484.04
+0.53
523.1
+1.64
8.44
+0.03
+13
Եղանակը Երևանում
Հայ
Ստեփանակերտում բացվել է Լրագրողների հինգերորդ համահայկական կոնֆերանսը
13:36
13 Հոկտեմբերի 2010

ՍՏԵՓԱՆԱԿԵՐՏ, 13 հոկտեմբերի. /Նովոստի-Արմենիա/.  Չորեքշաբթի Ստեփանակերտում մեկնարկել է «21-րդ դարի մարտահրավերները. Տեղեկատվական անվտանգություն և հայկական զանգվածային լրատվամիջոցներ» թեմայով ԶԼՄ-ների և լրագրողների հինգերորդ համահայկական կոնֆերանսը: Կոնֆերանսն առաջին անգամ է անցկացվում Ստեփանակերտում:

Ինչպես հաղորդում է «Նովոստի-Արմենիա» գործակալության թղթակիցը Ստեփանակերտից, ՀՀ սփյուռքի նախարար Հրանուշ Հակոբյանը, ելույթ ունենալով միջոցառման բացման ժամանակ, ողջունել է Արցախում՝ «մեր հպարտության վայրում», կոնֆերանսի անցկացման փաստը:

«Կոնֆերանսի ընթացքում դուք ուժ և ազդակ կստանաք, և ձեզ մոտ նոր գաղափարներ և նախաձեռնություններ կառաջանան՝ ձեր ներկայացրած ԶԼՄ-ներում Ղարաբաղը հետագայում քարոզելու համար», - ասել է նա:

Հակոբյանի խոսքերով՝ կոնֆերանսն իր ներկայացուցչական կազմով աննախադեպ է, և «այն անցկացվում է մեր պատմական հայրենիքում»:

«Մենք ապրում ենք 21-րդ դարում, հակասական և մարտահրավերներով լի աշխարհում: Աշխարհն արագ փոփոխվում է, և Հայաստանի ու Արցախի առջև հրատապ մարտահրավերներ են կանգնած», - հայտարարեց Հակոբյանը:

Նա ընդգծեց, որ մարտահրավերները հաղթահարելու համար հարկավոր է մեծ ջանքեր գործադրել՝ ղարաբաղյան հակամարտության քաղաքական լուծմանը հասնելու, Ադրբեջանի կողմից ռազմատենչ սպառնալիքները վերացնելու նպատակով:

«Մենք նաև ներքին մարտահրավերներ ունենք: Դեռևս չենք կարողացել ստեղծել ժողովրդավարական քաղաքացիական հասարակություն, չի վերացվել կոռուպցիան: Սփյուռքահայերն աստիճանաբար կորցնում են մայրենի լեզուն, փակվում են հայկական դպրոցները, դառնում են անկազմակերպ», - նշել է նախարարը:

Նրա խոսքերով՝ եկել է ժամանակը համախմբվելու համազգային խնդիրների լուծման և նպատակների հասնելու շուրջ: «Մեզանից յուրաքանչյուրը պետք է բարձրաձայնի Ղարաբաղի արդար դիրքորոշման, ղարաբաղյան հակամարտության մասին, և այս տեսանկյունից մենք դեռ շատ բան ունենք անելու», - ասել է Հակոբյանը:

«Մենք խոսում ենք ցեղասպանության մասին, սակայն չենք խոսում ցեղասպանության հետևանքների մասին, և այն շարունակվում է հիմա, մասնավորապես՝ փակ սահմանների պատճառով, և մամուլը պետք է ուշադրություն դարձնի այդ հարցերին», - ընդգծել է նախարարը:

Այլ կարևորագույն հարցերի թվում նա նշել է սփյուռքում հայոց լեզվի, մշակույթի և ազգային արժեքների պահպանումը:

Միջոցառման ընթացքում Հայ Առաքելական եկեղեցու Արցախյան թեմի առաջնորդ Պարգև արքեպիսկոպոս Մարտիրոսյանը ներկաներին հղել է Ամենայն Հայոց Գարեգին Երկրորդ Կաթողիկոսի օրհնության խոսքը:

«Ադրբեջանը մեզ տեղեկատվական պատերազմ է հայտարարել, և դուք՝ որպես ԶԼՄ-ների ներկայացուցիչներ, տեսանելի և անտեսանելի պատերազմի զինվորներն եք», - հայտարարել է արքեպիսկոպոսը: Նրա խոսքերով՝ Ղարաբաղը տարածքային կորուստներ է կրել, սակայն կան նաև ձեռքբերումներ:

