486.32
+0.4
519.1
+4.61
8.21
+0.05
-4
Եղանակը Երևանում
Հայ
«Կարոտ» փառատոնը նպաստում է միջազգային մշակութային երկխոսության զարգացմանը
16:03
03 Սեպտեմբերի 2010

ԵՐԵՎԱՆ, 3 սեպտեմբերի. /Նովոստի-Արմենիա/. «Կարոտ» միջազգային փառատոնը դրական լիցք է հաղորդում մշակութային միջազգային երկխոսության զարգացմանը, հայտարարեց Լեռնային Ղարաբաղի հանրապետության նախագահ Բակո Սահակյանը:

«Կարոտի» գործունեությունն օժանդակում է արտերկրում հայկական մշակույթի ճանաչելիությանը, ինչպես նաև տարբեր երկրների ու ժողովուրդների մշակույթը Հայաստանում և Արցախում ներկայացնելու գործընթացին»,- նախօրեին Ստեփանակերտում փառատոնի հանդիսավոր բացմանը ասաց նա:  

«Այն, որ այսօր մեզ հետ այստեղ են Ամերիկայից, Ռուսաստանից, Եվրոպայից, Մերձավոր Արեւելքից և այլ տարածաշրջաններից ժամանած անվանի երաժիշտներ, դերասաններ, մշակույթի ականավոր գործիչներ, դրա վառ ապացույցն է»,- ասաց Սահակյանը՝ հաստատելով իրենց շահագրգռվածությունը նման համագործակցության համար:

Նա կրկին շնորհավորեց արցախցիներին սեպտեմբերի 2-ին նշվող պետական տոնի՝ Արցախի Հանրապետության Օրվա կապակցությամբ: «Այս իրադարձությունը համահայկական նշանակության իրադարձություն է դարձել և նոր էջ է բացել մեր նորագույն պատմության մեջ: Արցախը Մայր-Հայաստանի և հայության հետ կարողացավ դիմակայել բազմաթիվ դժվարությունների, պահպանել և ամրապնդել իր պետական անկախությունը և անվտանգությունը, հուսալի հիմք ստեղծել կայուն զարգացման համար»,- ընդգծեց նա:

Նախագահը հայտարարեց, որ բոլոր հաղթանակների և ձեռքբերումների հիմքում  առաջին հերթին Հայաստան-Արցախ-Սփյուռք եռամիությունն է: «Այդ միասնության ամրապնդման գործում անգնահատելի է այդ ոլորտում մշակութային կապերի ընդլայնման և զարգացման նշանակությունը: Այդ գործընթացում իր հատուկ դերն է խաղում «Կարոտ» միջազգային փառատոնը, որը մեկնարկել է 2008 թվականին և աևդեն կարևոր իրադարձություն է դարձել ողջ հայության համար»,- նշեց Սահակյանը:

Ինչպես նշեց Ղարաբաղի նախագահը, փառատոնի կազմակերպման գործում իրենց ջանքերն են միավորում պետական և հասարակական կազմակերպություններ, գործարար-շրջանակներ, մշակույթի առաջատար ներկայացուցիչներ ինչպես Հայրենիքում, այնպես էլ Սփյուռքում, մարդիկ, ում համար հայկական ինքնատիպության և ազգային ժառանգության պահպանումը բացառիկ արժեք է:

Իր խոսքի ավարտին Սահակյանը երախտիքի խոսքեր ուղղեց «Կարոտ» միջազգային փառատոնի կազմակերպիչներին՝ Հայկական մշակույթի զարգացման հիմնադրամին, Արցախում այդ կարևոր միջոցառման անցկացման համար: «Հույս ունեմ, որ դա բարի ավանդույթ կդառնա և շարունակություն կունենա: Կրկին շնորհավորում եմ բոլորին և մաղթում հաջողություն և ամենայն բարիք»,- ասաց նա:

«Կարոտ» միջազգային 3-րդ փառատոնն առաջին անգամ է անցկացվում Հայաստանում և Լեռնային Ղարաբաղում, բացումը տեղի է ունեցել սեպտեմբերի 2-ին ԼՂՀ մայրաքաղաք Ստեփանակերտում: Նախորդ երկու փառատոներն անցկացվել են Մոսկվայում:

Փառատոնի գլխավոր իրադարձությունը «Կարոտ» մրցանակների հանձնումն է ինչպես Հայաստանի, այնպես էլ աշխարհի մշակույթի, արվեստի, գիտության, սպորտի և այլ ոլորտների ականավոր գործիչներին, հայ ժողովրդի բարեկամներին, այն մարդկանց, ում ստեղծագործությունը կապված է Հայաստանի հետ, ով իր գործունեությամբ ավանդ է ներդրել հայկական և համաշխարհային մշակույթում:

«Կարոտ» մրցանակի են արժանացել Շառլ Ազնավուրը, Սոս Սարգսյանը, Իոսիֆ Կոբզոնը, Անդրեյ Բիտովը, Նիկիտա Սիմոնյանը, Արմեն Ջիգարխանյանը, Շավարշ Կարապետյանը, Վլադիմիր Սպիվակովը, Կոնստանտին Օրբելյանը, Արթուր Աբրահամը:-0-

Loading...
Թեմատիկ նյութեր
Բաժնի այլ նյութեր
17:36
17 Հունվարի 2017
Արցախի խորհրդարանը համաձայնություն է տվել հանրապետության Սահմանադրության նախագիծը հանրաքվեի դնելուն
Լեռնային Ղարաբաղի Հանրապետության Ազգային ժողովն արտահերթ նիստում համաձայնություն է տվել Արցախի Հանրապետության Սահմանադրության նախագիծը հանրաքվեին ներկայացնելուն:
14:28
17 Հունվարի 2017
Լավրով. ղարաբաղյան հակամարտության կարգավորումը Ադրբեջանի ներքին գործը չէ
Լեռնային Ղարաբաղի հակամարտության կարգավորումը վերացական չէ և «Ադրբեջանի բացառապես ներքին գործերի թեման չէ», հայտարարել է ՌԴ ԱԳ նախարար Սերգեյ Լավրովը 2016 թ,-ի ամփոփիչ մամուլի ասուլիսի ժամանակ:

10:50
17 Հունվարի 2017
Արցախում զինծառայող է վիրավորվել
Դեպքի մանրամասները պարզելու համար կատարվում է քննություն:
15:19
16 Հունվարի 2017
Զինծառայող է մահացել Արցախում հրազենային վիրավորումից
ՊԲ զինծառայողը մահացու հրազենային վիրավորում է ստացել։
14:20
16 Հունվարի 2017
Քաղաքագետը չի բացառում Ադրբեջանի կողմից ԼՂՀ սահմանում իրավիճակի սրումը
Ղարաբաղա-ադրբեջանական հակամարտ զորքերի շփման գծում Ադրբեջանի կողմից իրավիճակի մասշտաբային սրումը չի բացառվում:
11:35
16 Հունվարի 2017
Մահացել է հակառակորդի գնդակից վիրավորված հայ զինծառայողը
2016 թվականի դեկտեմբերի 30 ծանր վիրավորում ստացած հայ զինծառայողը մահացել է նախօրեին Երևանի Կենտրոնական հոսպիտալում:
10:42
16 Հունվարի 2017
Արցախի ՊԲ–ն խիստ գործողությունների կդիմի առաջնագծում լարվածության սրման դեպքում
Արցախի պաշտպանության բանակն ավելի խիստ գործողությունների կդիմի, եթե հակառակորդն առաջնագծում շարունակի լարել իրավիճակը:
12:17
14 Հունվարի 2017
Ղարաբաղի ընտանիքները «Տաշիր» հիմնադրամից 4 հազարական դոլար կստանան չորրորդ երեխայի համար
Հունվարի 20-ին «Տաշիր» բարեգործական հիմնադրամը 4000-ական դոլար է հատկացնելու 2016թ.-ի ընթացքում Արցախի ընտանիքներում ծնված չորրորդ երեխաներին:
10:40
14 Հունվարի 2017
Գիշերը հակառակորդը շփման գծի հյուսիսարևելյան ուղղությամբ կիրառել է ՀԱՆ-17 տիպի նռնականետ
Հակառակորդը հայ դիրքապահների ուղղությամբ արձակել է ավելի քան 500 կրակոց:
11:03
13 Հունվարի 2017
Հակառակորդը խախտել է հրադադարի ռեժիմը գնդացիրներից
Ղարաբաղա-ադրբեջանական հակամարտ զորքերի շփման գծում հակառակորդը հրադադարի պահպանման ռեժիմը  խախտել է շուրջ 40 անգամ:
19:36
12 Հունվարի 2017
Լավրովը ԵԱՀԿ գործող նախագահի հետ կքննարկի ղարաբաղյան խնդիրը
ՌԴ արտաքին գործերի նախարար Սերգեյ Լավրովը ղարաբաղյան խնդիրը կքննարկի ԵԱՀԿ գործող նախագահի հետ։

10:20
12 Հունվարի 2017
Իրադրությունն առաջնագծում. հակառակորդը գիշերն արձակել է ավելի քան 400 կրակոց
ՊԲ առաջապահ զորամասերը ձեռնպահ են մնացել պատասխան գործողություններից և շարունակել վստահորեն իրականացնել մարտական հերթապահություն: