487.29
-0.01
568.08
+2.76
8.23
+0.01
+13
Եղանակը Երևանում
Հայ
Ղարաբաղի շուրջ գտնվող ազատագրված տարածքների վերադարձը բացառվում է. ԼՂ Ազգային խորհրդի անդամ
15:08
02 Դեկտեմբերի 2010

Լեռնային Ղարաբաղի շուրջ գտնվող ազատագրված տարածքների վերադարձն ամբողջովին բացառվում է, նախօրեին Լեռնային Ղարաբաղի Հանրային հեռուստաընկերությանը տված հարցազրույցում հայտարարել է ԼՂ Ազգային խորհրդի անդամ Սերգեյ Դավթյանը:

Նրա խոսքով՝ տարածքների հանձնումը կնշանակի, որը զրոյի է հավասարեցվում 20-ամյա պայքարը:

«Ադրբեջանի ղեկավարությունն՝ ի դեմս նախագահ Իլհամ Ալիևի, մշտապես հայտարարում է Լեռնային Ղարաբաղի շուրջ գտնվող տարածքների վերադարձի և այնտեղից հայկական զինված ուժերի դուրսբերման մասին: Հարց է առաջանում՝ ի՞նչ տարածքներ ենք մենք օկուպացրել: Չկան օկուպացված տարածքներ, կան ԼՂՀ Պաշտպանության բանակի կողմից ազատագրված տարածքներ, և կա ղարաբաղյան բանակ, որի հիմնական խնդիրը Ղարաբաղի ժողովրդի անվտանգության ապահովումն է», - նշել է Դավթյանը:

Խոսելով Ղազախստանի մայրաքաղաքում ընթացող ԵԱՀԿ գագաթնաժողովի մասին՝ ԼՂ Ազգային խորհրդի անդամը հայտարարել է, որ այս միջոցառման արդյունքում ղարաբաղյան հակամարտության կարգավորման հարցում որևէ տեղաշարժ կամ նորություն չի ակնկալում:

ԼՂ Ազգային խորհրդի մեկ այլ անդամ, Հայաստանի առաջին Գերագույն խորհրդի նախկին պատգամավոր Ռազմիկ Պետրոսյանն իր հերթին տեղեկացրել է, որ ծանոթացել է Աստանայում ընթացող ԵԱՀԿ գագաթնաժողովի ժամանակ ՌԴ նախագահ Դմիտրի Մեդվեդևի ելույթի հետ:

«ՌԴ նախագահի ելույթը շատ դրական էր, և ելույթում խոսվում էր հակամարտությունները կարգավորելու ընթացքում ուժի չկիրառման և բանակցությունները շարունակելու մասին», - նշել է Պետրոսյանը:

ԼՂ Ազգային խորհրդի անդամը հայտարարել է, որ Ղարաբաղի անկախությունը պետք է առաջին հերթին ճանաչվի Հայաստանի, իսկ հետո արդեն միջազգային հանրության կողմից:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։