«Աշխարհում իրական արդարության տարածումը մեր առաջնահերթ խնդիրն է: Ձեր շնորհիվ մենք պետք է ճեղքենք ներկա շրջափակումը և արդար դիրքորոշումը հասցնենք ողջ աշխարհին՝ ի պատասխան հակառակորդի կողմից շարունակվող հակահայկական գործողությունների», - ասել է նա՝ դիմելով կոնֆերանսին մասնակցող լրագրողներին:

Միջոցառման բացմանը ներկա էին ԼՂՀ նախագահ Բակո Սահակյանը, ԼՂՀ ԱԺ խոսնակ Աշոտ Ղուլյանը, վարչապետ Արա Հարությունյանը, ԼՂՀ խորհրդարանի և կառավարության անդամներ, պետական հաստատությունների և գերատեսչությունների աշխատակիցներ, հանրապետության մտավորականության ներկայացուցիչներ:

Կոնֆերանսին, որը տևելու է մինչև հոկտեմբերի 16-ը, մասնակցում է 27 երկիր ներկայացնող շուրջ 200 լրագրող, որոնց թվում են ԱՄՆ-ն, Ավստրալիան, Արգենտինան, Բելառուսը, Բուլղարիան, Կանադան, Սիրիան:

Քննարկման հիմնական թեման կլինի Հայաստանի և Սփյուռքի ԶԼՄ-ների ներկա իրավիճակը, ինչպես նաև ԶԼՄ-ների ոլորտում գոյություն ունեցող խնդիրները: Կոնֆերանսի կազմակերպիչներն են ՀՀ սփյուռքի նախարարությունը, ԶԼՄ-ների համահայկական ասոցիացիան և Հայաստանի ժուռնալիստների միությունը:-0-

Loading...
Թեմատիկ նյութեր

Բաժնի այլ նյութեր
10:25
27 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 340 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:02
26 Մարտի 2017
Սարգսյան. Հայաստանի զինուժի գերագույն գլխավոր հրամանատարն աչքը չի թարթելու, հարկ եղած դեպքում, «Իսկանդերի» համազարկի հրաման արձակելիս (ՏԵՍԱՆՅՈՒԹ)
Աշխատանքային այցով Արցախի Հանրապետություն մեկնած ՀՀ նախագահ Սերժ Սարգսյանն այսօր եղել է ՊԲ զորամասերից մեկում:
10:40
25 Մարտի 2017
Հակառակորդը գիշերը հայ դիրքապահների ուղղությամբ արձակել է ավելի քան 220 կրակոց
Հակառակորդը, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 220 կրակոց:
10:30
24 Մարտի 2017
Հակառակորդը խախտել է հրադադարի ռեժիմը հրաձգային զինատեսակներից
Գիշերը արցախա-ադրբեջանական հակամարտ զորքերի շփման գծում հակառակորդը կիրառել է տարբեր տրամաչափի հրաձգային զինատեսակներ։
19:31
23 Մարտի 2017
The Washington Post–ը հրապարակել է Արցախի ռազմադպրոցի աղջիկ կուրսանտների լուսանկարները
The Washington Post ամերիկյան ճանաչված պարբերականը ֆոտոռեպորտաժ է հրապարակել Ստեփանակերտի բարձրագույն ռազմադպրոցի աղջիկ կուրսանտների մասին։
10:25
23 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 370 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։

10:02
22 Մարտի 2017
Ադրբեջանական զինուժը հայ դիրքապահների ուղղությամբ ակտիվ կրակ է վարել դիպուկահար հրացաններից
Հակառակորդը դիպուկահար հրացաններից առավել ակտիվ կրակ է վարել արևելյան և հյուսիսարևելյան հատվածներում:
10:42
21 Մարտի 2017
Իրադրությունն առաջնագծում. հակառակորդը գիշերն արձակել է ավելի քան 300 կրակոց
ՊԲ առաջապահ զորամասերը հիմնականում ձեռնպահ են մնացել պատասխան գործողություններից։
10:19
20 Մարտի 2017
Գիշերը շփման գծում իրադրությունը հանգիստ է եղել
Հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է ավելի քան 25 անգամ:
10:40
18 Մարտի 2017
Հակառակորդը հայ դիրքապահների ուղղությամբ արձակել է ավելի քան 250 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 250 կրակոց:
10:11
17 Մարտի 2017
Հակառակորդը գիշերը հայ դիրքապահների ուղղությամբ արձակել է շուրջ 450 կրակոց
Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 450 կրակոց:
21:01
16 Մարտի 2017
Արցախի ՊՆ-ն հերքում է ԱՀ պաշտպանության նախարարի վիրավորման մասին լուրերը
Սենոր Հասրաթյանը հերքում է ԱՀ պաշտպանության նախարար Լևոն Մնացականյանի վիրավորման մասին տեղեկատվությունը: