478.42
-0.15
561.67
-0.12
8.1
+0.05
+21
Եղանակը Երևանում
Հայ
ԵԱՀԿ ՄԽ համանախագահ երկրների հայտարարությունը կարևոր է. ղարաբաղցի վերլուծաբան
20:00
01 Դեկտեմբերի 2010

ԵԱՀԿ Մինսկի խմբի համանախագահ երկրների ղեկավարների և Հայաստանի ու Ադրբեջանի նախագահների՝ Աստանայում արված հայտարարության առանցքային պահերից մեկը հրադադարի ռեժիմի ամրապնդման աշխատանքի շարունակման և կողմերի միջև վստահության վերաբերյալ պայմանավորվածությունն էր, չորեքշաբթի «Նովոստի-Արմենիա» գործակալությանը հայտնեց ղարաբաղցի վերլուծաբան Դավիթ Ղարաբեկյանը։

Ըստ նրա, Հայաստանի և Ադրբեջանի նախագահները կրկին հաստատել են իրենց պարտավորությունը Լեռնային Ղարաբաղի հակամարտության վերջնական կարգավորմանը ձգտելու վերաբերյալ միջազգային իրավունքի սկզբունքների և նորմերի, Միավորված Ազգերի Կազմակերպության կանոնադրության, Հելսինկիի եզրափակիչ ակտի, ինչպես նաև Մեդվեդևի, Սարկոզիի և Օբամայի՝ 2009 թվականի հուլիսի 10-ին Ակվիլայում, և 2010 թվականի հունիսի 26-ին Մուսկոկում արված հայտարարության հիման վրա։

 «Նշված խնդիրների կատարումը կողմերից քաղաքական հսկայական կամք և նախկին տարիներին խաղաղ կարգավորման ճանապարհին խոչընդոտ դարձած փորձաքարերի հաղթահարում կպահանջի։ Նախևառաջ, դա վերաբերում է կողմերի ուղղակի բանակցություններին Լեռնային Ղարաբաղի լիարժեք մասնակցության վերականգնմանը, ինչպես նաև հրադադարի ռեժիմի ամրապնդման քայլերի մշակման և ձեռնարկման գործում ղարաբաղյան կողմի լիակատար մասնակցությանը»,- ասաց Ղարաբեկյանը։

Ղարաբաղցի վերլուծաբանը հայտնեց նաև, որ հարկ է հիշել, որ միջազգային իրավունքի և հեղինակավոր միջազգային կազմակերպությունների որոշումների նորմերին հակառակ, Ադրբեջանը ոչ միայն շարունակում է ԼՂՀ-ի էներգետիկ և տրանսպորտային շրջափակումը, ռազմական հզորությունն է ավելացնում, սպառազինության նորագույն մոդիֆիկացիաներ է ձեռք բերում և գրեթե կրկնակի ավելացրել է իր ռազմական բյուջեն, բայց նաև պարբերաբար հանդես է գալիս ռազմատենչ հայտարարություններով, և որ հատկանշական է, որ դա տեղի է ունենում նախագահի մակարդակով։

«Խոսքն այնպիսի նորմերի ոտնահարում է, ինչպես բռնության, ուժի կիրառման սպառնալիքի անընդունելի լինելն է, ինչպես նաև ինքնորոշվող ժողովրդի դեմ ուժի կիրառումը։ Փաստորեն, հայտարարության հեղինակների կողմից սկզբունքորեն դրական գնահատական չի տրվել տարածաշրջանի իրավիճակին, այդ թվում, կայունության և անվտանգությանը հնարավոր սպառնալիքների չեզոքացման ուղղությամբ կողմերի գործողություններին։ Այսօր անդորրը պահպանող միակ գործիքը հրադադարի վերաբերյալ պայմանավորվածությունն է, որն ընդունել են հակամարտության կողմերը Բիշքեկում և Մոսկվայում 1994 թվականի մայիսին»,- ասաց Ղարաբեկյանը։

ԵԱՀԿ գագաթնաժողովը Ղազախստանի մայրաքաղաքում դեկտեմբերի 1-2-ը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:47
19 Օգոստոսի 2017
Հակառակորդը շաբաթվա ընթացքում շարունակել է խախտել հրադադարի ռեժիմը
Արցախի պաշտպանության նախարարությունը ներկայացրել է շաբաթվա ընթացքում արցախաադրբեջանական շփման գծում տիրող իրավիճակը:
16:20
14 Օգոստոսի 2017
ՊԲ զինծառայող է զոհվել հակառակորդի գնդակից
Զինծառայող է զոհվել երկուշաբթի առավոտյան Արցախում։
15:42
14 Օգոստոսի 2017
Ադրբեջանն իսրայելական ընկերությունից պահանջել է անօդաչու սարքերը փորձարկել հայկական դիրքերի վրա
Իսրայելի ՊՆ–ն հետաքննություն է սկսել Aeronautics Defense Systems ընկերությանը Ադրբեջանի կողմից ներկայացված դիմումի առնչությամբ
15:30
09 Օգոստոսի 2017
Դիտարկում` Ասկերանի շրջանի Ակնա-Հինդարխ ճանապարհահատվածում
Դիտարկումն անցել է ըստ նախատեսված ժամանակացույցի:  
12:15
31 Հուլիսի 2017
Ադրբեջանի կողմից նոր հարձակման դեպքում մենք հակահարձակման կանցնենք. Արցախի պաշտպանության նախարար (ՎԻԴԵՈ)
«Հակահարձակման ընթացքում մենք  կընդլայնենք և կխորացնենք մեր անվտանգության գոտին»,–ասել է Լևոն Մնացականանը։    
17:47
28 Հուլիսի 2017
Արցախում սկսել են ավելի շատ ամուսնանալ
Արցախում ամուսնացող զույգերի թիվն աճել է։
12:23
28 Հուլիսի 2017
Հակատանկային ականի վրա ավտոմեքենա է պայթել Արցախում
Նախօրեին արտակարգ դեպք է տեղի ունեցել Արցախում։

19:02
26 Հուլիսի 2017
Արցախյան ձիթապտուղն արդեն իրականություն է. երկրում ձիթապտղի պլանտացիաներ կլինեն
Արցախի  Հանրապետության  տարածքում  արդեն   կան     ձիթապտղի   փոքր  այգիներ։
16:19
25 Հուլիսի 2017
Ադրբեջանը հանդես է եկել հերթական ապատեղեկատվությամբ. ԱՀ ՊՆ
Ադրբեջանի ՊՆ–ն քիչ առաջ հերթական ապատեղեկատվությունն է տարածել։

15:14
19 Հուլիսի 2017
Բակո Սահակյանն ընտրվեց Արցախի նախագահ
Արցախի Ազգային ժողովը հատուկ նիստում 28 կողմ ձայնով Բակո Սահակյանին ընտրել է հանրապետության նախագահի պաշտոնում:
21:05
18 Հուլիսի 2017
Ադրբեջանի կողմից օբյեկտիվ իրականության ժխտումը հակամարտության կարգավորման հիմնական խոչընդոտներից է. ԱՀ ԱԳՆ
Հուլիսի 19-ին կայանալիք Արցախի Հանրապետության նախագահի ընտրությունները բուռն արձագանք են ստացել Ադրբեջանում։
15:44
18 Հուլիսի 2017
Արցախի խորհրդարանը պատրաստվում է նախագահ ընտրել
Արցախի խորհրդարանը պատրաստվում է հատուկ նիստում երկրի նախագահ ընտրել։