484.45
-0.06
527.28
+8.56
8.65
+0.04
+16
Եղանակը Երևանում
Հայ
Լեռնային Ղարաբաղը միջազգային ճանաչման բոլոր հիմքերն ունի. ղարաբաղցի պատգամավոր
18:10
20 Հուլիսի 2010

Լեռնային Ղարաբաղը միջազգային ճանաչման համար բոլոր հիմքերն ունի, երեքշաբթի Ստեփանակերտում  լրագրողներին ասաց ԼՂՀ Ազգային ժողովի պետաիրավական հարցերի մշտական հանձնաժողովի նախագահ Գագիկ Պետրոսյանը։

Ըստ նրա՝ մի քանի աղբյուրների համաձայն՝ հուլիսի 22-ին ՄԱԿ-ի Հաագայի Միջազգային դատարանը կհրապարակի Կոսովոյի անկախության հռչակման օրինականության հարցով խորհրդակցական եզրակացությունը։

«Ի տարբերություն Դատարանի որոշումների՝ խորհրդակցական եզրակացությունները պարտադիր ուժ չունեն, սակայն դրանք կարող են քաղաքական հետևանքների հանգեցնել։ Դատարանն, ամենայն հավանականությամբ, դրական պատասխան կտա հետևյալ հարցին. «Արդյոք միջազգային իրավունքների նորմերին համապատասխանու՞մ է Կոսովոյի ինքնավարության ժամանակավոր ինստիտուտների կողմից անկախության միակողմանի հռչակումը»՝ պատճառաբանելով, որ Կոսովոյի համար անկախությունը միակ հնարավոր ելքն էր  իրավիճակից, որը սպառնում էր կոսովցի ալբանացիների էթնիկ զտմամբ և ընդհանուր առմամբ տարածաշրջանի ապակայունացմամբ։ Միաժամանակ, հավանաբար, կնշվի, որ Կոսովոն նախադեպ չէ, և նրա օրինակը չի տարածվում այլ նման հակամարտությունների վրա»,- նշեց Պետրոսյանը։

«Մինչդեռ Լեռնային Ղարաբաղը, որն իր անկախությունը հռչակեց 1991թ.-ին՝ այդ ժամանակ գործող խորհրդային օրենքներին և միջազգային իրավունքների նորմերին խիստ համապատսխան, ողջ 70 տարի ստիպողաբար գտնվելով Ադրբեջանական  ԽՍՀ կազմում, իր վրա զգացել է այդ հանրապետության իշխանությունների կողմից վարած մշակութային ցեղասպանության քաղաքականությունն ու էթնիկ խտրականությունը։ Իսկ էթնիկ զտումների և բաց ագրեսիայի տարիներին, որը  պատերազմի հանգեցրեց (1990-1994թթ.), Լեռնային Ղարաբաղի և հարակից  տարածքների հայ բնակչությունը լիովին ֆիզիկական բնաջնջման սպառնալիքի առջև հայտնվեց»,- ասաց Պետրոսյանը։

Ղարաբաղցի պատգամավորը հայտարարեց, որ այլ կերպ ասած՝ ԼՂՀ-ն միջազգային ճանաչման բոլոր հիմքերն ունի, առավել ևս, որ այսօր ևս պաշտոնական Բաքուն միջազգային հանրության աչքի առջև, բացահայտ սպառնում է ղարաբաղցի հայերին ֆիզիկական հաշվեհարդարով և շարունակում է կոպտորեն խախտել հրադադարի ռեժիմը՝ այդ կերպ խախտելով փխրուն խաղաղությունը և տարածաշրջանի կայունությունը։

Նրա խոսքերով՝ ամենևեին էլ պատահական չէ, որ Հաագայի Միջազգային դատարանի խորհրդակցական եզրակացության հրապարակման նախօրեին Ադրբեջանում նկատվում է իրարանցում և որոշակի խուճապ, մասնավորապես, հրատարակման են պատրաստվում բարձր մակարդակով պատվիրված և զուտ քարոզչական նպատակներ հետապնդող գրքեր:

«Մինչդեռ օրերս Ալմաթիում ԵԱՀԿ ղարաբաղյան խնդրով Մինսկի խմբի համանախագահները հստակ հայտարարեցին ադրբեջանական կողմի ապակառուցողականության մասին՝ նշելով, որ չի կարելի ընտրովի մոտենալ միջազգային սկզբունքներին: Կազդի՞ դա Ադրբեջանի՝ ցինիկաբար տարածքային ամբողջականության սկզբունքը շահարկող իշխանությունների վրա: Ի վերջո, կհակվի՞, արդյոք, պաշտոնական Բաքուն դեպի կառուցողական հուն:  Կարծում եմ, որ դեռևս վաղ է այդ մասին խոսել»,- ամփոփեց Պետրոսյանը:   --0--

Loading...
Թեմատիկ նյութեր

Բաժնի այլ նյութեր
10:32
25 Ապրիլի 2017
Հակառակորդի գնդակից ՊԲ զինծառայող է զոհվել
Հակառակորդի կողմից հրադադարի ռեժիմի խախտման հետևանքով ապրիլի 24-ին ՊԲ զինծառայող է մահացել:
16:01
24 Ապրիլի 2017
The Independent–ի լրագրողը կհայտնվի Ադրբեջանի «սև ցուցակում»
Բաքուն բրիտանական The Independent–ի լրագրողին կներառի «սև ցուցակում»։
10:40
22 Ապրիլի 2017
Գիշերը հակառակորդը կիրառել է հաստոցավոր հակատանկային նռնականետ
Շփման գծի արևելյան ուղղությամբ ադրբեջանական զինուժը կիրառել է նաև հաստոցավոր հակատանկային նռնականետ:
10:43
20 Ապրիլի 2017
Իրադրությունն առաջնագծում. հակառակորդն արձակել է ավելի քան 500 կրակոց
ՊԲ առաջապահ զորամասերը լիակատար վերահսկողություն են պահպանում առաջնագծում։
17:55
19 Ապրիլի 2017
Լավ լուծում կլիներ, եթե Լեռնային Ղարաբաղը միացվեր Հայաստանին. Մարին լը Պեն
Ֆրանսիայի նախագահի թեկնածու, «Ազգային ճակատ» ազգայնական կուսակցության առաջնորդ Մարին Լե Պենը Nouvelles d’Arménie–ին տված հարցազրույցում խոսել է արցախյան խնդրի մասին։

10:08
19 Ապրիլի 2017
Գիշերը հակառակորդը կիրառել է նաև ձեռքի հակատանկային նռնականետ
Շփման գծի հյուսիսային ուղղությամբ ադրբեջանական զինուժը կիրառել է նաև ձեռքի հակատանկային նռնականետ:
19:39
18 Ապրիլի 2017
Արցախում 20–ամյա զինծառայող է վիրավորվել. նրա վիճակը ծանր է
Արցախում նախօրեին 20–ամյա զինծառայող է վիրավորվել։
10:26
18 Ապրիլի 2017
Հակառակորդը դիպուկահար հրացաններ է կիրառել շփման գծում
Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը:
11:24
17 Ապրիլի 2017
Իրադրությունն առաջնագծում. հակառակորդը գիշերն արձակել է շուրջ 240 կրակոց
ՊԲ առաջապահ զորամասերը ձեռնպահ են մնացել պատասխան գործողություններից։

10:40
15 Ապրիլի 2017
Ադրբեջանական ԶՈւ-ն հայ դիրքապահների ուղղությամբ արձակել է ավելի քան 400 կրակոց
Հակառակորդը,տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 400 կրակոց
11:18
14 Ապրիլի 2017
Հակառակորդը շփման գծում կիրառել է ականանետ և հակատանկային նռնականետ
Ապրիլի 13-ին և լույս 14-ի գիշերն արցախա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր զինատեսակներից։
10:15
13 Ապրիլի 2017
Արցախում հակառակորդը գիշերը հայ դիրքապահների ուղղությամբ արձակել է շուրջ 300 կրակոց
Ապրիլի 12-ին և լույս 13-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից հրադադարի պահպանման ռեժիմը խախտել է ավելի քան 25 անգամ