484.68
+0.06
530.14
+2.1
8.5
-0.03
+11
Եղանակը Երևանում
Հայ
ԵԽԽՎ Ղարաբաղի հարցով ենթահանձնաժողովի վերստեղծմանը համաձայնությունը փոխզիջումային քայլ էր. ղարաբաղցի քաղաքագետ
12:46
31 Հունվարի 2011

ԵԽԽՎ Լեռնային Ղարաբաղի հարցով ենթահանձնաժողովի վերստեղծմանը համաձայնությունը փոխզիջումային քայլ էր, Լեռնային Ղարաբաղի Հանրապետության Հանրային հեռուստաընկերությանը տված հարցազրույցում հայտարարել է ղարաբաղցի քաղաքագետ Դավիթ Բաբայանը:

Նախորդ ուրբաթ ԵԽԽՎ բյուրոյի նիստի ժամանակ իսպանացի պատգամավոր Խորդի Խուկլա ի Կոստան ընտրվել է հանձնաժողովի նոր նախագահի պաշտոնում: Փաստորեն ենթահանձնաժողովը երկարատև դադարից հետո կարող է վերսկսել իր գործունեությունը: Հանձնաժողովի գործունեության վերսկսմանը դեմ են հայազգի պատգամավորները:

Բաբայանի խոսքերով՝ ենթահանձնաժողովի գործունեության վերսկսումը եվրոպացիներին դրել է երկակի և ինչ-որ տեղ դժվար իրավիճակի առաջ:

«Մի կողմում Թուրքիան է, որը ենթահանձնաժողովի վերստեղծման նախաձեռնողն է, որի հետ արևմուտքի հարաբերությունները բարդ են, մյուս կողմում Հայաստանն է: Իսկ Եվրոպան չի ցանկանում վատացնել իր հարաբերությունները կովկասյան երկրների հետ», - նշել է Բաբայանը:

Նա հայտարարել է, որ Թուրքիային մերժելը կնշանակեր նրան տրամադրել հաղթաքարտ՝ սեփական քաղաքականությունը շարունակելու համար:

«Եվրոպացիները հետաքրքրիր տարբերակ ընտրեցին՝ շատ լավ գիտակցելով, որ ենթահանձնաժողովի գործունեությունը չի ազդի ադրբեջանա-ղարաբաղյան հակամարտության կարգավորման գործընթացի վրա: Այս ենթահանձնաժողովը Թուրքիայի և Ադրբեջանի համար հերթական հարթակը կդառնա լիցքաթափվելու համար: Լիցքաթափում տեղի կունենա միայն տեղեկատվական դաշտում և մեզ վրա նվազագույն աշխարհաքաղաքական հետևանքներով», - ասել է Բաբայանը:

«Պաշտոնական Երևանը փորձեց քաղաքակիրթ ձևով խոչընդոտել Ղարաբաղի հարցով ենթահանձնաժողովի վերստեղծմանը, սակայն դա նրան չհաջողվեց, այնպես որ ԵԽԽ-ում հայկական պատվիրակության կողմից ենթահանձնաժողովի գործունեության բոյկոտումը ճիշտ քայլ է: Ապագայում ենթահանձնաժողովի կողմից մշակված ցանկացած փաստաթուղթ թերի կլինի, և չի բացառվում, որ այդ փաստաթղթերի պատրաստման գործընթացը կերկարացվի և դժվար թե այն իրագործվի, քանի որ կբոյկոտվի հայկական պատվիրակության կողմից», - նշել է Բաբայանը:

Նրա խոսքերով՝ ենթահանձնաժողովի վերստեղծումը չի նշանակում, որ Ղարաբաղում չպետք է քայլեր ձեռնարկվեն, ընդհակառակը՝ «մենք պետք է նախաձեռնող լինենք՝ հավասարակշռության պահպանման նպատակով»:

«Ղարաբաղը պետք է կիրառի ինչպես քարոզչական մեթոդներ, այնպես էլ կոնկրետ քայլեր, մասնավորապես՝ Արցախն աշխարհում ավելի ճանաչելի դարձնելու ուղղությամբ: Ղարաբաղում մշակույթի, սպորտի, գիտության և այլ ոլորտների ներկայացուցիչները իրենց ուշադրությունը այդ ենթահանձնաժողովի դեմ պայքարի վրա կենտրոնացնելու կամ որևէ հակաքայլ ձեռնարկելու փոխարեն պետք է ելույթ ունենան եվրոպական տարբեր երկրներում և կառույցներում՝ մեծ ազդեցություն ունենալու և հավասարակշռությունն արդյունավետ կերպով պահպանելու համար», - եզրափակել է Բաբայանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
10:40
29 Ապրիլի 2017
Գիշերը ադրբեջանական զինուժը կիրառել է ականանետ և նռնականետ
Շփման գծի հարավային ուղղությամբ ադրբեջանական զինուժը կիրառել է նաև 60 միլիմետրանոց ականանետ և հաստոցավոր ավտոմատ նռնականետ:
12:10
28 Ապրիլի 2017
Հակառակորդի արձակած կրակից 19–ամյա զինծառայող է մահացել
Այսօր առավոտյան 19–ամյա զինծառայող է մահացել հակառակորդի արձակած կրակից։
11:09
28 Ապրիլի 2017
Հակառակորդը խախտել է հրադադարի ռեժիմն ավելի քան 35 անգամ
Արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից  հրադադարի պահպանման ռեժիմը խախտել է ավելի քան 35 անգամ:
10:05
27 Ապրիլի 2017
Ադրբեջանական ԶՈՒ-ն հայ դիրքապահների ուղղությամբ արձակել է ավելի քան 350 կրակոց
Արցախա-ադրբեջանական հակամարտ զորքերի շփման գծում հակառակորդը հայ դիրքապահների ուղղությամբ արձակել է ավելի քան 350 կրակոց:
10:39
26 Ապրիլի 2017
Իրադրությունն առաջնագծում. հակառակորդը հայ դիրքապահների ուղղությամբ արձակել է ավելի քան 650 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
19:26
25 Ապրիլի 2017
Արցախում 19–ամյա զինծառայող է մահացել
Արցախում 19–ամյա զինծառայող է մահացել։
10:32
25 Ապրիլի 2017
Հակառակորդի գնդակից ՊԲ զինծառայող է զոհվել
Հակառակորդի կողմից հրադադարի ռեժիմի խախտման հետևանքով ապրիլի 24-ին ՊԲ զինծառայող է մահացել:
16:01
24 Ապրիլի 2017
The Independent–ի լրագրողը կհայտնվի Ադրբեջանի «սև ցուցակում»
Բաքուն բրիտանական The Independent–ի լրագրողին կներառի «սև ցուցակում»։
10:40
22 Ապրիլի 2017
Գիշերը հակառակորդը կիրառել է հաստոցավոր հակատանկային նռնականետ
Շփման գծի արևելյան ուղղությամբ ադրբեջանական զինուժը կիրառել է նաև հաստոցավոր հակատանկային նռնականետ:
10:43
20 Ապրիլի 2017
Իրադրությունն առաջնագծում. հակառակորդն արձակել է ավելի քան 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:55
19 Ապրիլի 2017
Լավ լուծում կլիներ, եթե Լեռնային Ղարաբաղը միացվեր Հայաստանին. Մարին լը Պեն
Ֆրանսիայի նախագահի թեկնածու, «Ազգային ճակատ» ազգայնական կուսակցության առաջնորդ Մարին Լե Պենը Nouvelles d’Arménie–ին տված հարցազրույցում խոսել է արցախյան խնդրի մասին։

10:08
19 Ապրիլի 2017
Գիշերը հակառակորդը կիրառել է նաև ձեռքի հակատանկային նռնականետ
Շփման գծի հյուսիսային ուղղությամբ ադրբեջանական զինուժը կիրառել է նաև ձեռքի հակատանկային նռնականետ: