487.29
-0.01
568.08
+2.76
8.23
+0.01
+6
Եղանակը Երևանում
Հայ
ԼՂՀ խորհրդարանի պատվիրակությունը մի շարք հանդիպումներ է անցկացրել Նյու Յորքում
19:42
30 Սեպտեմբերի 2010

Սեպտեմբերի 26-ին ԼՂՀ խորհրդարանի խոսնակ Աշոտ Ղուլյանի գլխավորած պատվիրակությունը ԱՄՆ-ի գործնական այցի շրջանակներում Նյու Յորքում հանդիպել է ՄԱԿ-ում մշտական ներկայացուցիչ Կարեն Նազարյանին հետ, հինգշաբթի հաղորդում է ԼՂՀ խորհրդարանի մամուլի ծառայությունը։

Պատվիրակության կազմում է նաև ԼՂՀ ԱԺ արտաքին հարաբերությունների մշտական հանձնաժողովի  փոխնախագահ Սերգեյ Ղազարյանը։ Խորհրդարանական պատվիրակությունն ուղեկցում է ԱՄՆ-ում ԼՂՀ մշտական ներկայացուցիչ Ռոբերտ Ավետիսյանը։ Ողջունելով հյուրերին՝ Նազարյանը ներկայացրել է վերջերս ՄԱԿ-ի Գլխավոր Ասամբլեայում  կայացած քննարկումները։

Այնուհետև ՄԱԿ-ում ՀՀ Մշտական ներկայացուցիչ Կարեն Նազարյանի ուղեկցությամբ Արցախի պատվիրակությունը մասնակցեց տեղի հայկական համայնքի նախաձեռնությամբ կազմակերպված միջոցառմանը` նվիրված ՀՀ անկախության հռչակման տարեդարձին:

Շնորհավորելով հանդիսության մասնակիցներին տոնի առթիվ՝  Արցախի խորհրդարանի նախագահը կարևորեց երկու հայկական հանրապետությունների վաստակած անկախության արժեքը և շեշտեց Սփյուռքի  դերակատարությունն այն ամրապնդելու գործում:

Նույն օրը երեկոյան Արցախի խորհրդարանի նախագահի պատվին հայտնի բարերար Անդրեաս Ռուբյանի կողմից  կազմակերպվել է ընդունելություն, որին մասնակցել են տեղի հայ համայնքի հոգևոր, քաղաքական ու հանրային գործիչներ:

Ազգային ժողովի նախագահը, դիմելով ներկաներին` կոչ արեց շարունակել հայրենիքին ցուցաբերվող աջակցությունը և ակտիվորեն մասնակցել նոյեմբերին սպասվող համահայկական հանգանակությանը։

Հաջորդ օրը՝ սեպտեմբերի 27-ին, ԼՂՀ պատվիրակությունն այցելեց Հայ Առաքելական Եկեղեցու ԱՄՆ հայոց Արևելյան թեմի առաջնորդարան, որտեղ նրանց ընդունեց թեմի առաջնորդ  Խաժակ արքեպիսկոպոս Պարսամյանը:

Այնուհետեւ պատվիրակությունն այցելեց նաև Մեծի Տան Կիլիկիո Կաթողիկոսության ԱՄՆ հայոց Արևելյան թեմի առաջնորդարան և հանդիպեց առաջնորդ Օշական արքեպիսկոպոս Չոլոյանի հետ։

Առաջնորդարաններ կատարած այցելությունների ժամանակ, որոնց մասնակցում էր նաև ՄԱԿ-ում ՀՀ մշտական ներկայացուցիչը, քննարկվել են համազգային նշանակության խնդիրներ  և դրանց շուրջ հայության բոլոր հատվածների ներուժի կենտրոնացման անհրաժեշտության հարցը:

Օրվա երկրորդ կեսին ԼՂՀ պատվիրակությունն այցելեց ԱՄՆ-ում ՀՀ դեսպանատուն և հանդիպեց դեսպան Թաթուլ Մարգարյանի և դեսպանատան դիվանագիտական կազմի հետ:

Զրույցի ընթացքում քննարկվել են ԼՂՀ պատվիրակության վաշինգտոնյան այցելության ծրագրի հետ կապված հարցեր և երկու հայկական հանրապետությունների դիվանագիտական կառույցների համագործակցությունը խորացնելու հեռանկարներն ու խորհրդարանական դիվանագիտության ներուժի արդյունավետ օգտագործման հնարավորությունները:

Հանդիպմանը հրավիրված էր նաեւ Միչիգանի համալսարանի պրոֆեսոր Դենիս Փափազյանը, որն իր խոսքում անդրադարձ կատարեց Արցախի անկախության միջազգային ընկալմանը:

Սեպտեմբերի 28-ի առավոտյան Լեռնային Ղարաբաղի  պատվիրակությունը Նյու Յորքից Վաշինգտոն է մեկնել։ -0-

Loading...
Թեմատիկ նյութեր
Բաժնի այլ նյութեր
13:04
08 Նոյեմբերի 2017
Ադրբեջանական կողմը ԵԱՀԿ առաքելությանը դուրս չի բերել առաջապահ դիրքեր
Դիտարկումն անցել է ըստ նախատեսված ժամանակացույցի, սակայն ադրբեջանական կողմը ԵԱՀԿ առաքելությանը դուրս չի բերել իր առաջապահ դիրքեր:
10:35
07 Նոյեմբերի 2017
ԵԱՀԿ դիտարկում է անցկացվելու Մարտակերտ քաղաքից դեպի հյուսիս
ԵԱՀԿ առաքելությունն Արցախի և Ադրբեջանի զինված ուժերի շփման գծի պլանային դիտարկում է անցկացնելու:
18:05
04 Նոյեմբերի 2017
 Արցախում 20–ամյա զինծառայող է զոհվել. կան վիրավորներ
Այսօր Արցախում 20–ամյա զինծառայող է զոհվել. կան վիրավորներ։
16:55
03 Նոյեմբերի 2017
CNN Greece-ը ֆիլմ է նկարահանել Արցախի մասին (ՎԻԴԵՈ)
Ֆիլմում նշվում է նաև, որ Արցախը երկար տարիներ ապրում է պատերազմի և խաղաղության միջև:
10:23
02 Նոյեմբերի 2017
Էրդողանը մտադիր է քննարկել Պուտինի հետ ղարաբաղյան կարգավորման հարցը
Թուրքիայի նախագահ Ռեջեփ Թայիփ Էրդողանը ցանկանում է հանդիպել ՌԴ նախագահ Վլադիմիր Պուտինի հետ:
15:38
28 Հոկտեմբերի 2017
Իրավիճակն արցախա-ադրբեջանական զորքերի շփման գծում եղել է լարված. ԱՀ ՊՆ
Իրավիճակն արցախա-ադրբեջանական հակամարտ զորքերի շփման գծում նախորդ շաբաթվա համեմատ եղել է լարված։
12:50
25 Հոկտեմբերի 2017
Արցախի ՊԲ հրամանատարը դեսպան Կասպշիկին է ներկայացրել ադրբեջանական սադրանքի ապացույցները
Լևոն Մնացականյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
11:26
25 Հոկտեմբերի 2017
Հակառակորդը կրկին ակտիվություն է դրսևորել ղարաբաղա-ադրբեջանական հակամարտ զորքերի շփման գծում
Ադրբեջանական զինուժը 60 մմ-ոց ականանետերից արձակել է 23 արկ:
12:36
24 Հոկտեմբերի 2017
Ստեփանակերտ–Երևան նոր երթուղի է գործարկվում Վարդենիս-Մարտակերտ նորակառույց մայրուղով
Վարդենիս-Մարտակերտ նոր մայրուղով կգործարկվի Ստեփանակերտ–Երևան նոր երթուղին։
11:09
24 Հոկտեմբերի 2017
ԵԱՀԿ–ն հերթական դիտարկումը կանցկացնի Հադրութի հարավարևելյան ուղղությամբ
Արցախի իշխանությունները պատրաստակամություն են հայտնել աջակցել դիտարկման անցկացմանը:
19:11
23 Հոկտեմբերի 2017
Ադրբեջանական զինուժը կրկին կիրառել է «ՍՊԱՅԿ» տիպի կառավարվող հակատանկային հրթիռ
Ադրբեջանական զինուժը խախտել է հրադադարի պահպանման ռեժիմը:
15:09
23 Հոկտեմբերի 2017
ԱՀ ՊՆ–ն հրապարակել է Ադրբեջանի կողմից կիրառված հրթիռի արձակման պահի և դրա թողած հետքի տեսագրությունը (ՎԻԴԵՈ)
Արցախի ՊՆ–ն հրապարակել է Ադրբեջանի կողմից կիրառված «ՍՊԱՅԿ» հրթիռի արձակման պահի և դրա թողած հետքի տեսագրությունը։