծառայող է զոհվել
Հակառակորդի կողմից հրադադարի ռեժիմի խախտման հետևանքով ապրիլի 24-ին ՊԲ զինծառայող է մահացել:
16:01
24 Ապրիլի 2017
The Independent–ի լրագրողը կհայտնվի Ադրբեջանի «սև ցուցակում»
Բաքուն բրիտանական The Independent–ի լրագրողին կներառի «սև ցուցակում»։
10:40
22 Ապրիլի 2017
Գիշերը հակառակորդը կիրառել է հաստոցավոր հակատանկային նռնականետ
Շփման գծի արևելյան ուղղությամբ ադրբեջանական զինուժը կիրառել է նաև հաստոցավոր հակատանկային նռնականետ:
10:43
20 Ապրիլի 2017
Իրադրությունն առաջնագծում. հակառակորդն արձակել է ավելի քան 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:55
19 Ապրիլի 2017
Լավ լուծում կլիներ, եթե Լեռնային Ղարաբաղը միացվեր Հայաստանին. Մարին լը Պեն
Ֆրանսիայի նախագահի թեկնածու, «Ազգային ճակատ» ազգայնական կուսակցության առաջնորդ Մարին Լե Պենը Nouvelles d’Arménie–ին տված հարցազրույցում խոսել է արցախյան խնդրի մասին։

10:08
19 Ապրիլի 2017
Գիշերը հակառակորդը կիրառել է նաև ձեռքի հակատանկային նռնականետ
Շփման գծի հյուսիսային ուղղությամբ ադրբեջանական զինուժը կիրառել է նաև ձեռքի հակատանկային նռնականետ:
19:39
18 Ապրիլի 2017
Արցախում 20–ամյա զինծառայող է վիրավորվել. նրա վիճակը ծանր է
Արցախում նախօրեին 20–ամյա զինծառայող է վիրավորվել։
10:26
18 Ապրիլի 2017
Հակառակորդը դիպուկահար հրացաններ է կիրառել շփման գծում
Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը:
11:24
17 Ապրիլի 2017
Իրադրությունն առաջնագծում. հակառակորդը գիշերն արձակել է շուրջ 240 կրակոց
ՊԲ առաջապահ զորամասերը ձեռնպահ են մնացել պատասխան գործողություններից։

10:40
15 Ապրիլի 2017
Ադրբեջանական ԶՈւ-ն հայ դիրքապահների ուղղությամբ արձակել է ավելի քան 400 կրակոց
Հակառակորդը,տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 400 կրակոց
11:18
14 Ապրիլի 2017
Հակառակորդը շփման գծում կիրառել է ականանետ և հակատանկային նռնականետ
Ապրիլի 13-ին և լույս 14-ի գիշերն արցախա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր զինատեսակներից։
10:15
13 Ապրիլի 2017
Արցախում հակառակորդը գիշերը հայ դիրքապահների ուղղությամբ արձակել է շուրջ 300 կրակոց
Ապրիլի 12-ին և լույս 13-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է ավելի քան 25 անգամ